Jone 16:27 - Ṉa Alaofua Falu 1923 1949

²⁷ Uria na ṉa Maka talani nia kai liothau ani kamulua, sulaania mulu liothau ani nau, ma mulu fitoo na nau ku lae mai ku ita atha God.

Jone 16:27 Referans Kwoze

Jone 14:21

Wane ana si ṉata fifi nau ki, ma ka ade sulia, nia na wane na kai liothau iaku: ma wane ne liothau iaku Maka nau kai liothau ani nia, ma nau kwai liothau ani nia, ma kwai fatai nau isana.

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

I. Pita 1:8

Wane na musi rikia u ma muka liothau ani nia; na, boro sa musi rikia u mena, mulu fitoona, ma sui mulu seethathala faamau ania ana seethathala la na kesi talaana ṉata la sulia, na ka fuṉu ana inotoa:

I. Korinitha 16:22

Mada sa ta wane ka ai si liothau bana atha Lord Jesus Christ, keki alua taa la fafi nia. Ṉa Lord kulu ni karaṉi mai.

Jone 8:42

Tha Jesus ka soree isada, Mada sa Maka kamulua na tha God, do muki liothau ani nau: uria nau ku lae mai ma ku ita mai atha God; ma nau e ai kwasi lae mai i talaaku, ni nia e arasi nau mai.

I. Jone 4:19

Kulu liothau, uria ne liothau ani kulu totonao.

II. Korinitha 5:14

Sulaania liothau la tha Christ ka suuwai kamilia; uria na manatamilia e unei, na tee nonii Wane e mae uria toa ni sui bana, mania toa eri sui bana kera mae bonaa;

Jone 16:30

Si maṉa eri mili thaitoomana naa no thaitoomana maalutana si do ki sui bana, ma osi rofea ta wane kai soetoomu: uria si do nei mili fitoo no lae mai oko ita atha God.

Mathui 10:37

Wane na kai liothau ana maka nia mado thainana ka tatha ani nau e ai si faraku; ma wane na kai liothau ana kaluwane nia mado thari nia ka tatha ani nau e ai si faraku.

Si do na kera fatai nia 3:19

Nau ku sorea toa eki sui bana na nau ku liothau anida, ma ku kwaeda ana faaoolo lada: mania oki seemabe, ma oki akeletania manatamu.

Si do na kera fatai nia 3:9

Rikia fasi, kwai adea na toa ana ofu la tha Satan, toa ba na kera tala alaṉi kera ana Ju ki, ma kera Ju ki e ai, keki lole ada; rikia fasi, kwai adea na toa eki keki lae mai ma keki boururu isana aaemu, keki faabaita oe, ma keki thaitoomana ni nau ku liothau ani oe ka toto bana.

Efesasi 6:24

Lea la kai to bia toa eki sui boo na kera liothau ana Lord kulu tha Jesus Christ asi lio ne ai si fufuraa. Emeni.

Hibaru ki 12:6

Uria na wane na tha Lord ka liothau ania, wane nia kai kwaea ana faaoolo lana neri, Ma kai kwae tataria ana suila ni tei ne thathagonia mai kai kaluwane ania.

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui:

Galesia 4:4

Ma sui buriana na si maṉa nia eri e fula bonaa, tha God e bii arasia mai Kaluwane nia, ne futa ana wela kini, futa sulia ṉa lo,

I. Korinitha 15:47

Wane totonao ita mai i theegano, do ana gano nania: Wane iburi na ṉa Lord ne ita mai ana ṉa thalo.

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Jone 7:29

Ni nau ku thaitoomana bakua; sulaania ku ita mai ani nia, ma nia arasi nau mai.

Jone 3:13

Me ai ta wane lau si tatae uri thalo, talitoona bana nia ne sifo mai faisia thalo, nia na ṉa Kaluwane imole na ni mai thalo.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.