Jone 16:13 - Ṉa Alaofua Falu 1923 1949

¹³ Ma sui lalae ni nia, ṉa Spirit mamana, ka fula naa, nia kai fatai nia tala isamulua asi do ki sui bana ne mamana: uria nia toto si ṉata i talaana; si do eki sui bana na nia kai roṉoa, do eki na kai ṉata sulia: ma nia kai fatai nia si do eki isamulua na toto kai fula.

Jone 16:13 Referans Kwoze

Jone 14:26

Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.

Jone 14:17

Nia na ṉa Spirit mamana: na fanua nei iano ka dora ana thathagoni lana; uria ne ai si riki nia, ma ka ai si thaitoomana lau boo: ni kamulua mulu thaitoomana; uria nia kai to bana isamulua, ma toto kai ni ani kamulua.

Jone 15:26

Ma lalae nia na kai faainamaruki kamulua e fula naa, na nau kwai arasia mai isamulua ka ita ana ṉa Maka, na Spirit mamana, na kai ita mai ana ṉa Maka, nia kai faamamanea si do ne thaitoomana suli nau.

I. Jone 2:27

Ma ni kamulua, gwai eri na nia e kiki kamulua ania ka to ani kamulua, ma musi rofea ta wane na kai kwaifamanatai isamulua; ma ’uria lau boo do nia e kiki kamulua ania ka kwaifa manatai isamulua sulia si do ki sui boo, ma ka mamana, ma do ni lole la e ai, ma ’uria si do ne tooa isamulua, muki to ani nia.

I. Jone 2:20

Ma isamulua gwai eri na Wane Abu eri e kiki kamulua ania, ma mulu thaitoomana si do ki sui bana.

Jone 12:49

Uria ni nau e ai kwasi ṉata asi do i talaaku; ṉa Maka ne arasi nau mai, nia e faaroṉo nau mai asi do nau kwa sorea, ma kwa ṉata sulia.

I. Jone 4:6

Kulu do tha God ki: wane ne thaitoomana tha God ka roṉo kulu; wane ne ai si thaitoomana tha God ka ai si roṉo kulu. Asi kula eri kulu thaitoomana spirit ana mamana la, ma spirit ana tole garo la.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Si do na kera fatai nia 1:19

Oki keda si do no rikidaki, ma si do na ni maṉa eri ki, ma si do na toto kai fula ki mai;

Jone 8:38

Nau ku ṉata sulia si do ni nau ku rikidaki isana Maka nau: ma ni kamulua lau boo muka ilia si do na mulu roṉodaki ana maka kamulua.

II. Thesalonika 2:3

Musi alamatania ta wane kai lole kamulua ana ta si do: uria na fa boṉi eri sa ka fula e ai, si maṉa na kesi akele totonao faisia tha God, ma kesi fatai nia u wane eri ana abula la asi do kera lufia, wane na kera tooa toto kai sui,

Si do na kera fatai nia 1:1

Si do na tha Jesus Christ e fatai nia, na tha God e falea ifana fasi kai fatai nia si do eki na kai makee fula bomai, e ai si ei, isana toa ni ra nia ki: ma nia falea mai me fatai nia ana angel nia isana wane ni ra nia na tha Jone;

II. Thesalonika 2:12

Fasi Wane ni Kotu kai ṉata sulia toa eki sui boo na kesi fitoona mamana la, ma kera seethathala asi abula la ne ai si kokoto.

Si do Aposela ki kera ilidaki 27:24

Ma ka una eri, Osi mau, Polo; oki takwe e ai si ei boo inaofatha Sisa: ma rikia fasi, tha God e alamatania toa eki sui boo ifamu na kera lae i la faka bi oe.

Si do Aposela ki kera ilidaki 20:23

Talitoona si do eri, tha Spirit Abu ka faamamanea si do ne thaitoomana isaku i la toaa susu ki sui bana, ka ṉata sulia nailii thalo ki ma to la ana taa la ki na kai maakwali nau.

Jone 3:32

Ma si do ne rikia naa me roṉoa, do nia faamamanea neri: me ai ta wane si faamamanea si do nia sorea.

Si do Aposela ki kera ilidaki 11:28

Ma tee wane iada, thatana tha Agabasi, ka takwe ia, ka fatai nia atha Spirit na toto unii thaofa baita kai fula ana fanua nei iano ni sui bana: na ka mamana asi maṉa na tha Kilodiasi Sisa e to u bana.

Jone 16:12

Akua do oro ki ni u sa kwai soree isamulua, sui mulu dora ana ṉali lana si maṉa eri.

Hibaru ki 1:1

Tha God, ne ṉata u mai inao isana maka nai nao ki ana porofeta ba ki asi ṉata la oro eeta ki sui bana ma asi ade la oro eeta ki sui bana,

I. Jone 5:6

Nia boo neri ne lae mai ana kafo ma ’abu, tha Jesus Christ; ana talitoona bana kafo eri e ai, ana kafo eri ma ana ṉa ’abu. Ma tha Spirit neri na ka faamamanea si do nia thaitoomana, uria na tha Spirit na ṉa mamana la.