Jone 16:11 - Ṉa Alaofua Falu 1923 1949

¹¹ Sulia kotu kokoto la, uria do ne inoto i fanua nei iano Wane ni Kotu e ṉata naa suli nia.

Jone 16:11 Referans Kwoze

Jone 12:31

Si maṉa eri maṉa ana kotu baita ifana fanua nei iano: si maṉa eri keki sui nia ne inoto i fanua nei iano kai lae kau.

I. Jone 3:8

Wane na ka abula taa ṉado, do tha devil nania; uria na tha devil ka abula taa ṉado ita i thafali la mai. Sulia si kula eri kera fatai nia Kaluwane tha God, fasi nia kai labatania si ra tha devil ki.

Hibaru ki 2:14

Mania sulaania baree wela eri ada abu bia mariko, ni nia lau boo e ṉalia seedo eri boo; fasi ana mae lana kai faaai nia ne gwauwai ana maea, na tha devil;

Kolose 2:15

Ma uria ne tanusia inotoa toa inoto eki ma toa sukwai eki faisida, e fatai kera fasi toa na fanua kai bubu, si nia e tatha iada sulaania ’ai rarafolo eri.

II. Korinitha 4:4

Toa eki god kada nei e faarorodoa manatana toa ana fitala la, fasi ṉa lalaa la na si faaroṉoa lea sulia inotoa tha Christ, na nuna tha God, ka ai si laa ifada.

Jone 14:30

Nau e ai kwasi ṉata oro lau bi kamulua, uria na nia ne inoto ana fanua nei iano toto kai lae mai: me ai ta do si ni ifana ani nau;

Si do na kera fatai nia 1:7

Rikia fasi, nia kai lae mai la datha; ma toa na fanua ni sui bana keki riki nia ana maada, ma wane eki na kera labukwadaṉi nia lau boo; ma kulee toa eki sui bana ana fanua nei iano keki tatao uri nia. Iu, Emeni.

II. Pita 3:7

Ma thalo lo ki ne to si maṉa eri, ma fanua nei iano, kera alua asi baea eri boo maakwalia era, uria na kera tooa kai maakwalia fa boṉi eri ana kotu baita ma labatai lana wane eki na kera fare faekwa atha God.

Hibaru ki 9:27

Ma talafana kera tooa wane ki keki mae tee si maṉa boo, ma Wane ni Kotu kai ṉata sulida iburi;

Hibaru ki 6:2

Ma ṉa kwaifamanatai la sulia babataesi la ki, ma sulia alu lana abee imole, ma sulia ṉa tatae lana toa mae ki, ma sulia ṉata lana Wane ni Kotu sulia si do na kai uria imole toto si sui.

Efesasi 2:2

Na mulu abula sulia dini mai inao sulia si maṉo eri na ni ana toa na fanua nei iano, suli nia ne inoto ana toa gwauwai eki i la mamatalea, spirit na ka ra si maṉa eri i lala unii wane na kera ade faisia si ṉata;

I. Korinitha 4:5

Mania musi ṉata mala wane ni kotu sulia atona bana ta si do, si maṉa ana ili lana e ai u; to si amulua maakwalia ṉa Lord kai fula, na kai fatai lalaa asi do thaufuni ki ana maerodo, ma kai fatai nia si manata la ne toto i rurui imole ki; ma asi maṉa eri tha God kai taṉo kulu, ta wane, sui ta wane.

Si do Aposela ki kera ilidaki 10:42

Ma nia faaroṉo kamilia miki ṉata isana toa eki, ma miki faamamanea si do mili thaitoomana na nia ṉa Wane na tha God e alu nia Wane ni Kotu ifana toa maruki ma toa mae ki.

Luke 10:18

Ma nia ka soree isada, Nau ku rikia tha Satan e aru ka ’uria manu too mai thalo lo.

Mathui 12:36

Ma nau ku soree isamulua, Tona si baea ki sui bana imole kai sorea, keki faaroṉo ania afa boṉi ana kotu baita.

Mathui 12:18

Rikia fasi, wane ni ra nau na nau ku filia; Wane liliothaua nau ne lea i ruruuku uri nia: Kwai alua Spirit nau fafi nia, Ma nia kai faaroṉoa Jenetaele ki ana kotu kokoto.

Fa Ṉu Abu ki 68:18

O tae naa uri iaa, o talaia toa ni ra oe ki, toa oro na omea e lauda; o ṉalia si do noki tona faledaki ifana wane ki, iu, ifana toa eki lau boo na kera ade faisia bae lamu, fasi tha Jihova God kai to bi kera.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Roma 16:20

Ma tha God ana enenoa kai makee alua tha Satan muki uru fafi nia. Lea la na Lord kulu tha Jesus Christ kai to bi kamulua. Emeni.

Roma 2:16

Afa boṉi eri na tha God na Wane ni Kotu kai sorea si do na kai uria wane ki maana si do thaufuni kera ki, atha Jesus Christ, sulia si faaroṉoa lea nau.

Si do Aposela ki kera ilidaki 26:18

Fasi oki ifinia maada, kikui akele faisia maerodo uria ṉa lalaa la, ma faisia sukwaia tha Satan isatha God, fasi keki manata lubea abula taa la kilua ki, ma kikui ṉalia si do na kikui fulatoona i maalutana toa na kera faaabuda ana fitoona laku la.

Si do Aposela ki kera ilidaki 24:25

Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.

Jone 16:12

Akua do oro ki ni u sa kwai soree isamulua, sui mulu dora ana ṉali lana si maṉa eri.