Jone 16:10 - Ṉa Alaofua Falu 1923 1949

¹⁰ Sulia kokoto la uria na nau kwai lae isana ṉa Maka ma ka ai musi riki nau lau;

Jone 16:10 Referans Kwoze

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

I. Korinitha 1:30

Ma ni kamulua mulu ita mai ani nia atha Christ Jesus, na kera alu nia kai liotooa ifakulua ita mai atha God, ma kokoto la ma faaabu la, ma tae la faisikulu:

Si do Aposela ki kera ilidaki 3:14

Ma ni kamulua mulu sorea mulu dora ani nia ne Abu ma ka Kokoto, ma mulu gani fasi keka falea wane ne thauwane ifamulua,

Galesia 5:5

Sulaania atha Spirit kulu maakwalia ana fitooa si do eri na kulu manatatoo ṉado uria na ṉa kokoto la.

Roma 1:17

Sulaania asi kula eri kera fatai nia kokoto la ne ita mai atha God ana fitooa ma uria fitooa: ’uria kera keda, Ma wane kokoto kai maruki uria fitooa.

Si do Aposela ki kera ilidaki 17:31

Uria ne gwalua tee fa boṉi, na nia na Wane ni Kotu kai ṉata kokoto sulia toa na fanua nei iano ana Wane ne alu nia ania; me fatai nia mamana lana si do eri isana toa na fanua asi kula eri, ne tataea Wane eri faisia toa mae ki.

Si do Aposela ki kera ilidaki 7:52

Ni tei ana porofeta eki na maka kamulua ba ki kesi tona ilamatai nia? ma kera thauṉia wane eki na kera fatai nia totonao si do ki sulia fula lana ṉa Wane Kokoto; nia na mulu bii faaalamai nia ma mulu thauṉia;

Si do Aposela ki kera ilidaki 2:32

Jesus eri boo tha God e tataea, si do ni kamilia sui mika faamamanea si do mili thaitoomana sulia.

Jone 5:32

Nia lau nana kai faamamanea si do ne thaitoomana suli nau; ma nau ku thaitoomana si do nia faamamanea suli nau e mamana.

Jone 3:14

Ma talafana tha Mosesi e tafoa baekwa i tolo ba i la fanua kwasi, alafana lau boo keki tafoa Kaluwane imole:

Jone 7:33

Mania tha Jesus e soree isada, Ta kasi maṉa faekwa u nau kwai to bi kamulua, sui nau kwai lae sani nia ne arasi nau mai.

Jone 16:5

Ma kwai lalae naa sani nia ne arasi nau mai; ma ta wane iamulua si soetooku, Ifei noki lae uria?

Jone 16:28

Nau ku lae mai ku ita ana ṉa Maka, ma ku fula ana fanua nei iano: sui kwai akwasia lau fanua nei iano, kwai lae kau isana ṉa Maka.