Jone 15:8 - Ṉa Alaofua Falu 1923 1949

⁸ Si do na kai faainotoa Maka nau nai nia, na muki fuṉu ana foee do oro ki; fasi ni kamulua toa nau kwai tole kamulua.

Jone 15:8 Referans Kwoze

Jone 8:31

Mania tha Jesus ka soree isana Ju eki na kera fitoona naa, Mada sa muka to ṉado i bae laku, kamulua toa nau kwai tole kamulua mamana boo;

Mathui 5:16

Una eri lau boo lalaa la na ka ni ani kamulua kei laa inaona imole, fasi keka rikia ra lea kamulua ki, ma keki taṉoa Maka kamulua ne ni mei thalo.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Jone 15:5

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.

I. Pita 4:11

Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.

Jone 13:35

Asi do eri toa ni sui bana keki thaitoomana na ni kamulua toa nau ku tole kamulua, mada sa muki liothau kwailiu ani kamulua.

I. Korinitha 10:31

Mania mada sa muki faṉa, mado muki kuu, mado atona bana ta si do na muki ilia, muki ilia bamulua ifana inotoa tha God.

I. Korinitha 6:20

Uri na kera usi kamulua: mania muki faainotoa tha God ana seemulua, ma ana spirit kamulua, sulaania ro do eki do tha God ki.

Luke 6:35

Muki liothau ana maalimae kamulua ki, ma muki abula lea, ma muki falea si do na keki duua, musi onotoona lau ṉali lana ta si do i maana; ma kwaiara kamulua kai baita, ma ni kamulua kaluwane Nia ne Inoto ka tatha ki: uria nia kai ade lea ifana toa na kesi sore lea bia toa na kera taa.

I. Pita 2:12

Abula lamulua kai faramulua i maalutana Jenetaele ki; fasi, asi do eri boo na kera ṉata taa suli kamulua ania mala sulia toa na kera abula taa, asi ra lea kamulua ki na keki rikia neri, keki faainotoa tha God afa boṉi ana makele lada la.

Taetasi 2:10

Kesi abula dodora, ma keki fatai nia ṉado mamana lada ne lea; fasi keki ilia na keka taṉoa kwaifamanataia tha God ne faamaruki kulu asi do ki sui bana.

Taetasi 2:5

Keki seeeno, keki to lea, keki ra i maafera kera ki, keki abula lea, keki roo sulia kwaida i talaada, fasi e ai kesi ṉata ni faretoliṉi lana bae lana tha God:

Mathui 5:44

Ma ni nau ku soree isamulua, Muka liothau ana maalimae kamulua ki, muki falea lea la ifana toa na kera alua taa la kai to fafi kamulua, muki ade lea uria toa na kera riki kamulua ka taa, ma muka foa faisia toa na keki fare taa iamulua ma keki tona ilamatai kamulua;

Mathui 9:8

Ma si maṉa na malului wane eki kera rikia, keka mau, ma keka fare inoto atha God, ne falea sukwaia una eri ifana imole.