Jone 15:2 - Ṉa Alaofua Falu 1923 1949

² Atona bana ta tharee do na ni ani nau ma ka ai si fuṉu ana foee do ki, nia kai ṉalia faisi nau: ma atona bana ta tharee do na ka fuṉu ana foee do ki, nia fuloa, fasi kai fuṉu ana foee do oro ka tatha.

Jone 15:2 Referans Kwoze

Mathui 3:10

Ma si maṉa eri mena kera alua naa matau e teo naa sana laila ’ai ki: mania ’ai ni sui bana ne ai si fuṉu ana foee do lea, keka kasia, ma keka naṉa ania i la era.

Mathui 15:13

Ma nia luuda, ka sorea, ’Ai eri sui bana na Maka nau ne ni mei thalo e ai si fasia, keki lafu laulau ania.

Si do na kera fatai nia 3:19

Nau ku sorea toa eki sui bana na nau ku liothau anida, ma ku kwaeda ana faaoolo lada: mania oki seemabe, ma oki akeletania manatamu.

Jone 15:8

Si do na kai faainotoa Maka nau nai nia, na muki fuṉu ana foee do oro ki; fasi ni kamulua toa nau kwai tole kamulua.

Mathui 13:12

Uria ni tei bana na kai rikii do, nia na keki fale iana, ma do nia ki kai oro ka tatha: ma ni tei bana ne ai si rikii do, si do nia rikia mena keka ṉalia faisi nia.

Mathui 3:12

Na teteru nia ni abana, ma nia kai faafalu teefau asi kula ni uri lana uiti nia, ma nia kei ofua uiti nia uri la biu ni aludo, ma efona nia kai naarea kai akofia ana era na kesi talaana kwaemaeli lana.

Mathui 21:19

Me rikia tee thakwari i ninimana tale, nia ka fula isana, ma ka ai si rikia ta do i gwauna, talitoona bana rena; ma nia ka soree isana, Ka ai lau ta foee do si fuṉu i gwaumu too asi maṉa eri ka lae alaa naa. Ma si mana eri u boo thakwari eri ka dele.

Hibaru ki 12:15

Muki rofe fufuli ada ta wane ka ṉuṉuru faisia lea la tha God; ada ta lalii do afae ka tae mai, ka labatai kamulua, ma toa oro keki faasua kera ania;

Jone 15:16

Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

Luke 8:13

Ma si do i fafona fau na toa eki na, si maṉa na kera roṉoa, keka ṉalia si baea eri ana seethathala la; ma ni kera e ai ada ta lalii do, na keka fitoo sulia ta kasi maṉa faekwa, ma asi maṉa ana bae aliṉa la keka asi kera.

I. Jone 2:19

Kera lae kau faisi kulu, sui do kulu ki e ai; sulaania mada sa kera do kulu ki, do keki to ṉado isakulua: sui kera lae kau, fasi keki to fatai na kera sui boo na do kulu ki e ai.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

I. Korinitha 13:1

Kwai ṉata mena ana ṉata lana imole ki ma aini angel ki lau boo, ma ṉa liothau la ka ai faisi nau, nau kwai ’uria si thala na kera kidiriria, mado kwadee thalo na kai tonee alifeo.

Roma 8:28

Ma kulu thaitoomana na si do ki sui bana ka ra ofu uria lea la ifana toa na kera liothau atha God, toa eki na kera ailida mai sulia si do manatana e thathamii ilia.

Jone 17:12

Si maṉa ni nau ku to isada i fanua nei iano, ku beta sulida ana thatamu no alaṉi nau ania: ma nau ku fono toi kalida, me ai ta wane iada si aana, talitoona boo wane eri na kera tooa kai sui; fasi kekeda la abu ba kai mamana.

Mathui 13:33

Ta tarifula lau nia soree isada; Tooa i thalo e ’uria lefena, na tee kini e ṉalia, ka thaufunia i la ulu mae do ana mila maasia si maṉa ka dola ka sui.

Fa Ṉu Abu ki 92:14

Asi maṉa na kera arai ki naa mena, keki fuṉu ana foee do ki; suula do eki kai fuṉu ani kera, ma keki katha:

Mathui 7:19

’Ai ni sui bana ne ai si fuṉu ana fuṉii do ne lea keka kasia, ma keka u ania i la era.

Mathui 25:29

Uria wane ne rikia si do, keki falea si do ki ifana, ma nia kai rikii do faamau: ma wane ne ai ana ta si do, si do nia rikia mena keki ṉalia faisia.

Mako 4:20

Ma kera nai nia na kera afusida fafona gano lea; toa na kera roṉoa si baea eri, ma keki ṉalia; ma keki fuṉu ana foee do, tei ei ana ulu finitee do, tei ei ana ono finitee do, ma tei ei ana tee taleṉee do, fuliṉana do na kera fasidaki.

Jone 15:1

Nau na ṉa faene mamana, ma Maka nau na ṉa wane ni ra ana oolee faene eri.

Jone 15:3

Si maṉa eri mulu falu naa sulaania si baea na nau ku soree isamulua.

Jone 15:6

Mada sa ta wane e ai si to ṉado ani nau, kera naṉa ani nia ’uria ta tharee do, kai dele bonaa; ma kera ofuda, keki u anida i la era, ma kai akofida.

Roma 11:17

Ma mada sa kera oea tei tharee ’ai ana ’ai eri, ma ni oe, no olife kwasi, kera raofai oe oki ni ana ’ai eri i maalutada, mo ṉalia ofu bi kera ta si ana lalii olife ma sula;

Roma 11:22

Mania oki rikia fasi lea la tha God ma susuala la nia: uria tharee ’ai eki na kera asi kera, susuala la; ma uri oe, lea la, mada sa oki to ṉado ana lea la nia: mada sa osi to ṉado una eri keki kwaemusi oe lau boo.