Jone 15:16 - Ṉa Alaofua Falu 1923 1949

¹⁶ Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

Jone 15:16 Referans Kwoze

Jone 15:19

Mada sa ni kamulua do fanua nei iano ki, do fanua nei iano kai liothau asi do nia ki i talaana: sui uria ni kamulua do fanua nei iano ki e ai, ma nau ku fili kamulua faisia fanua nei iano, uria si kula eri fanua nei iano kai riki kamulua ka taa.

Efesasi 2:10

Uria ni kulu do nia e thauwai nia, ne thauwai kulu atha Christ Jesus maakwalia si ra lea ki, na tha God e thathaia totonao fasi kuki abula sulia.

Luke 6:13

Ma si maṉa fanua e dani, nia ka ailia toa nia ne toleda isana: ma nia ka filia tee akwala ma ro nonii wane iada, na nia ka alaṉida lau boo ana aposela ki;

Galesia 1:15

Sui si maṉa na tha God, ne fili nau ania, ita mai asi maṉa ku fula mai ana rakena thainaku, me aili nau mai ana lea la nia,

I. Jone 4:19

Kulu liothau, uria ne liothau ani kulu totonao.

Si do Aposela ki kera ilidaki 22:14

Ma nia sorea, Na God maka kulu ba inao ki e fili oe oki thaitoomana si do nia thathamia, ma oki riki nia ne Kokoto, oki roṉoa liṉana si ṉata la ana fokona.

II. Timothi 2:2

Ma si do ba ki no roṉoa ani nau i maalutana toa oro na kera roṉoa, si do eki oki takofalea ana wane mamana ki, na kera talaana kwaifamanatai la lau isana tai toa lau boo.

Jone 13:18

Nau kwasi ṉata suli kamulua sui: ku thaitoomana toa na nau ku filida naa: sui fasi kekeda la abu ba kai mamana, Wane na ka ania berede nau e taka ani nau ana bora aaena.

Jone 6:70

Tha Jesus e luuda, ka una eri, Ta na sa nau ku talisi kamulua tee akwala eri ma ro nonii wane, ma tee wane iamulua na ṉa spirit taa!

I. Pita 3:15

Muki faaabua tha Lord God i ruruumulua: ma muki fifarao ṉado uria luu lana atona bana ta wane na kai soetoomulua uria maalutana manatatoo ṉado la na ni ani kamulua, sui muki luua ana abula marabibi la ma ana mau la:

Fa Ṉu Abu ki 71:18

Iu, si maṉa eri mena na nau ku arai naa ma gwauku ka kwao naa, God ae, ada oko akwasi nau; maasia si maṉa ku faaroṉo naa ana sukwaia oe isata unii wane lau, ma rigita la oe isana toa ni sui bana ne ni u ki mai.

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

Si do Aposela ki kera ilidaki 1:24

Ma kera foa, keka sorea, Oe, Lord, no thaitoomana rurui wane ka sui bana, oki fatai nia ni tei ana ro wane nai ki no fili nia,

I. Pita 3:2

Uria na keka rikia abula lamulua ne dodoloa bia mau lamulua.

Roma 15:4

Sulaania si do eki sui bana na kera keda dini mai inao kera keda uria faamanatai lakulua la, fasi asi lio ni susuu la ma ana inamaruki la na kekeda la abu eki ka faainamaruki kulu ania, kuki manatatoo ṉado uria si do ne lea.

Si do Aposela ki kera ilidaki 9:15

Ma ṉa Lord ka soree isana, Oki lae amua: uria nia do ni taiṉei la na nau ku filia ifaku, fasi kai ṉalia thataku inaofana Jenetaele ki ma kiṉa ki, ma kwalafa tha Isirela:

Mathui 21:22

Ma si do ki sui bana, ana atona bana si do na muki gania i la foa la, muki fitoo, do muki ṉalia boo.

Fa Ṉu Abu ki 145:4

Unii wane fu keki faare inoto asi ra oe ki isana unii wane lo, ma keki faaroṉo asi abula la sukwai oe ki.

II. Timothi 1:11

Na kera alu nau nau wane ni ṉata la sulia, ma aposela, ma wane ni kwaifamanatai ifana Jenetaele ki.

I. Korinitha 10:11

Ma si do eki sui boo e fulatooda fasi ka thau ani kulu; ma kera keda sulia si do eki uria faamanatai lakulua la, ni kulu na gwauna si maṉa eki e fula naa fafi kulu.

Roma 9:21

Mado wane ni thauwai lana kwadee do ki e ai si ana ana mamako, fasi ana tee kumu eri boo kai ṉalia ta si ana thauwai lana kwadee do na keki fare baita ania, ma ta si ana thauwai lana kwadee do na keki fare faekwa ania?

Jemesi 3:18

Ma foee do eri na ṉa kokoto la, keka fasia ana enenoa ifana toa na keki fofolo.

Hibaru ki 11:4

Ana fitooa tha Ebela e falea do ni foa la lea ka tatha ana do tha Kena ifatha God, do ne adea na kera faamamanea si do kera thaitoomana suli nia na nia e kokoto, uria na tha God e faamamanea si do ne thaitoomana sulia si do nia tona faledaki: ma asi do eri wane eri kai ṉata boro sa ka mae mena.

Taetasi 1:5

Uria si kula eri ku akwasi oe i Kirita na ba, fasi oko faaooloa si do ne ai si oolo ki u, ma oki alua toa ulunao ki i la toaa susu kera ki, ta si kula si ei, ’uria nau ku soree isamu;

Kolose 1:6

Ne fula isamulua; ’uria lau boo e ni ana fanua nei iano ni sui bana me fuṉu ana foee do, alafana lau boo ani kamulua, ita mai afa boṉi eri na mulu bii roṉoa ma mulu thaitoomana mamana lea la tha God;

Roma 1:5

Wane na mili ṉalia lea la ma thatana aposela ki ani nia, fasi keki ade sulia si do na kulu fitoona i maalutana toa na fanua ni sui bana, uria thatana:

Si do Aposela ki kera ilidaki 10:41

Isana toa eri sui bana e ai, isana toa na tha God e filida totonao ana faamamane lana si do na kera thaitoomana, ni kamilia neri, na mili faṉa ma mili kuu ofu bi nia buriana ne tatae faisia toa mae ki.

I. Timothi 2:7

Sulia si do eri kera alu nau nau wane ni ṉaliṉata ma aposela (Nau ku ṉata mamana atha Christ, nau kwasi lole), wane ku kwaifamanatai isana Jenetaele ki ana fitooa ma mamana la.

Kolose 1:23

Mada sa muki to ṉado asi do eki na kulu fitoona, ma keka faaṉado kamulua muki takwe ṉado, ma kesi idu kamulua faisia si do eri na kulu manatatoo ṉado uria asi faaroṉoa lea na mulu roṉoa, na kera ṉata sulia isana imole eki sui boo na kera thauwai nia ifara thalo lo; si do na kera alu nau tha Polo nau wane ni ra la ania.

GENESIS 18:18

Uria na tha Aberahamo ṉa maka totonao mamana boo ana kulee toa baita ma ka rigita, ma ani nia keki alua lea la ifana kulee toa eki sui bana na ni fanua na i iano.

Roma 1:13

Ma nau ku lalakwa na musi thaitoomana, doora kera, na ruruuku e thathamii lae kau isamulua asi maṉa oro ki bana (ma kera suusi nau faisia ka fula asi maṉa eri), fasi kwai alua tei foee do ani kamulua lau boo, ’uria lau boo ana Jenetaele ki sui bana.

Si do Aposela ki kera ilidaki 1:8

Ma lalae tha Spirit Abu e fula fafi kamulua, muki bii ṉalia sukwaia: ma si do mulu thaitoomana suli nau muki faamamanea i Jerusalema, ma i fanua i Judia ka sui bana ma i Sameria, ma ana si kula ne tau faamau mena i fanua nei iano.

Mathui 7:7

Muki gani, ma keki fale ifamulua; muki rofe, ma muka rikia; muki kikidi, ma keki ifini kamulua:

Jone 15:5

Nau na ṉa faene, kamulua ṉa tharee do ki: wane na kai to ani nau, ma ni nau ani nia, wane eri kai fuṉu ana foee do oro ki: uria ni nau e ai faisi kamulua musi talaana ili lana ta si do.