Jone 15:15 - Ṉa Alaofua Falu 1923 1949

¹⁵ E ai kwasi alaṉi kamulua lau ana wane ni ra ki; uria na wane ni ra e dora asi do na wane inoto nia ka ilia: nau ku alaṉi kamulua ana toa na muki ado bi nau; uria na si do ki sui bana na nau ku roṉoa ana Maka nau nau ku faaroṉo kamulua ania.

Jone 15:15 Referans Kwoze

Fa Ṉu Abu ki 25:14

Si do thaufuni tha Jihova ni sana toa eki na kera faare baita iana; ma nia kai fatai nia alaofua nia isada.

Mathui 13:11

Nia luuda, ka soree isada, Kamulua kera alamatai kamulua muki thaitoomana si do eki ne to thaufuni ana tooa i thalo, ma ni kera e ai kesi alamatania ifada.

Jemesi 2:23

Ma kera faamamanea kekeda la abu eri, be una eri, Ma tha Aberahamo e fitoona tha God, ma kera alua si do eri ifana uria kokoto la; ma kera alaṉi nia ana wane ne ado bia tha God.

Kolose 1:26

Si do ne toto thaufuni faisia si maṉa nai nao ki sui bana ma faisia unii wane ki sui boo neri: ma si maṉa eri kera fatai nia naa isana toa abu nia ki,

Si do na kera fatai nia 1:1

Si do na tha Jesus Christ e fatai nia, na tha God e falea ifana fasi kai fatai nia si do eki na kai makee fula bomai, e ai si ei, isana toa ni ra nia ki: ma nia falea mai me fatai nia ana angel nia isana wane ni ra nia na tha Jone;

Efesasi 3:5

Na kesi faaroṉo ania ana wela wane ana unii wane nai nao ki, alafana si do na kera fatai nia si maṉa eri isana aposela abu nia ki ma porofeta ki atha Spirit;

Efesasi 1:9

Uria ne fatai nia si do ne toto thaufuni isakulua asi do nia thathamia, sulia si thathami la lea nia ne onotoona ani nia

Jone 20:17

Tha Jesus ka soree isana, Osi sua nau; uria ni nau e ai kwasi tae u isana Maka nau: oko lae isana dooraku kera, oko faaroṉo kera, Nau kwai tae kau isana Maka nau ma Maka kamulua, isana God nau ma God kamulua.

II. Pita 1:1

Saimona Pita, wane ni ra tha Jesus Christ ma aposela nia, isana toa eki na kera fulatoona fitooa ne ’uria fitooa inoto kamilia eri na ni ana kokoto la God kulu ne faamaruki kulu, tha Jesus Christ:

Galesia 4:6

Ma uria na mulu kaluwane nia ki tha God e arasia mai Spirit Kaluwane nia uria ruruumulua na ka ’ai una eri, Aba, Maka ae.

Jone 12:26

Mada sa ta wane ka ra ifaku, nia kai lae mai iburiaku; ma si kula nau kwai to iei, kula eri lau boo wane ni ra nau kai to iei: mada sa ta wane ka ra ifaku, nia na Maka nau kai fare baita ania.

Jone 8:26

Do oro ni u fasi kwai ṉata ania ma kwai sorea mala wane ni kotu suli kamulua: sui nia ne arasi nau mai e mamana; ma si do nau ku roṉoa ani nia, si do eki kwai ṉata sulia isana toa na fanua nei iano.

I. Pita 1:11

Kera rofea si ta mado si maṉa ta na Spirit tha Christ ne ni ani kera e fatai nia si maṉa ne faamamanea totonao si do ne thaitoomana sulia to lana tha Christ ana taa la ki, ma sulia inotoa na kai fula mai iburi.

Jemesi 1:1

Tha Jemesi, wane ni ra tha God ma tha Lord Jesus Christ, kai aratai lea la ana tee akwala ma ro kulee toa ba ki na kera lae tataka.

Faelimone 1:16

Mala wane na kera suuwai nia kai tona ra e ai lau, e baita ka tatha ana wane una eri, mala doora liliothaua, na nau ku riki nia ka lea faamau, ma ni oe faamau ka tatha, dooramu i seena imole ma ana ṉa Lord lau boo.

Jone 17:26

Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 15:20

Muki onotoona si baea ba na nau ku soree isamulua, Wane ni ra e ai si baita si tatha ana wane inoto nia. Mada sa kera tona ilamatai nau, keki tona ilamatai kamulua lau boo; mada sa kera ade sulia bae laku, keki ade lau boo sulia bae lamulua.

Jone 13:16

Mamana, mamana, ku soree isamulua, Wane ni ra e ai si baita si tatha ana wane inoto nia; ma wane na kera arasia mai e baita si tatha ani nia ne arasi nia mai.

Jude 1:1

Jude, wane ni ra tha Jesus Christ, doora tha Jemesi, isana toa eki na kera ailida mai, na kera liothau ani kera atha God na Maka, ma kera beta sulida atha Jesus Christ:

Si do Aposela ki kera ilidaki 20:27

Sulaania e ai kwasi mau ana faaroṉo lamulua la sulia si do eki sui bana na tha God e manataia.

Jone 4:19

Kini eri ka soree isana, Arai ena ae, ku riki oe ṉa porofeta.

Luke 10:23

Ma nia akele uria toa ne toleda, ka soree isada tee kera, Lea ana maada, toa na kera rikia si do na muka rikidaki:

Jone 16:12

Akua do oro ki ni u sa kwai soree isamulua, sui mulu dora ana ṉali lana si maṉa eri.

Roma 7:15

Uria si do na nau ku ilia nau kwasi thaitoomana: uria si do nau ku thathamia e ai, na nau ku ilia ṉado; si do ku rikia ka taa, si do eri ku ilia.

I. Korinitha 2:16

Uria ni tei ne thaitoomana manatana tha Lord, fasi kai kwaifamanatai isana? Ma manatana tha Christ ka to ani kamilia.