Jone 15:10 - Ṉa Alaofua Falu 1923 1949

¹⁰ Mada sa mulu ade sulia si ṉata fifi nau ki, muki to ṉado ana liothau la nau; ’uria lau boo ni nau ku ade sulia si ṉata fifi Maka nau ki, ma kwai to ṉado ana liothau la nia.

Jone 15:10 Referans Kwoze

Jone 14:15

Mada sa mulu liothau iaku, do muki ade sulia si ṉata fifi nau ki.

I. Jone 5:3

Sulaania liothau la uria tha God neri, na kuka ade sulia si ṉata fifi nia ki: ma si ṉata fifi nia ki do kulua e ai.

I. Jone 2:5

Ma ni tei bana na kai ade sulia bae lana, ana wane eri kera faasukwaia mamana boo liothau la tha God. Asi kula eri mili thaitoomana na mili to ani nia:

II. Pita 2:21

Uria na e lea ka tatha iada mada sa kesi thaitoomana tala ana kokoto la, e ai si lea na, buriana na kera thaitoomana naa, keki akele buri faisia si ṉata fifi abu eri na kera falea ifada.

Jone 8:29

Ma nia ne arasi nau mai ka ni isaku; ṉa Maka e ai si akwasi nau kwa to tee nau; uria na kwai ilia ṉado si do na kai lea iana uria.

Jone 4:34

Tha Jesus ka soree isada, Faṉa nau na ade la sulaania si do ni nia ne arasi nau mai e thathamia, ma ili lana ra nia.

I. Thesalonika 4:1

Si do iisi, doora kera, kamilia mika ṉata kwaitakoi mika soree isamulua atha Lord Jesus, na, talafana na mulu roṉoa ani kamilia sulia abula la ne kokoto muki abula sulia na tha God ka ala fafia, abula la kamulua eri kai sukwai alaa.

Jone 17:4

Nau ku faainoto oe i fanua nei iano, ku faasuia naa ra no falea ifaku kwai ilia.

Jone 14:31

Ma sui fasi fanua nei iano kai thaitoomana na nau ku liothau ana ṉa Maka, ma talafana si do na ṉa Maka e faaroṉo nau mania, si do eri nau ku ilia. Tatae, kuki lae nakulua.

Jone 12:49

Uria ni nau e ai kwasi ṉata asi do i talaaku; ṉa Maka ne arasi nau mai, nia e faaroṉo nau mai asi do nau kwa sorea, ma kwa ṉata sulia.

Si do na kera fatai nia 22:14

Lea iada, toa na kikui taua tooni kilua ki, fasi keki falea sukwaia ifadalua kikui ṉalia ’ai ana marukia, ma kikui kotho ana mae thaka eki uri la toaa susu.

Jone 14:21

Wane ana si ṉata fifi nau ki, ma ka ade sulia, nia na wane na kai liothau iaku: ma wane ne liothau iaku Maka nau kai liothau ani nia, ma nau kwai liothau ani nia, ma kwai fatai nau isana.

I. Korinitha 7:19

Kwai kakali la tonee do ni bana, mada sa kesi ilia do eri, tonee do ni lau boo; keki ade boo sulia si ṉata fifi tha God ki.

Hibaru ki 7:26

Uria na aofia ni foa ne una eri e faraka, Wane abu, ne ai si lole, ne dodoloa, ne eeta faisia toa na kera abula taa, na kera alua kai baita ka tatha ana thalo lo ki;

Jone 8:55

Ma mulu dora ani nia: ni nau ku thaitoomana; ma mada sa kwa sorea, E ai kwasi thaitoomana, nau kwai ’uri kamulua, wane kwai lole: sui nau ku thaitoomana boo, ma kwai ade sulia bae lana.

Jone 10:18

E ai ta imole si ṉalia faisi nau, nau talani nau ku falea. Sukwaia ni isaku fasi kwa falea, bia fasi kwa ṉalia lau. Si do na Maka nau e faaroṉo nau mania nai nia.

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

I. Jone 2:3

Ma asi kula eri kuki thaitoomana suli kulu na kuki thaitoomana ni nia, mada sa kuki ade sulia si ṉata fifi nia ki.

I. Jone 2:6

Wane na ka sorea ne to ani nia, lea na wane eri kai abula lau boo sulia abula lana.