Jone 14:9 - Ṉa Alaofua Falu 1923 1949

⁹ Tha Jesus ka soree isana, Nau ku toto isamulua ka tau naa, osi thaitoomaku u Filifi? Wane ne riki nau e rikia ṉa Maka; nifana ade lana noko sorea, Oko fatai nia ṉa Maka isamilia?

Jone 14:9 Referans Kwoze

Kolose 1:15

Nia na nuna tha God ne to bana ma kesi riki nia, nia totonao, sui do eki sui bana na kera thauwai nia;

Jone 12:45

Ma wane na kai riki nau kai riki nia ne arasi nau mai.

Jone 14:7

Mada sa mulu thaitoomaku, mulu thaitoomana Maka nau lau boo: ma ita asi maṉa eri ka lae alaa muka thaitoomana, ma mulu rikia naa.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Jone 10:30

Ni nau ma ṉa Maka, kamarea tee Do boo.

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Filifae 2:6

Nia ne to sulia seena tha God, sui manatana sa do nia kai rau ania na kai totoo bia tha God e ai,

Jone 14:20

Lalae afa boṉi eri muki thaitoomana boo na nau ku ni ana Maka nau, ma ni kamulua mulu ni ani nau, ma ni nau ani kamulua.

Mako 9:19

Nia luuda, ka sorea, Kamulua unii wane na musi fitoo, ta fita fa boṉi lau kwai to isamulua? ta fita fa boṉi lau kwai doanita iamulua? talaia mai isaku.

Luke 12:56

Kamulua toa muki olodola, mulu thaitoomana olotoona lana seena fanua nei iano ma thalo lo; ma sui nifana ade lana musi thaitoomana olotoona lana si maṉa eri?

I. Korinitha 15:12

Sui mada sa kera faaroṉo atha Christ na kera tataea naa faisia toa mae ki, ka ufita na tei toa iamulua kera sorea ne ai bana ta tatae la ana toa mae ki?

Fa Ṉu Abu ki 11:1

Tha Jihova ana na nau ku takofale nau iana: nifana ade lana na muka una eri sana maṉoku, Thaka amua, mala thaaro na ka lofo iaa uria gwa tolo kamulua?

GENESIS 26:9

Ma tha Abimileka ka ailia mai tha Aesiki, ka una eri, Rikia fasi, nia kwaimu mamana boo: ma nifana ade lana no sorea na ba, Waiwaena nau nai nia? Ma tha Aesiki ka soree isana, Uria ni nau ku una eri, Ada kwa mae inunufana.

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.