Jone 14:7 - Ṉa Alaofua Falu 1923 1949

⁷ Mada sa mulu thaitoomaku, mulu thaitoomana Maka nau lau boo: ma ita asi maṉa eri ka lae alaa muka thaitoomana, ma mulu rikia naa.

Jone 14:7 Referans Kwoze

Jone 8:19

Mania kera soree isana, Ma Maka oe nifei? Tha Jesus e luuda, ka una eri, Mulu dora ani nau, ma muka dora lau boo ana Maka nau: mada sa mulu thaitoomaku, muka thaitoomana lau boo Maka nau.

Luke 10:22

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jone 17:8

Uria na si baea ba ki no falea mai iaku ni nau ku falea iada; ma kera ṉalia, kera thaitoomana mamana boo na nau ku lae mai ku ita ani oe, ma kera fitoo no arasi nau mai.

Jone 17:6

Nau ku fatai nia thatamu isana wane ba ki no falea mai iaku faisia fanua nei iano: wane oe ki na ni kera, mo fale kera ifaku; ma kera ade sulia bae lamu.

I. Jone 2:13

Kwai kekeda kau isamulua, wane na mulu welaa ki, sulaania mulu thaitoomana ni nia na ka to bana ita i thafali la mai. Kwai kekeda kau isamulua, kala wane ki, sulaania kamulua si kamulua e tatha atha Taa. Kwai kekeda kau isamulua, kala wela ki, sulaania mulu thaitoomana ṉa Maka.

Jone 17:26

Ma nau ku fafaaroṉo kera ana thatamu, ma kwai faaroṉo kera ania; fasi liothau la eri no liothau iaku kai to ani kera, ma ni nau ani kera.

Jone 17:23

Ni nau ani kera, ma ni oe ani nau, fasi keki ofuda ana tee do; ma fasi fanua nei iano kai thaitoomana no arasi nau mai, mo liothau ani kera, ’uria lau boo o liothau ani nau.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Jone 16:3

Ma si do eki toto keki ilia iamulua, uria na kera dora ana ṉa Maka, ma ni nau.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jone 15:24

Mada se ai kwasi ilia ra eki i maalutada na ta wane eeta si ilia, abula taa la si to fafida: sui si maṉa eri ni nau ma Maka nau lau boo, kera riki kamarea naa ma kera riki kamarea ka taa lau boo.

Jone 6:46

Uria na ta wane se rikia naa ṉa Maka e ai, talitoona bana nia ne ita mai atha God, nia e rikia ṉa Maka.

Jone 1:18

E ai ta wane si rikia tha God ana ta si maṉa: tee fa Kaluwane eri, na ni ruruuna ṉa Maka, nia e fatai nia.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;