Jone 14:6 - Ṉa Alaofua Falu 1923 1949

⁶ Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 14:6 Referans Kwoze

Si do Aposela ki kera ilidaki 4:12

Ma marukia e ai si ni ata wane lau: sulaania e ai lau ta thata si to ifara thalo, ana thata eki na kera falea ifana wela wane ki, na keki faamaruki kia e ai si ei boo ana thata eri.

Jone 10:9

Nau na ṉa maethaka: mada sa ta wane kai kotho mai ani nau, keki faamaruki nia, ma kai kotho mai ma kai kotho kau, kai fulatoona faṉa nia.

Efesasi 2:18

Sulaania kulu sui ana tee Spirit kulu idu karaṉia ṉa Maka ani nia.

Jone 1:4

Marukia ni ani nia; ma marukia eri na ṉa lalaa la na ka laafia imole ki.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Jone 1:17

Uria na kera falea ṉa lo atha Mosesi kai falea; lea la ma mamana la ka lae mai atha Jesus Christ.

Hibaru ki 7:25

Mania e sukwai lau boo kai faamaruki teefau ana toa na keka idu karaṉia tha God ani nia, uria ne maruki ṉado bana fasi kai lae isana urida.

Jone 8:32

Ma muki thaitoomana mamana la, ma mamana la eri kai adea na muki tonee to.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

II. Jone 1:9

Ni tei bana na ka lae tatha me ai si to ana kwaifamanatai la tha Christ, tha God ka ai faisi nia: wane na ka to ana kwaifamanatai la tha Christ, ana ṉa Maka bia ṉa Kaluwane lau boo.

Si do na kera fatai nia 20:15

Ma ni tei bana na kesi fulatoona thatana kesi keda i la buka ana marukia, keka naṉa ani nia asi kula eri ne fuṉu ana era.

Jone 15:1

Nau na ṉa faene mamana, ma Maka nau na ṉa wane ni ra ana oolee faene eri.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

Jone 6:51

Nau na berede maruki na ku sifo mai faisia thalo: mada sa ta wane kai ania ta si ana berede nei, nia kai maruki toto si sui: ma berede na nau kwai falea na ṉa seeku, na nau kwai falea ifana marukia toa na fanua nei iano.

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.

Jone 8:51

Mamana, mamana, ku soree isamulua, Mada sa ta wane kai ade sulia bae laku, nia sa ka fulatoona maea e ai.

I. Jone 2:23

Ni tei bana na ka sorea e dora bana ana ṉa Kaluwane, wane eri e ai ana ṉa Maka: wane na ka faamamanea ṉa Kaluwane ana ṉa Maka ni lau boo.

Jone 10:28

Ma nau ku falea marukia tatha ifada; ma toto kesi sui, me ai ta imole si lauda faisia abaku.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.

Jone 6:33

Uria na berede tha God ana na kai sifo mai faisia thalo, ma kai falea marukia ana fanua nei iano.

Jone 14:19

Ta kasi maṉa faekwa ni u, sui fanua nei iano ka ai si riki nau lau; ma ni kamulua muki riki nau: uria ni nau ku maruki, muki maruki lau boo.

Jone 6:57

Talafana ṉa Maka ne maruki e arasi nau mai, ma nau ku maruki sulia ṉa Maka; alafana lau boo imole na kai ani nau, nia kai maruki lau boo suli nau.

I. Pita 2:4

Na mulu lae mai isana, ne fau maruki, na wane ki kera lalakwatania, ma atha God fau na kera filia, ne inoto,

Jone 10:7

Mania tha Jesus e soree lau isada, Mamana, mamana, ku soree isamulua, Nau ṉa maethaka ana sifi ki.

Roma 5:2

Wane na kulu idu karaṉi lau bomai ani nia uria fitooa ana lea la eri na kulu takwe ania si maṉa eri; ma kulu seethathala ana manatatoo ṉado la uria inotoa tha God.

Kolose 3:4

Lalae asi maṉa na keki fatai nia tha Christ, na ṉa marukia kulu, keki fatai kamulua lau boo bi nia ana inotoa.

I. Korinitha 15:45

’Uria lau boo na kera keda, Tha Adam totolenao na ṉa do maruki. Tha Adam, Wane buri, na ṉa Spirit na kai kwaifaamaruki.

I. Jone 1:8

Mada sa kuka sorea e ai akulua ta abula taa la, kuki lole kulu i talaakulua, ma mamana la eri e ai si to ani kulu.

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

Roma 5:21

Fasi, talafana abula taa la e inoto fafi kia ana maea, alafana lau boo lea la kai inoto uria kokoto la ana marukia tatha atha Jesus Christ na Lord kulu.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

Si do na kera fatai nia 19:11

Ma nau ku rikia ṉa thalo e ifi; ma rikia fasi, tee hosi kwakwaoa, ma nia ne ono i suila, na kera alaṉi nia ana Fitoo ma Mamana; ma ana kokoto la nia kai ṉata mala Wane ni Kotu ma kai firu.

Kolose 2:9

Sulaania si do eki sui bana na ni atha God e to ana seena Wane eri,

I. Jone 5:6

Nia boo neri ne lae mai ana kafo ma ’abu, tha Jesus Christ; ana talitoona bana kafo eri e ai, ana kafo eri ma ana ṉa ’abu. Ma tha Spirit neri na ka faamamanea si do nia thaitoomana, uria na tha Spirit na ṉa mamana la.

Si do na kera fatai nia 3:14

Ma oki keda isana angel ana figua nai Laodisia; Si do eki ṉa Emeni e sorea, nia ne fitoo ma mamana ana faamamane lana si do ne thaitoomana, nia na si do na tha God e thauwanidaki sui bana ita mai ani nia:

Kolose 2:17

Nuna si do ni u ki mai neri; ma seena do eki ni atha Christ.

Si do na kera fatai nia 3:7

Ma oki keda isana angel ana figua nai Filadelafia; Si do eki nia sorea ne abu, nia ne mamana, nia na ṉa ki tha Defeta ni isana, nia na ka ifinia, me ai ta wane si fonoa, ma nia na ka fonoa, me ai ta wane si ifinia:

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Hibaru ki 9:8

Si do na tha Spirit Abu e faaroṉo ania asi kula eri nai nia, na kesi fatai nia u tala ana si kula ne abu ka tatha, si maṉa na biui maku totonao eri e to u;

Roma 15:16

Kwa wane ni ra tha Jesus Christ uria Jenetaele ki, kwa ra asi faaroṉoa lea tha God, fasi fale lana Jenetaele ki ’uria do ni foa la keki ala fafia, uria na tha Spirit Abu e faaabua.

Si do Aposela ki kera ilidaki 9:2

Ka gania leta ki isana ofu la eki nai Damasikasi, fasi mada sa nia kai fulatoona tei imole na kera ni ana ṉa Tala eri, wane ki mado kini ki, kai kanida, kai toleda uri Jerusalema.