Jone 13:8 - Ṉa Alaofua Falu 1923 1949

⁸ Tha Pita ka soree isana, E ai dodoloa oki taua aaeku. Tha Jesus e luua, ka una eri, Mada sa kwasi taufi oe, oe ṉa do nau e ai.

Jone 13:8 Referans Kwoze

Taetasi 3:5

Asi ra ana kokoto la na kulu tala ilia e ai, ana tatakomia nia, e faamaruki kulu, ana do ni sisiu la ana thauwai falu la ma ana to lea la lau atha Spirit Abu,

Si do Aposela ki kera ilidaki 22:16

Ma uria ta nosi lakwasia si maṉa eri? oki tatae, keki babataesi oe, oki taua ruruumu, abula taa la oe ki kai ei naa, oki ’ai ana thatana ṉa Lord.

Hibaru ki 10:22

Kuki idu karaṉi mai fafia ruruukulua ne mamana, ana fitooa baita faamau, fafia ruruukulua na kera taṉasia si lio ne taa faisia, ma seekulua na kera taua asi kafo thathaulia:

Efesasi 5:26

Fasi kai faaabua, uria ne faafalua asi do ni sisiu la asi baea eri,

I. Korinitha 6:11

Ma tei toa iamulua mulu una eri inao: ma sui kera faasiufi kamulua, ma sui kera faaabu kamulua, ma sui kera ala fafia kokoto la kamulua, ana thatana tha Lord Jesus, ma ana Spirit God kulu.

Si do na kera fatai nia 7:14

Ma nau kwa soree isana, Wane inoto ae, o thaitoomana. Ma nia ka soree isaku, Toa na kera toto ana unii taa la baita eri nai nida, ma kera taua tooni kera ki, ma keka faakwakwaoa ana abuna ṉa Lama.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

Kolose 2:23

Ma riki lana si do eki fetei na kai ’uria si do ana liotooa sulia thathami lana foa la, ma abula seseka la, ma fare taa la ana see imole; sui sa ka talaana firu la bia si do na seena imole thathamii ilia e ai.

Kolose 2:18

Musi alamatania ta wane si laua kwaiara kamulua faisi kamulua ana ili lana si do nia tala thathamia ana abula seseka la ma faabaita lana angel ki, uria ne onotoona si do ne ai si rikia, ma manatana i talaana ka tona faabaita nia,

Jone 3:5

Tha Jesus e luua, ka una eri, Mamana, mamana, ku soree isamu, Mada sa ta wane si futa ana kafo bia tha Spirit, nia sa ka kotho ana tooa tha God e ai.

Mathui 26:33

Tha Pita e luua, ka soree isana, Mada sa kera sui keki taofai kera suli oe, nau e ai dodoloa kwai taofai nau.

Mathui 21:29

Nia luua, ka sorea, E ai kwasi lae: sui iburiana nia akeletania manatana, ma ka lae.

Mathui 26:35

Tha Pita ka soree isana, So mae la ni mena kera to’oa kwai mae bi oe, nau sa kwa sorea kwa dora iamu e ai. Toa ne toleda sui kera ṉata una eri lau boo.

Mathui 16:22

Sui tha Pita e tolea, ka bii sore nia, ka una eri, Si do eri ka to da faisi oe, Lord: sa ka fulatoomu ana ta si maṉa e ai.

GENESIS 42:38

Ma nia ka sorea, Kaluwane nau nei e a’i dodoloa ka sifo kau bi kamulua; uria na thoone mae naa, ma talifili nia na ka to: mada sa taa la ka fulatoona sula tale na muki lae ania, muki adea na ifuku, ne kwao naa, kai sifo uri la kwaiṉeia ana liodilaa.

Jone 13:6

Me lae mai ka fula atha Saimona Pita. Ma tha Pita ka soree isana, Lord, ni oe, oki taua aaeku?

Fa Ṉu Abu ki 51:2

Tau lea ani nau faisia ra nau ba ana ra na kera lufia, ma oko faafaalu nau faisia abula taa laku.

Fa Ṉu Abu ki 51:7

Taṉasi nau asi isofa, kwai faalu lau: oko tau nau, ma nau kwai kwakwaoa ka tatha ana sino.

Jone 13:9

Tha Saimona Pita ka soree isana, Lord, talitoona aaeku e ai, ro aba nau ki lau boo ma gwauku.