Jone 13:34 - Ṉa Alaofua Falu 1923 1949

³⁴ Si ṉata fifi falu nau ku falea iamulua, Sa muki liothau kwailiu ani kamulua; talafana lau boo ni nau ku liothau iamulua, muki liothau kwailiu ani kamulua lau boo.

Jone 13:34 Referans Kwoze

Efesasi 5:2

Ma muki abula ana liothau la, talafana lau boo tha Christ e liothau ani kulu, me alamatai nia uri kulu, ana do na kera tona falea ma do ni foa la ne makwa lea ifatha God.

Jone 15:17

Si do eki ku faaroṉo kamulua, muki liothau kwailiu ani kamulua.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Galesia 6:2

Do kulua kamulua ki muki ṉali faisi kamulua kwailiu, ma asi ade la eri muki ade sulia ṉa lo tha Christ.

I. Jone 3:23

Ma si ṉata fifi nia nai nia, kuki fitoona thatana Kaluwane nia tha Jesus Christ, ma kuki liothau kwailiu ani kulu, ’uria lau boo e soree isakulua.

I. Jone 4:21

Ma si ṉata fifi eri ni isakulua ita mai ani nia, na wane na ka liothau atha God kai liothau lau boo ana doorana.

Jemesi 2:8

Mada sa mulu ade sulia ṉa lo ne inoto ka tatha, sulia kekeda la abu eri, Oki liothau ana wane oe ’uria oko liothau ani oe i talaamu, muki abula lea neri:

I. Thesalonika 3:12

Ma ṉa Lord kai adea liothau la kamulua kai baita alaa uri kamulua kwailiu, ma uria wane ki sui boo, ’uria lau boo liothau la kamilia uri kamulua;

Roma 12:10

Ana liothau la uria baree wai doorana eki muki thathami kamulua faamau kwailiu; ana fare baita la muki fare baita faamau kwailiu ani kamulua;

II. Jone 1:5

Ma si maṉa eri ku ṉata kwaitakoi, ku soree isamu, gwaulii ei, ’uria sa ku keda kau si ṉata fifi falu isamu e ai, si do ne to isakulua ita ana thafali la mai, na kuki liothau kwailiu ani kulu.

Galesia 6:10

Mania, asi maṉa ne to u ifakulua, kuki ilia si do ne lea uria wane ki sui boo, ma uria toa eki u boo ana baree wela eri asi do na kulu fitoona.

I. Jone 3:11

Sulaania si ṉata na mulu roroṉoa ita i thafali la mai neri, ne kokoto na kuki liothau kwailiu ani kulu:

Hibaru ki 13:1

Liothau la uria baree wai doorana kai to ladoa.

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

Galesia 5:22

Ma foee do atha Spirit na ṉa liothau la, seethathala la, enenoa, si lio ni doanita tatha la, adelea, abula thathaore la, abula lea la, abula mamana la,

II. Pita 1:7

Ma asi lio ni fare baita la atha God liothau la ana baree wai doorana eki; ma ana liothau la ana baree wai doorana eki ṉa liothau la.

Kolose 1:4

Uria na mili roṉoa fitooa kamulua uria tha Christ Jesus, ma liothau la eri na ni ruruumulua uria toa abu eki sui boo,

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Jone 17:21

Fasi kera sui keki tee do boo; talafana ni oe, Maka, o to ani nau, ma ni nau ani oe, fasi ni kera lau boo keki to ani koro: fasi fanua nei iano kai fitoo no arasi nau mai.

Fa Ṉu Abu ki 119:63

Nau ku abetai nia toa eki sui boo na keka faare baita iamu, ma toa eki na keka roo sulia kwaifamanataia oe ki.

Fa Ṉu Abu ki 16:3

Sulia toa abu eki na ni fanua na i iano, toa lea ka tatha na ni kera, seethathala la nau ni sui bana ka ni ani kera.

Mathui 5:44

Ma ni nau ku soree isamulua, Muka liothau ana maalimae kamulua ki, muki falea lea la ifana toa na kera alua taa la kai to fafi kamulua, muki ade lea uria toa na kera riki kamulua ka taa, ma muka foa faisia toa na keki fare taa iamulua ma keki tona ilamatai kamulua;

Roma 13:8

Osi ṉaṉali laṉa asi do ta wane, talitoona bana liothau la uri kamulua kwailiu: uria wane na kai liothau ana wane nia e ilia naa si do eki sui bana na ṉa lo e sorea.

Roma 13:10

Ṉa liothau la e ai si ilia ta si do ne taa uria wane nia: mania liothau la e ilia naa si do eki sui bana na ṉa lo e sorea.