Jone 13:18 - Ṉa Alaofua Falu 1923 1949

¹⁸ Nau kwasi ṉata suli kamulua sui: ku thaitoomana toa na nau ku filida naa: sui fasi kekeda la abu ba kai mamana, Wane na ka ania berede nau e taka ani nau ana bora aaena.

Jone 13:18 Referans Kwoze

Fa Ṉu Abu ki 41:9

Iu, ruana nau mena na mere ado, nia na ni nau ku takofale nau iana, ne ania si berede nau, e taka ani nau ana bora ’aena.

Mathui 26:23

Ma nia luuda, ka sorea, Wane ne tonia abana bi nau i la tobosulu, nia na kai faaalamai nau.

Jone 17:12

Si maṉa ni nau ku to isada i fanua nei iano, ku beta sulida ana thatamu no alaṉi nau ania: ma nau ku fono toi kalida, me ai ta wane iada si aana, talitoona boo wane eri na kera tooa kai sui; fasi kekeda la abu ba kai mamana.

Mako 14:20

Ma nia luuda, ka soree isada, Tee wane boo iamulua ana akwala ma ro wane nei ki, wane eri na kai tonia abana bi nau i la tobosulu.

Jone 13:26

Mania tha Jesus e luua, ka una eri, Nia neri, na nau kwai tonia si faṉa ifana, ma kwai falea. Ma nia tonia si faṉa eri e sui, ka falea ifatha Judasi, kaluwane tha Saimona Isikarioto.

Jone 6:70

Tha Jesus e luuda, ka una eri, Ta na sa nau ku talisi kamulua tee akwala eri ma ro nonii wane, ma tee wane iamulua na ṉa spirit taa!

Jone 15:19

Mada sa ni kamulua do fanua nei iano ki, do fanua nei iano kai liothau asi do nia ki i talaana: sui uria ni kamulua do fanua nei iano ki e ai, ma nau ku fili kamulua faisia fanua nei iano, uria si kula eri fanua nei iano kai riki kamulua ka taa.

Hibaru ki 4:13

Me ai ta do asi do ne thauwanidaki si to thaufuni ne ai si rikia: si do ki sui bana ka talu ma ka fatai i maana ni nia na kulu to isana.

Jone 15:16

Kamulua e ai musi fili nau, nau na ku fili kamulua, ku alu kamulua, fasi muki lae, muki fuṉu ana foee do ki, bia fasi foee do kamulua eki kai to ṉado: fasi atona bana ta si do na muki gania ana ṉa Maka ana thataku, nia kai falea iamulua.

Mathui 10:36

Ma toa eri lau bana na kera ni la maafera ta wane keki maalimae ani nia.

Si do na kera fatai nia 2:23

Ma nau kwai thauṉia wela nia ki keki mae; ma figua eki sui bana keki thaitoomana nau ni nia na ku rofe i manatana imole ki ma i ruruuda: ma nau kwai falea si do na kai duua si ra kamulua ki fani kamulua sui, ta imole si ei.

Jone 21:17

Ula nia ka soree isana, Saimona, kaluwane tha Jonasi, oki thathami nau? Tha Pita liona ka dila uria na nia ula ka soree isana, Oki thathami nau? Ma nia soree isana, Lord, o thaitoomana si do ki sui bana; o thaitoomana na nau ku thathami oe boo. Tha Jesus e soree isana, Oko tharea sifi nau ki.

II. Korinitha 4:5

Uria na mili ṉata suli kamilia i talaamilia e ai, sulia tha Christ Jesus na nia Lord, ma ni kamilia wane ni ra kamulua ki inunufatha Jesus.

Mathui 26:21

Ma si maṉa na keki faṉa ada, nia ka sorea, Mamana ku soree isamulua, Tee nonii wane iamulua kai faaalamai nau.

Mako 14:17

Ma si maṉa ne thaulafia naa, nia lae mai bia akwala ma ro nonii wane eki.

Mako 14:18

Ma si maṉa keki teoreri, keki faṉa ada, tha Jesus ka sorea, Mamana ku soree isamulua, Tee nonii wane iamulua kai faaalamai nau, wane eri na kai faṉa bi nau.

Luke 22:21

Sui rikia fasi, abana wane na kai faaalamai nau e ni isaku ana tatafe nei.

Jone 13:21

Buriana na tha Jesus e ṉata una eri e sui, liona ka dila faamau, ka faamamanea si do ne thaitoomana, ka sorea, Mamana, mamana, ku soree isamulua, Tee nonii wane iamulua kai faaalamai nau.

Jone 13:22

Mania toa ne toleda kera lio kwailiu uri kera, manatade rurua sulia ni tei ne ṉata sulia.

Jone 15:25

Sui si do eri ka mamana, fasi si baea ba kai mamana na kera keda ana lo kera, Kera tona riki nau ka taa.

Jone 18:32

Fasi bae lana tha Jesus kai mamana, na nia sorea na ba, ka fatai nia mae la na nia toto kai mae ania.

Jone 19:24

Mania kera sorea uri kera, Kusi seṉa, kuki ilalatoona ni tei kai ṉalia: fasi kekeda la ba kai mamana, ne sorea, Kera ukalia ṉa maku nau ki faisi kera, Ma tooni nau kera ilala uria. Mania si do eki toa ana firua eri kera ilia.

Jone 19:36

Uria na kera ilia si do eki, fasi kekeda la abu eri kai mamana, Ta si ogi ana seena e ai kesi oea.

Si do Aposela ki kera ilidaki 1:2

Ka fula afa boṉi eri na kera tae fafi nia, buriana ne falea si ṉata fifi nia atha Spirit Abu isana toa eki ne filida ana aposela ki:

Si do Aposela ki kera ilidaki 1:16

Doora kera, kekeda la abu eri kera faamamanea e ai si ei boo, si do na tha Spirit Abu e sorea totonao ana fokona tha Defeta sulia tha Judasi, wane ne fatai nia tala isana toa na kera raua tha Jesus.