Jone 13:14 - Ṉa Alaofua Falu 1923 1949

¹⁴ Mania mada sa ni nau, ṉa Lord ma ṉa Wane Inoto, ku taua aaemulua, kula sa muki ilia lau boo na muki taua aaemulua kwailiu.

Jone 13:14 Referans Kwoze

I. Pita 5:5

Una eri lau boo, toa bii baita ki, muki roo sulia toa na kera arai ki naa. Iu, ni kamulua sui boo muki ali kamulua ana thafee to faekwa la, fasi muki ra kwailiu ifamulua: uria na tha God e maalimae ana toa na kera fafakao kera, ma kai falea lea la ifana toa na kera thafee to faekwa.

Si do Aposela ki kera ilidaki 20:35

Asi do ki sui bana abula laku e dodoloa, fasi muki lio sulia, muki thaitoomana e kokoto na muki ulafu una eri, muki rausualia toa na kera feda ki, ma muki onotoona bae lana tha Lord Jesus, na talani nia e sorea, Imole na kai faledo, kai lea iana ka tatha ana imole na kai ṉalia.

Galesia 5:13

Sulaania ni kamulua, doora kera, kera aili kamulua mai fasi muki tonee to; sui to lea la eri do ifana seena imole fasi kai inoto e ai, muki ra kwailiu ifamulua ana liothau la.

Roma 12:16

Muki to kwailiu ana tee si lio. Manatamulua si toto ana si do ana inotoa ki, kai oli uria si do ana thafee to faekwa la ki. Musi ala fafia liotooa kamulua i talaamulua.

I. Pita 4:1

Mania, uria na tha Christ e toto ana taa la ana seena imole, ni kamulua muki ṉalia lau boo si lio eri ana rauma kamulua; uria na wane ne toto ana taa la ana seena imole e to faisia abula taa la;

I. Korinitha 8:13

Mania, mada sa faṉa ka faataofai nia dooraku, nau e ai kwasi ania lau sina see ta do, ka thafalii asi maṉa eri ka oli alaa naa, ada kwa faataofai nia dooraku.

Hibaru ki 12:2

Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.

II. Korinitha 10:1

Ma ni nau tha Polo ku ṉata kwaitakoi, ku soree isamulua sulaania abula marabibi la ma abula thathaore la tha Christ, ni nau wane na riki laku si inoto inaofamulua, ma si maṉa nau ku to mai i thara faisi kamulua kwai seeraa uri kamulua:

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

Roma 12:10

Ana liothau la uria baree wai doorana eki muki thathami kamulua faamau kwailiu; ana fare baita la muki fare baita faamau kwailiu ani kamulua;

Jone 11:2

Meri eri ba e gwaia ṉa Lord ana gwai ba, ma ka usua aaena ana ifuna, na waiwaena nia na tha Lasarasi e matai.

I. Korinitha 12:3

Mania nau kwai faaroṉo kamulua muki thaitoomana, ne ai ta wane na kai bae ana Spirit tha God kai sorea Taa la kai to fafia tha Jesus; me ai ta wane si talaana sore lana, Tha Jesus kai Lord, talitoona bana atha Spirit Abu.

Filifae 2:11

Ma fasi meana toa eki sui bana kai faamamanea tha Jesus Christ na nia Lord, ana inotoa tha God na Maka.

I. Timothi 5:10

Keki ala fafi nia sulia si ra lea ki; mada sa nia e thai sulia wela ki, mada sa nia e beta toa kwaita ki, mada sa nia e taua aaena toa abu ki, mada sa nia e adomia toa ne taa iada ki, mada sa nia e seemabe asi ra ki sui bana ne lea.