Jone 12:48 - Ṉa Alaofua Falu 1923 1949

⁴⁸ Wane na ka fare faekwa iaku, ma ka ai si roṉoa si ṉata nau, ana tee wane ni kotu na kai ṉata suli nia: si baea ba nau ku sorea, si do eri kai ṉata suli nia afa boṉi iisi.

Jone 12:48 Referans Kwoze

Luke 10:16

Wane na kai roṉoa ṉata lamulua kai roṉoa ṉata laku; ma wane na kai lalakwatai kamulua kai lalakwatai nau; ma wane na kai lalakwatai nau kai lalakwatani nia ne arasi nau mai.

Roma 2:16

Afa boṉi eri na tha God na Wane ni Kotu kai sorea si do na kai uria wane ki maana si do thaufuni kera ki, atha Jesus Christ, sulia si faaroṉoa lea nau.

II. Thesalonika 1:8

Ana era na kai lamalama, si maṉa na nia toto kai duua abula taa la kera ki ana toa na kesi thaitoomana tha God, ma toa na kesi ade sulia si faaroṉoa lea Lord kulu tha Jesus Christ:

Jone 11:24

Ni Matha ka soree isa na, Nau ku thaitoomana na nia kai tatae lau ana tatae la ba faisia maea afa boṉi iisi.

Hibaru ki 12:25

Ada muka tofe faisia ni nia na ka ṉata mai. Uria na mada sa toa eki kesi thaka faisia kwae la, si maṉa ba na kera tofe faisia wane ne faaroṉo kera totonao i fanua nei iano asi do eki, kwae lakulua kai baita ka tatha, mada sa kuka akele faisi nia na ka ṉata mai i thalo;

Hibaru ki 2:3

Nifana ade lana ni kulu kuki thaka faisia kwae la, mada sa kuki luka faekwa ana marukia ne baita una eri? na kera ṉata sulia totonao ana ṉa Lord, ma kera faaṉadoa ifakulua ana toa eki na kera ronoa;

Jone 5:45

Ada manatamulua soso na nau kwai alaṉi kamulua ana ta si do isana ṉa Maka: tee wane e to bana na kai alaṉi kamulua, tha Mosesi, wane na mulu lio uri nia.

Mathui 21:42

Tha Jesus ka soree isada, E ai musi teemai boo i la kekeda la abu ba ki, Gwa fau na toa na kera kasibiu kera lalakwa ania, Fau eri kera alua i gwauna lokosuua: Si do eri too mai isatha Lord ka lae mai, Ma mili rikia ka faakwele?

II. Korinitha 4:3

Ma mada sa kera thu fafia si faaroṉoa lea kamilia eri asi maku, kera thu fafia i ruruuna toa na kera ni sula tala ana maea:

Luke 20:17

Ma nia e lio urida, ka sorea, Mania si ta neri na kera keda, Gwa fau na toa na kera kasibiu kera lalakwa ania, Fau eri kera alua i gwauna lokosuua?

Luke 17:25

Ma totonao nia kai to ana taa la oro ki e ai si ei boo, ma unii wane nei maṉa eri keki lalakwatania.

Luke 9:26

Uria ni tei bana na kai seenoni suli nau ma sulia bae laku, Kaluwane imole kai seenoni lau boo suli nia, si maṉa na nia kai lae mai ana inotoa nia i talaana, ma inotoa ṉa Maka, ma angel abu ki.

Luke 9:22

Ka una eri, Kaluwane imole kai to ana taa la oro ki e ai si ei boo, ma ulunao ki bia wane inoto ni foa ki bia wane ni kekeda ki keki lalakwatania, ma keka thau ṉi nia, ma nia kai tatae ana ula fa boṉi.

Luke 7:30

Ma Farisi ki bia wane na kera kwaifamanatai ana ṉa lo, si do na tha God e thathamia keka faaaia faisi kera i talaada, kera lalakwa na nia ka babataesida.

Mako 16:16

Wane na kai fitoo ma keka babataesi nia keki faamaruki nia; ma wane ne fitala bana keka sorea kwae lana.

Mako 12:10

Ma musi teemai nia kekeda la abu nei; Gwa fau na toa na kera kasibiu kera lalakwa ania, Fau eri kera alua i gwauna lokosuua:

Mathui 25:31

Lalae Kaluwane imole kai lae mai ana inotoa nia, ma angel ki sui bana bi nia, asi maṉa eri nia kai ono ana do ni ono ana inotoa nia:

Si do Aposela ki kera ilidaki 3:23

Ma si do na kai fula mai neri, Atona bana ta imole na kai lalakwee roṉoa porofeta eri, keki labatai teefau ani nia faisia toa eki.

Mako 8:31

Ma nia bii kwaifamanatai isada sulia Kaluwane imole, kai to ana taa la oro ki e ai si ei boo, ma ulunao ki, bia wane inoto ni foa ki, bia wane ni kekeda ki, keki lalakwatania, ma keki thauṉi nia, ma ulu fa boṉi ka sui, nia kai tatae lau.

Mathui 10:15

Mamana ku soree isamulua, Si do taa na kai uria fanua i Sodomo ma i Gomora kai faekwa asi do taa na kai uria toaa susu eri, afa boṉi ana kotu baita.

Jone 6:39

Ma si do na ṉa Maka ne arasi nau mai e thathamia nania, se ai ta do ana do eki sui bana ne falea ifaku si aana faisi nau, kwai tataea boo afa boṉi iisi eri.

Jone 8:47

Wane tha God kai roṉoa bae lana tha God: ma sulia si kula eri musi roṉoa, uria na kamulua do tha God e ai.

Si do Aposela ki kera ilidaki 17:31

Uria ne gwalua tee fa boṉi, na nia na Wane ni Kotu kai ṉata kokoto sulia toa na fanua nei iano ana Wane ne alu nia ania; me fatai nia mamana lana si do eri isana toa na fanua asi kula eri, ne tataea Wane eri faisia toa mae ki.

Hibaru ki 4:12

Uria na bae lana tha God e maruki, ma ka ra, ma ka ṉari ka tatha ana nini ni firu ne ṉari ro bali, ka labukwadaṉia imole ka fula mena ana talumatai lana maṉona faisia spirit nia, ma lado lana ogina faisia raraṉana, ma ka thaitoomana fofoa i maalutana si do na manatana imole ka manata sulidaki ma ka thathamii ilia.

Hibaru ki 10:25

E ai kusi ekwa ana ofu lakulua la ’uria biraṉana tei toa, kuki kwaifamanatai kwailiu isakulua; ma do muki seemabe ka tatha ania, si maṉa na muka rikia fa boṉi eri na karaṉia kai fula.

I. Pita 1:5

Toa na sukwaia tha God ka fono toi kakali kamulua sulia fitooa uria marukia na ka thathai fasi keki fatai nia asi maṉa iisi eri.

II. Pita 3:3

Uria na mulu thaitoomana totonao si do eri, afa boṉi iisi ki toa ni onioṉa la keki lae mai fafia onioṉa la kera, ma keki abula sulia si thathami la taa kera ki,

II. Pita 3:7

Ma thalo lo ki ne to si maṉa eri, ma fanua nei iano, kera alua asi baea eri boo maakwalia era, uria na kera tooa kai maakwalia fa boṉi eri ana kotu baita ma labatai lana wane eki na kera fare faekwa atha God.