16 Si do eki toa nia ne toleda kesi filoṉania u inao: sui lalae si maṉa na kera faainotoa tha Jesus, kera bii manatatoona na kera keda si do eki suli nia, bia na kera ilia si do eki iana.
Mania si maṉa na kera tataea naa faisia toa mae ki, toa nia ne toleda kera onotoona na nia e sorea si do eri isada; ma keka fitoona kekeda la eri, ma si baea eri na tha Jesus e sorea.
Ma Nia na kai faainamaruki kamulua, tha Spirit Abu, na ṉa Maka toto kai arasia mai ana thataku, nia kai tooa si do ki sui bana isamulua, ma kai faaroṉo kamulua lau asi do eki sui boo na nau ku soree isamulua, muki onotoona.
Ma nia ṉata una eri sulia tha Spirit, na toa na kera fitoona toto keki ṉalia: uria na kesi falea u tha Spirit Abu; sulaania na tha Jesus kesi faainotoa u.
Mania kwalafa tha Isirela ni sui bana keki thaitoomana mamana si kula eri neri, tha God e alua Jesus eri boo na mulu fota fafi nia ana ’ai rarafolo, kai Lord ma Christ.
Kuki lio uria tha Jesus na fitooa kulu ita mai ani nia, ma nia na kai faasukwai teefau ania, Wane ne susuu uria seethathala la eri na kera alua inaofana ana ’ai rarafolo, me fare faekwa asi do ni faaseenoni la eri, sui ka ono ibali aba aola ana do ni ono la ana inotoa tha God.
God tha Aberahamo, ma tha Aisaka, ma tha Jekofo, God maka kulu ba inao ki, e faainotoa Kaluwane nia tha Jesus; Wane eri na mulu alamai nia, ma mulu sorea inaofatha Paelate na mulu dora bamulua ani nia, si maṉa manatana sa nia kai lubea ka lae.
Mania uria na kera faainoto nia ana aba aola tha God, ma uria ne ṉalia ana ṉa Maka alaṉaia eri na tha Spirit Abu, nia e kikia si do eri, na mulu rikia ma muka roṉoa.
Sui si do nei ki nau ku soree isamulua, fasi lalae kadee mana kera e fula naa, muki onotoona na nau ku faaroṉo kamulua naa. Ma si do nei ki nau e ai kwasi soree isamulua ana thafali la, uria ni nau ku to isamulua.