Jone 11:53 - Ṉa Alaofua Falu 1923 1949

⁵³ Mania ita afa boṉi eri ka lae alaa keki furia ṉata suli nia si ade la na keki ilia fasi keka thauṉi nia.

Jone 11:53 Referans Kwoze

Si do Aposela ki kera ilidaki 9:23

Ma lalae fa boṉi oro ki e sui, Ju ki kera furia ṉata suli nia si ade la na keki ilia fasi keka thauṉia:

Si do Aposela ki kera ilidaki 5:33

Si maṉa na kera roṉoa si do eri, ka fi i ruruuda ’uria sa kera furia, manatada sa keki thauṉia wane eki.

Jone 12:10

Sui wane inoto ni foa ki keka furia ṉata fafia si ade la na keka ilia fasi keka thauṉia tha Lasarasi lau boo;

Jone 11:47

Mania wane inoto ni foa ki ma Farisi ki kera ofua mai tee ofu la, ma keka sorea, Ta neri na kuki ilia? uria na wane eri ka ilia bala si do oro ki.

Mako 14:1

Ro fa boṉi e to ana fafaṉa tathafafi la ba bia fafaṉa berede e ai ta lefena iei: ma wane inoto ni foa ki bia wane ni kekeda ki kera rofe fufuli uria si ade la na keki ilia keki uida asi afe, fasi keki thauṉi nia:

Mako 3:6

Ma Farisi eki kera lae kau, ma si maṉa eri u boo kera ofu bia toa tha Heroda keka furia ṉata fafi nia, uria si ade la na keki ilia fasi keka thauṉi nia.

Mathui 26:59

Ma wane inoto ni foa ki, ma ulunao ki, ma ofu la eri sui bana kera rofe uria tei wane keki lole fafia tha Jesus, fasi keka thauṉi nia;

Mathui 22:46

Ma ka ai ta wane si thaitoomana luu lana ana ta si do, ma too ana fa boṉi eri ta wane si seeraraa lau uria soetoona lana uria tei si do lau.

Mathui 16:21

Too asi maṉa eri tha Jesus e thafalia ka faaroṉoa toa nia ne toleda na kera too nia kai lae e ai si ei boo uri Jerusalema, ma kai to ana taa la oro ki e ai si ei boo sulia manatana ulunao ki ma wane inoto ni foa ki bia wane ni kekeda ki, ma keka thauṉi nia, ma nia kai tatae ana ula fa boṉi.

Fa Ṉu Abu ki 113:2

Taṉoa fasi thatana tha Jihova ita asi maṉa eri ka lae alaa.

Fa Ṉu Abu ki 71:10

Uria na maalimae nau ki keka ṉata suli nau; ma toa eki na keka fono toi faisia maṉoku keka furi ṉataa ofu,

Fa Ṉu Abu ki 31:13

Uria na ni nau ku roṉoa ṉata lana toa oro na kera lole fafi nau, do kwaifamaui ta bali si e’i boo: si mana na keka furi ṉataa suli nau, keka ṉata sulia si ade la sa keka ilia fasi keki thauṉi nau kwa mae.

Fa Ṉu Abu ki 2:2

Kiṉa ana fanua na i iano ki kera thathaia firu la, ma wane gwauwai ki kera ofu, keka furia ṉataa uria firu la bia tha Jihova ma bia wane nia ne gwaia asi gwai, keka una eri,

Nehemiah 13:21

Sui ni nau ku faamamanea si do taa ku thaitoomana suli kera, ku una eri isada, Mulu teo kakalia sulufau nei uria ta? mada sa ruana muka ilia lau si ade la unei, nau kwai rau fafi kamulua. Ita asi maṉa eri ka lae alaa, kesi lae lau mai afa boṉi mamaloa.

Nehemiah 4:16

Ma lalae mai, ita asi maṉa eri, ta bali ana wane ni ra nau ki keka ra asi ra nei, ma ta bali iada keka rau ana sua ki, ma talo ki, ma basi ki, ma tooni thalo ki; ma wane gwauwai ki keka to bada iburiana ina lana toa eri sui bana i Juda.

GENESIS 37:18

Ma si maṉa na kera riki nia ni da u mai, asi maṉa eri mena ne a’i si fula u mai karaṉi kera, keka bii furia ṉataa fafi nia fasi keka thauṉia.

Mathui 12:14

Ma Farisi eki kera kotho i maa, keka furiṉata fafi nia, uria si ade la na keki ilia fasi keka thauṉi nia.

Mathui 26:4

Ma kera furia ṉata fasi keka raua tha Jesus ana lole la, fasi keka thauṉia.

Jone 7:1

Buriana si do eki tha Jesus e lae i Galili: uria na nia lalakwa lae i Judia, sulaania Ju ki kera rofea si ade la na keki ilia fasi keki thauṉi nia.