Jone 11:51 - Ṉa Alaofua Falu 1923 1949

⁵¹ Ma si do eri nia e ai si sorea i talaana: uria nia aofia ni foa afa ṉali eri, ka ṉata mala porofeta, ka sorea na tha Jesus toto kai mae uria kulee toa eri;

Jone 11:51 Referans Kwoze

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

Galesia 3:13

Tha Christ e tae faisi kulu faisia taa la eri ne toto fafi kulu sulia ṉa lo, sulaania taa la e toto fafi nia uri kulu: uria na kera keda, Taa la kai to fafia ni tei na kai taru sulia rebee ’ai:

I. Korinitha 13:2

Ma mada sa akua ṉata la mala porofeta, ma ku thaitoomana lea maalutana si do ki sui bana ne toto thaufuni ma si do ki sui bana na kera thaitoomana; mado akua fitooa baita, fasi kwa idua gwa tolo ki mena, ma liothau la ka ai faisi nau, nau tonee do.

Jone 10:15

Talafana lau boo ṉa Maka ka thaitoomaku, ma ni nau ku thaitoomana ṉa Maka; ma nau ku falea maṉoku uria sifi eki.

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

Jone 11:49

Ma sui tee wane iada, tha Kaiafasi, uria nia aofia ni foa afa ṉali eri, ka soree isada, E ai dodoloa musi thaitoomana ta si do,

Jone 18:13

Keka tolea isatha Anasi totonao; uria ni nia waifuṉa tha Kaiafasi, ne aofia ni foa afa ṉali eri.

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.