Jone 11:4 - Ṉa Alaofua Falu 1923 1949

⁴ Si maṉa na tha Jesus e roṉoa, nia ka sorea, Mataia nei sa ka maelia e ai, do ana inotoa tha God, fasi keki faainotoa Kaluwane tha God ania.

Jone 11:4 Referans Kwoze

Jone 11:40

Tha Jesus ka soree isana, Ta na ba ku soree isamu, na mada sa oko fitoo, do oki rikia inotoa tha God?

Jone 9:3

Tha Jesus e luuda, ka una eri, Wane nei mena e ai si abula taa bana, ma maka nia ma thainana ka ai lau boo: do fasi keki fatai nia ra tha God ki ani nia.

I. Pita 4:14

Mada sa keka ṉata taa uri kamulua uria thatana tha Christ, kai lea iamulua; uria na Spirit ana inotoa na ṉa Spirit tha God ka to fafi kamulua: ṉi kera keka ṉata taa i seena, ma ni kamulua muka fare inoto ani nia.

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Jone 17:5

Ma si maṉa eri, Maka ae, oki faainoto nau ani oe i talaamu ana inotoa ba na ku rikia bi oe si maṉa na fanua nei iano e ai si to u bana.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

I. Pita 4:11

Mada sa ta wane kai ṉata, ’uria sa nia ṉata asi ṉata tha God; mada sa ta wane kai ra, kai ra una eri ana sukwaia na tha God kai falea: fasi asi do ki sui bana keki fare inoto atha God atha Jesus Christ, Wane ana ṉa inotoa ma ṉa tooa toto si sui. Emeni.

Filifae 1:20

Sulia si do eri na nau ku maakwalia ṉado ma kwai manatatoo ṉado uria, na kesi faaseenoni nau ana ta si do, ana seeraa la faamau, talafana ṉado, alafana lau boo si maṉa eri keki faabaita tha Christ ana seeku, ana marukia nau, mado ana mae laku.

Jone 17:1

Si do eki tha Jesus e sorea; sui ka tafoa maana uria ṉa thalo, ka sorea, Maka ae, si kadee maṉa e fula naa; oki faainotoa Kaluwane oe, fasi Kaluwane oe kai faainoto oe lau boo:

Jone 9:24

Mania ruana lau keka ailia wane eri maane boboko, keka soree isana, Tha God ana noki taṉoa: mili thaitoomana wane nei wane ne abula taa.

Jone 8:54

Tha Jesus e luuda, ka una eri, Mada sa kwa faainoto nau i talaaku, inotoa nau e ai si mamana: Maka nau ana na kai faainoto nau; nia na mulu alaṉia ana God kamulua;

Roma 11:11

Sui nau ku sorea, Kera taofai kera na ba fasi keka asi kera? Si do ka ai neri: ma uria asi la eri na kera asi kera ania marukia e fula mai ifana Jenetaele ki, fasi keki faaelu kera ana lalakwatai lana toa eeta keki ṉalia si do ki faisi kera.

Jone 17:10

Ma do nau ki ni sui bana do oe ki, ma do oe ki do nau ki: ma kera faainoto nau ani kera.

Jone 12:28

Maka ae, oki faainotoa thatamu. Mania liṉana si ṉata la ka sifo mai faisia thalo, ka una eri, Nau ku faainotoa naa, ma kwai faainotoa lau.

I. Pita 1:21

Na mulu fitoona ani nia tha God, ne tatae nia faisia toa mae ki, me falea inotoa ifana; fasi fitooa kamulua ma si do na muka manatatoo ṉado uria kai to atha God.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Jone 10:38

Sui mada sa ku ilia boo, musi fitooku mena, muki fitoona si ra eki: fasi muki thaitoomana ma muki faamamanea na ṉa Maka ni ani nau, ma ni nau ku ni ani nia.