Jone 11:27 - Ṉa Alaofua Falu 1923 1949

²⁷ Nia soree isana, Iu, Lord: ku fitoo naa na ni oe Christ ba, Kaluwane tha God, wane na kera maakwali oe oki lae mai i fanua nei iano.

Jone 11:27 Referans Kwoze

Mathui 16:16

Ma tha Saimona Pita e luua, ka sorea, Oe ṉa Christ, Kaluwane ṉa God maruki.

Jone 6:69

Ma kamilia mili fitoo ma mili thaitoomana ni oe Christ ba, Kaluwane ṉa God ne maruki.

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.

I. Jone 5:1

Ni tei bana na ka fitoo na tha Jesus na ṉa Christ e futa atha God: ma ni tei na ka liothau ana ṉa Maka kai liothau ana wela nia lau boo.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Si do Aposela ki kera ilidaki 8:36

Ma ana lae lada sula tale, kera fulatoona tee kafo; ma aufasu eri ka sorea, Oki rikia, tee kafo; si ta ne suusi nau fasi e ai kesi babataesi nau? [

Jone 4:42

Ma keka soree isana kini eri, Si maṉa eri miki fitoona sui, sulaania bae lamu e ai: uria ni kamilia mili roṉoa bae lana i talaamilia, mika thaitoomana na nia Christ ba mamana boo, Wane na kai faamarukia toa na fanua nei iano.

Jone 1:49

Tha Nathaniala e luua, ka soree isana, Rabae, oe ṉa Kaluwane tha God; oe Kiṉa Isirela.

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

Mathui 11:3

Ka soree isana, Oe wane ba na kai lae mai, mado miki lio uria ta wane eeta?

Mathui 16:20

Sui nia ka bae fifi isana toa ne toleda e ai kesi faaroṉoa ta wane na nia tha Jesus ṉa Christ.

Si do Aposela ki kera ilidaki 8:37

Ma tha Filifi ka sorea, Mada soki fitoo ana ruruumu teefau, do kera alamatania. Ma nia luua, ka sorea, Nau ku faamamanea tha Jesus Christ na nia Kaluwane tha God.]