Jone 11:25 - Ṉa Alaofua Falu 1923 1949

²⁵ Tha Jesus ka soree isana, Nau ṉa tatae la faisia maea, ma ṉa marukia: wane na kai fitooku, ka mae mena, do kai maruki:

Jone 11:25 Referans Kwoze

I. Thesalonika 4:14

Sulaania mada sa kulu faamamanea na tha Jesus e mae me tatae lau, talafana lau boo toa na kera biṉa atha Jesus tha God kai toleda mai bi nia.

Jone 3:36

Wane na kai fitoona ṉa Kaluwane ana marukia tatha; ma wane ne ai si ade sulia ṉa Kaluwane toto si rikia marukia, ma rakeiria tha God kai to bana fafi nia.

Jone 1:4

Marukia ni ani nia; ma marukia eri na ṉa lalaa la na ka laafia imole ki.

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

Jone 6:44

E ai ta wane si sukwai fasi kai lae mai isaku, mada sa ṉa Maka ne arasi nau mai e ai si adea kai lae mai: ma nau kwai tataea wane eri afa boṉi iisi.

Roma 8:2

Sulaania ṉa lo ana ṉa Spirit ana marukia atha Christ Jesus e adea kwa tonee to faisia ṉa lo ana abula taa la ma maea.

Jone 6:35

Ma tha Jesus ka soree isada, Nau na berede ana marukia: imole na kai lae mai isaku sa ka thaofa e ai, ma imole na kai fitooku liona sa ka lalaṉa lau e ai.

Si do na kera fatai nia 21:4

Ma tha God kai usua kwakwee kafo ni aṉi la ni sui bana faisia maada; ma ṉa maea kai ei naa; me ai naa ta tatao la, mado aṉi la, mado seefia: si do totonao ki kai ei naa.

Filifae 3:10

Fasi kwa thaitoomana ni nia, ma ṉa sukwaia tatae lana, ma kwa to bi nia ana taa la nia ki, ma kwa mae ana mae la nia;

Si do na kera fatai nia 20:5

Toa na kera teo mai ana toa mae ki kesi maruki u maakwalia susui lana tee tooni fa ṉali eki. Tatae la totonao neri.

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia:

Fa Ṉu Abu ki 36:9

Uria na ruka‐mauri eri ana marukia ni isamu: ana lalaa lamu maamilia kai laa.

Si do na kera fatai nia 22:17

Ma tha Spirit ma ṉa kini seelea keko sorea, Oki lae mai. Ma wane na kai roṉoa, kai sorea, Oki lae mai. Ma wane na lione lalaṉa, kai lae mai: ma ni tei bana ne thathamia, kai tonee ṉalia si kafo ana marukia.

Jone 14:19

Ta kasi maṉa faekwa ni u, sui fanua nei iano ka ai si riki nau lau; ma ni kamulua muki riki nau: uria ni nau ku maruki, muki maruki lau boo.

Filifae 1:23

Ma nau ku dora ania i maalutana ro si do eki, uria nau ku thathamia kwai lae akua, kwai to isatha Christ; sulaania do lea faamau ka tatha neri:

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

II. Korinitha 4:14

Uria na mili thaitoomana ni nia ne tataea tha Lord Jesus toto kai tatae kamilia lau boo bia tha Jesus, ma kai fatai kamilia bi kamulua.

Roma 4:17

(’Uria kera keda, Nau ku alu oe ṉa maka ana kulee toa oro ki) inaofani nia ne fitoona, tha God neri, na ka faamarukia toa mae ki, ma ka ṉata sulia si do ne ai si to ki, ’uria sa do eki e to naa.

Luke 23:43

Ma tha Jesus ka soree isana, Mamana ku soree isamu, Itaraena oki to bi nau i fanua lea tha God.

I. Korinitha 15:29

Mado si ta na keki ilia, toa na kera babataesida ifana toa mae ki? Mada se ai dodoloa kesi tataea toa mae, uria ta lau na kera babataesi kera ifada?

I. Korinitha 15:18

Ma ni kera lau boo na kera biṉa naa atha Christ kera sui bonaa.

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Si do na kera fatai nia 1:18

Ma Wane ku Maruki; ma nau ku mae na ba, ma rikia fasi, nau ku maruki toto si sui, Emeni, ma ṉa ki ana maea ma fanua toa mae ki ni isaku.