Jone 10:6 - Ṉa Alaofua Falu 1923 1949

⁶ Si tarifula eri tha Jesus e uunu sulia isada: sui kera dora ana maalutana si do ne uunu sulidaki isada.

Jone 10:6 Referans Kwoze

Fa Ṉu Abu ki 82:5

Kesi thaitoomana, ma kera dora ania maalutana; keka liliu olili la rodo: boa lana fanua na i iano sui bana kera idua.

Jone 16:25

Si do eki ku soree isamulua ana tarifula ki: si kadee maṉa lalae kai fula, na nau e ai kwasi ṉata lau isamulua ana tarifula ki, kwai faaroṉo fatai ani kamulua ana ṉa Maka.

Mathui 13:51

Tha Jesus e soree isada, Kamulua mulu thaitoomana, naa maalutana si do eki sui boo? Keka soree isana, Iu, Lord.

Fa Ṉu Abu ki 106:7

Maka kamilia inao ki kera dora ana maalutana si ra oe ni kwele la anidaki i Ijifi; kera liodora ana tatakomia oe ki ne oro faamau; kera ade faisia bae lamu isana amali eri na Amali Memenaa.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

I. Korinitha 2:14

Ma wane mala fanua nei iano sa ka ala fafia si do Spirit tha God ki e ai: sulaania nia alaṉia ana oewanea la; ma nia dora ana thaitoomana lana, uria na tha Spirit ana ka ṉata mala wane ni kotu sulia si do eki.

Jone 8:43

Uria ta na musi thaitoomana ṉata laku? Uria na mulu dora ana roṉo lana bae laku.

Jone 8:27

Kesi thaitoomana ne ṉata isada sulia ṉa Maka.

Jone 7:36

Si baea ta na nia e sorea, Kamulua do toto muki rofe uri nau, ma musi rofetooku: ma asi kula na nau kwai to iei, kamulua muka dora ana fula la iei?

Jone 6:60

Mania toa oro ana toa nia ne toleda kera roṉoa, keka sorea, Si ṉata afetai nania; ni tei na kai roṉoa kai thaitoomana?

Jone 6:52

Mania Ju ki kera firu ni ṉata bi kera i talaada, keka una eri, Wane nei kai fale ufita ana seena ifakulua, kuki ania?

Mathui 13:34

Si do eki sui bana tha Jesus e sorea ana tarifula ki isana malului wane eki; me ai si tona ṉata isada, kai tarifula boo asi tarifula:

Mako 4:34

Ma nia e ai si tona ṉata isada, kai tarifula boo asi tarifula: ma si maṉa na kera to talitoodalua, nia ka inifita si do ki sui bana isana toa nia ne toleda.

Jone 16:29

Toa nia ne toleda kera soree isana, Lio fasi, si maṉa eri o ṉata fatai, e ai osi ṉata ana ta tarifula.

II. Pita 2:22

Si do ne fulatooda e talafana si ṉata mamana ba, Koito e oli buri uria momoana, ma botho ne sisiu uria kakano la i la mamako.