Jone 10:30 - Ṉa Alaofua Falu 1923 1949

³⁰ Ni nau ma ṉa Maka, kamarea tee Do boo.

Jone 10:30 Referans Kwoze

Jone 14:9

Tha Jesus ka soree isana, Nau ku toto isamulua ka tau naa, osi thaitoomaku u Filifi? Wane ne riki nau e rikia ṉa Maka; nifana ade lana noko sorea, Oko fatai nia ṉa Maka isamilia?

Jone 5:23

Fasi toa ni sui bana keki fare baita ana ṉa Kaluwane, talafana lau boo na keki fare baita ana ṉa Maka. Wane ne ai si fare baita ana ṉa Kaluwane, e ai si fare baita ana ṉa Maka ne arasi nia mai.

Mathui 28:19

Mania muki lae, muki to’oa si do ki isana kulee toa ki sui bana, muki babataesi kera ana thatana ṉa Maka ma ṉa Kaluwane ma tha Spirit Abu:

Jone 14:23

Tha Jesus e luua, ka soree isana, Mada sa ta wane ka liothau iaku, nia kai ade sulia bae laku: ma Maka nau kai liothau ani nia, ma kamarea meki lae kau, meki to ana kadee biu kamarea isana.

Jone 8:58

Tha Jesus ka soree isada, Mamana, mamana, ku soree isamulua, Si maṉa na tha Aberahamo e ai si ni u bana, ni nau ku to bakua.

Jone 5:17

Tha Jesus e luuda, ka una eri, Maka nau kai ra ka fula asi maṉa eri, ma ni nau ku ra.

Mathui 11:27

Si do ki sui bana Maka nau e falea naa ifaku: me ai ta wane si thaitoomana ṉa Kaluwane, talitoona ṉa Maka e thaitoomana; me ai ta wane si thaitoomana ṉa Maka, talitoona ṉa Kaluwane e thaitoomana, bia ni tei bana na ṉa Kaluwane e thathamia kai fatai nia isana.

I. Jone 5:20

Ma kulu thaitoomana na Kaluwane tha God e fula naa, me falea manata lea la ifakulua, fasi kuka thaitoomana ni nia ne mamana, ma kulu to ani nia ne mamana, ana Kaluwane nia tha Jesus Christ. Ṉa God mamana neri, ma marukia tatha.

Taetasi 2:13

Kuki maakwalia ṉado si do na kera taṉoa na kulu manatatoo ṉado uria na ṉa fatai lana inotoa God baita kulu ne faamaruki kulu, tha Jesus Christ neri;

Jone 17:10

Ma do nau ki ni sui bana do oe ki, ma do oe ki do nau ki: ma kera faainoto nau ani kera.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Jone 16:15

Si do ki sui bana na ṉa Maka kai rikia, do nau ki lau boo: mania nau ku sorea, Nia kai ṉali asi do nau ki, ma kai fatai nia isamulua.

I. Jone 5:7

Sulaania toa na kera faamamanea si do kera thaitoomana i thalo kera ulu Ei, ṉa Maka, ma ṉa Baea, ma tha Spirit Abu: ma ulu Ei eki tee God boo.

Jone 10:29

Maka nau, ne faleda iaku, e sukwai ka tatha asi do ki sui bana; me ai ta imole si talaana lau lada faisia abana Maka nau.

Jone 10:36

Muki sorea suli nia, na ṉa Maka e faaabua ma ka arasi nia mai la fanua nei iano, O ṉata ana fare toliṉi lana tha God; uria na ku sorea, Nau Kaluwane tha God?