Jone 10:18 - Ṉa Alaofua Falu 1923 1949

¹⁸ E ai ta imole si ṉalia faisi nau, nau talani nau ku falea. Sukwaia ni isaku fasi kwa falea, bia fasi kwa ṉalia lau. Si do na Maka nau e faaroṉo nau mania nai nia.

Jone 10:18 Referans Kwoze

Hibaru ki 2:9

Sui kulu rikia tha Jesus, na kera alulua ka suka faekwa i fara aini angel ki, fasi ka to ana seefia ana maea, na kera erea naa gwauna ana inotoa ma fare baita la, fasi ana lea la tha God nia ka thaitoomana maea uria imole ki sui.

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Jone 10:17

Na Maka kai liothau iaku uria si kula eri, uria na ku falea maṉoku, fasi toto kwai ṉalia lau bakua.

Jone 14:31

Ma sui fasi fanua nei iano kai thaitoomana na nau ku liothau ana ṉa Maka, ma talafana si do na ṉa Maka e faaroṉo nau mania, si do eri nau ku ilia. Tatae, kuki lae nakulua.

Jone 6:38

Uria nau ku sifo mai faisia thalo, uria ili lana si do nau ku thathamia i talaaku e ai, uria ili lana si do nia ne arasi nau mai e thathamia.

Jone 15:10

Mada sa mulu ade sulia si ṉata fifi nau ki, muki to ṉado ana liothau la nau; ’uria lau boo ni nau ku ade sulia si ṉata fifi Maka nau ki, ma kwai to ṉado ana liothau la nia.

Jone 10:11

Ni nau ṉa wane ade lea na ku fono toi kalia sifi ki: wane ade lea eri ka falea maṉona uria sifi eki.

Si do Aposela ki kera ilidaki 3:15

Ma mulu thauṉia Wane Inoto ana marukia; Wane na tha God e tataea faisia toa mae ki; si do na mere faamamanea si do mere thaitoomana sulia.

Si do Aposela ki kera ilidaki 2:24

Wane na tha God e tataea, buriana ne luke nia faisia fiwela la ana maea: uria ne afetai ka tatha sa do eri kai rau ṉado ani nia.

Jone 5:30

Talani nau ku dora ana ili lana ta si do: nau, ṉa Wane ni Kotu, ku ṉata sulia si do nau ku roṉoa: ma ṉata laku e kokoto; uria ni nau kwasi rofea si do ku thathamia i talaaku, kwai rofea si do ni nia ne arasi nau mai e thathamia.

Si do Aposela ki kera ilidaki 2:32

Jesus eri boo tha God e tataea, si do ni kamilia sui mika faamamanea si do mili thaitoomana sulia.

Jone 19:11

Tha Jesus e luua, ka una eri, Soki sukwai fafi nau e ai, mada se ai kesi falea sukwaia iamu ita mai ia: mania wane ne fale nau iamu, abula taa la nia e baita ka tatha.

Jone 10:15

Talafana lau boo ṉa Maka ka thaitoomaku, ma ni nau ku thaitoomana ṉa Maka; ma nau ku falea maṉoku uria sifi eki.

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia: