Jone 10:16 - Ṉa Alaofua Falu 1923 1949

¹⁶ Ma nau akua tei sifi lau, na kesi to i la thakali nei: kera lau boo kwai tolea mai e ai si ei boo, ma keki roṉoa liṉana ṉata laku; ma toto keki ofu ana tee aini sifi, ma tee wane ni fono toi la kalida.

Jone 10:16 Referans Kwoze

I. Pita 2:25

Uria na mulu lalae garo uria aini sifi; ma si maṉa eri mulu oli naa isana Wane na kai fono toi kakalia ma kai Nanao ana maṉomulua.

Jone 11:52

Ma talitoona uria kulee toa eri e ai, fasi kai ofua lau boo ana tee si do wela tha God ki na kera foatata anida.

Jone 6:37

Si do ki sui bana na ṉa Maka kai falea iaku kai lae mai isaku; ma wane na kai lae mai isaku e ai dodoloa kwai arasi nia.

Jone 10:27

Sifi nau ki kera roṉoa liṉana ṉata laku, ma nau ku thaitoomada, ma kere lae iburiaku:

Jone 10:11

Ni nau ṉa wane ade lea na ku fono toi kalia sifi ki: wane ade lea eri ka falea maṉona uria sifi eki.

Si do na kera fatai nia 3:20

Rikia fasi, nau ku takwe i maa, ku kikidi: mada sa ta wane kai roṉoa ṉata laku ma kai ifinia maa, nau kwai kotho isana, ma kwai faṉa aku bi nia i thaulafi, ma ni nia kai faṉa ana bi nau.

I. Pita 2:10

Na kamulua tee toa asi maṉa nai nao e ai, ma si maṉa eri kamulua toa tha God: ne ai musi fufulatoona tatakomi la, ma si maṉa eri mulu fulatoona boo.

II. Thesalonika 2:13

Ma mika sore lea ṉado atha God, e ai si ei boo, uri kamulua, doora kera na ṉa Lord e liothau ani kamulua, uria na tha God e fili kamulua ita i thafali la mai uria marukia ana faaabu lamulua la atha Spirit ma ana fitoona lana mamana la eri:

Mathui 17:5

Si maṉa na nia kai ṉata u bana, rikia fasi, si datha iriroa ka nunufida: ma rikia fasi, liṉana si ṉata la e too mai la datha eri, ka una eri, Kaluwane liliothaua nau fu nia, e lea iaku uri nia; muki roṉoa ṉata lana.

Fa Ṉu Abu ki 86:9

Kulee toa eki sui boo no thauwanida, keki lae mai, keki foa inaofamu, Arai Lo ae; ma keki faare inoto ana thatamu.

Si do Aposela ki kera ilidaki 22:14

Ma nia sorea, Na God maka kulu ba inao ki e fili oe oki thaitoomana si do nia thathamia, ma oki riki nia ne Kokoto, oki roṉoa liṉana si ṉata la ana fokona.

Si do Aposela ki kera ilidaki 18:10

Uria ni nau kwai to bi oe, me ai ta wane si alasi oe uria thauṉi lamu la: sulaania toa oro ni isaku ana toaa susu nai.

Si do Aposela ki kera ilidaki 15:14

Tha Simiona e uunu sulia si maṉa totonao ba na tha God lae e makelea Jenetaele ki, fasi kai talaia ta toa faisida uria thatana.

GENESIS 49:10

Si ’ei ana inotoa nia kei e’i si sui faisia tha Juda, mado kubau nanaona wane faisia imaalutana ro ’ae nia ki; kai to bana maasia si maṉa na tha Saelo toto kai fula mai; ma kulee toa eki sui bana keki roo sulia bae lana.

Hibaru ki 13:20

Ma ṉa God ana ene noa, ne talaia lau mai faisia toa mae ki na Lord kulu tha Jesus, Wane baita eri ni fono toi la kakalia sifi, fafia ’abu eri ana alaofua na kai to tatha,

Jone 10:2

Ma nia na ka kotho mai ana maethaka, nia wane kai fono toi kalia sifi eki.

I. Pita 5:4

Ma sui lalae kera fatai nia naa Wane Inoto ni toi la kalia aini sifi, muki ṉalia do ni eregwau la ana inotoa na ka ai si dele.

Jone 10:3

Nia wane ni ifini lana maethaka kai ifi uri nia; ma sifi eki keki roṉoa liṉana ṉata lana: ma nia ’ai thatana sifi nia ki, ka toleda kau.

Jone 10:4

Ma si maṉa na nia e arasia do nia ki ni sui i maa, nia tatha inaofada, ma sifi eki keki lae iburiana: uria na kera thaitoomana liṉana ṉata lana.

Jone 10:5

Ma ta wane eeta sa keka lae iburiana e ai, keki thaka faisi nia: uria na kesi thaitoomana liṉana ṉata lana toa eeta ki.

Jone 17:20

Ma nau e ai kwasi gani uria toa nei ki talifili kera, uria toa eki lau boo na lalae keki fitooku sulia ṉata lada;

Roma 11:25

Sulaania ku lalakwa, doora kera, na muki dora ania maalutana si do eri ne toto thaufuni, ada manatamulua ka sorea na liomulua ka too i talaamulua, si do eri neri, kera faarorodoa maana tee bali toa ana Isirela, maakwalia si maṉa na inotoa Jenetaele ki kai fuṉu;

Luke 15:8

Mado nifana kini ne ana akwalee malefo ana silifa, mada sa ta tee fa do e aana faisi nia, e ai si faatharua laeta, si kaofia i la maafera eri, si rofe taiṉei, rorofe kai rikia boo?