Jone 1:45 - Ṉa Alaofua Falu 1923 1949

⁴⁵ Tha Filifi ka fulatoona tha Nathaniala, ma ka soree isana, Kamilia mili fulatoona wane eri, na tha Mosesi ana ṉa lo, ma porofeta ba ki, kera kekeda sulia, nia na tha Jesus wane i Nasaretha, kaluwane tha Josefa.

Jone 1:45 Referans Kwoze

Luke 24:27

Me thafalia atha Mosesi ma porofeta ba ki sui bana, ka inifita si do ki isadaroa ana kekeda la abu eki sui boo suli nia.

Mathui 2:23

Me lalae mai ka ono ṉado i la tee toaa susu kera alaṉia ana Nasaretha: fasi keki faamamanea si do na porofeta ki kera sorea, na nia toto keka alaṉia ana wane i Nasaretha.

Luke 24:44

Ma nia ka soree isada, Si baea eki nania na nau ku sosoree isamulua, si maṉa ku ni u bi kamulua, na si do ki sui bana kai mamana e ai si ei boo, na kera keda ana ṉa lo tha Mosesi, bia porofeta ba ki, ma ṉu ki, suli nau.

Luke 4:22

Ma toa eki sui boo keka faamamanea si do kera thaitoomana suli nia, ma keka kwele asi baea lea ki ne asia faisia fokona: ma keka sorea, Ta na sa kaluwane tha Josefa nania, mado?

Jone 18:7

Mania nia ka soetooda lau, Ni tei na muki rofea? Ma keka sorea, Tha Jesus, wane i Nasaretha.

GENESIS 22:18

Ma kulee toa ni sui bana na i fanua na i iano, kai lea iada sulia kwalafamu, uria no ade naa sulia ṉata laku.

Mako 6:3

Ta na sa wane ni thauwaia ba nania, kaluwane ni Meri, doorana tha Jemesi, ma tha Josesi, ma tha Judasi, ma tha Saimona, mado? ma ta na sa waiwaena nia ki kera ni bada isaka, mado? Ma kera taofai kera ani nia.

Mathui 21:11

Ma malului wane eki keka sorea, Porofeta ba na tha Jesus nai nia, ne toto i Nasaretha fanua i Galili.

GENESIS 49:10

Si ’ei ana inotoa nia kei e’i si sui faisia tha Juda, mado kubau nanaona wane faisia imaalutana ro ’ae nia ki; kai to bana maasia si maṉa na tha Saelo toto kai fula mai; ma kulee toa eki sui bana keki roo sulia bae lana.

GENESIS 3:15

Ma nau kwai alua maalimae la imaalutamaroa kini eri, ma imaalutana kwalafamu ma kwalafana; ni nia kai thau mala ana gwaumu, ma ni oe oki thau mala ana bora aena.

Si do Aposela ki kera ilidaki 22:8

Ma nau ku luua, Oe ni tei, Lord? Ma nia soree isaku, Nau tha Jesus, Wane i Nasaretha, noki tona ilamatai nau.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Jone 21:2

Toa na kera to ofu na tha Saimona Pita, ma tha Tomasi na kera alaṉia atha Didimasi, bia tha Nathaniala, wane i Kena fanua i Galili, ma ro kaluwane tha Sebede, bia ro wane ki lau ana toa nia ne toleda.

Luke 2:4

Ma tha Josefa e tae lau boo faisia i Galili, faisia toaa susu i Nasaretha, ka lae uri Judia, uria toaa susu tha Defeta, na kera alaṉia ana Bethelihemo, uria nia wane ana kwalafa ma kulee toa tha Defeta;

Mako 14:67

Ma si maṉa ne rikia tha Pita kai thara ana, ka bubuṉia, ma ka sorea, Ma ni oe lau boo, o toto bia tha Jesus, wane i Nasaretha.

Mathui 13:55

Ta na sa kaluwane wane ni thauwaia ba nania, mado? ta na sa thainana thatana na ni Meri, mado? ma doorana kera, na tha Jemesi, ma tha Josefa, ma tha Saimona, ma tha Judasi?

Si do Aposela ki kera ilidaki 26:9

E mamana ni nau manataku i talaaku ne kokoto kwa ilia si do oro ki ne maalimae ana thatana tha Jesus. Wane i Nasaretha.

Si do Aposela ki kera ilidaki 3:6

Ma tha Pita e sorea, Silifa bia goloda e ai kwasi rikia; sui si do ku rikia, kwai falea ifamu. Ana thatana tha Jesus Christ, Wane i Nasaretha, tatae, oki lae.

Si do Aposela ki kera ilidaki 2:22

Kamulua wane Isirela ki, muki roṉoa si baea eri: Tha Jesus, Wane i Nasaretha, Wane na tha God e ala fafia inaofamulua asi ra baita ki ma do ni kwele la ania ki ma bala si do ki, na tha God e ilia ana abana i maalutamulua, ’uria si do na mulu tala thaitoomana;

Jone 19:19

Ma tha Paelate e keda lau boo tee kekeda la, ka alua ana ’ai rarafolo eri. Ma si do na kera keda seena, THA JESUS, WANE I NASARETHA, KIṈA JU KI.

Jone 18:5

Kera luua, keka una eri, Tha Jesus, wane i Nasaretha. Tha Jesus ka soree isada, Ni nau ku to bakua. Ma tha Judasi lau boo ne faaalamai nia, e takwe bana isada.

Jone 6:42

Ma kera sorea, Tha Jesus, kaluwane tha Josefa, e ai bana nena, wane na maka nia ma thainana kuki thaitoomana bakulua? sui nifana ade lana nia ka sorea naa, Nau ku sifo mai faisia thalo?

Luke 3:23

Ma tha Jesus boo fuliṉana ulu tafulu fa ṉali e sui ani nia na manatana imole soso nia kaluwane tha Josefa, kaluwane tha Heli,

Mathui 10:3

Tha Filifi, ma tha Batholomiu; tha Tomasi, ma tha Mathiu wane ne ṉaṉalia takisi ki; tha Jemesi kaluwane tha Alafiasi, ma tha Lebeasi, na kera alaṉia atha Thadeasi;

Luke 2:48

Ma si maṉa na kero riki nia keko kwele: ma thainana ka soree isana, Kaluwane nau, uria ta no ade una eri iamarea? rikia fasi, maka oe fai nau mere rorofe oe ana liodila la.

Jone 1:44

Sui tha Filifi wane i Betheseida mai, toaa susu tha Adaru ma tha Pita.

Jone 6:5

Mania tha Jesus e tafoa maana, kai rikia malului wane baita na kera fula isana, ka soree isatha Filifi, Ifei na kuki usia berede iei, fasi toa nei ki keki faṉa?

Jone 6:7

Tha Filifi e luua, ka una eri, Berede na keki usia ana ro taleṉee peni e ai si talaada, fasi kera sui keki ania ta kasi do.

Jone 12:21

Mania toa eki kera lae mai isatha Filifi, wane i Betheseida, fanua i Galili, keka ṉata kwaitakoi isana, keka una eri, Arai ena ae, kamilia mili thathamia mika rikia tha Jesus.

Jone 14:8

Tha Filifi ka soree isana, Lord, oko fatai nia ṉa Maka isamilia, ma si do faamau bonaa iamilia neri.

Luke 18:37

Ma kera faaroṉo nia, na tha Jesus, wane i Nasaretha, kai tatha.