Jone 1:44 - Ṉa Alaofua Falu 1923 1949

⁴⁴ Sui tha Filifi wane i Betheseida mai, toaa susu tha Adaru ma tha Pita.

Jone 1:44 Referans Kwoze

Jone 12:21

Mania toa eki kera lae mai isatha Filifi, wane i Betheseida, fanua i Galili, keka ṉata kwaitakoi isana, keka una eri, Arai ena ae, kamilia mili thathamia mika rikia tha Jesus.

Mathui 11:21

Taa la kai thauṉi oe, Korasina! taa la kai thauṉi oe, Betheseida! uria na ra baita ba ki na kera ililia ani kamaroa so kera ilia i Taera ma i Saedona, do keki akeletania u naa manatada ana maku rarasieila ma foa.

Luke 10:13

Taa la kai thauṉi oe, Korasina! taa la kai thauṉi oe, Betheseida! uria na ra baita ba ki na kera ilia ani kamaroa, so kera ilia i Taera ma i Saedona, do keki akeletania u naa manatada, keki tooni ana maku rarasieila ma keki ono i la foa.

Luke 9:10

Ma aposela eki, si maṉa na kera oli mai, keka faaroṉo nia asi do eki sui na kera ilia. Ma nia ka talai kera, keka lae talitoodalua uria fanua kwasi ana tee toaa susu na kera alaṉia ana Betheseida:

Mako 8:22

Ma nia lae mai uri Betheseida. Ma keka talaia mai tee wane maane rodo isana, kera ṉata kwaitakoi isana sa nia ka suana.

Mako 6:45

Ma si maṉa eri u boo nia ka suuwai nia toa nia ne toleda keki tae i la foorua, keka lae inao uri bali laba i Betheseida, si maṉa nia talani nia kai arasia toa eki.

Mako 3:18

Ma tha Adaru, ma tha Filifi, ma tha Batholomiu, ma tha Mathiu, ma tha Tomasi, ma tha Jemesi kaluwane tha Alafeasi, ma tha Thadeasi, ma tha Saimona ṉa Kenanaete,

Mathui 10:3

Tha Filifi, ma tha Batholomiu; tha Tomasi, ma tha Mathiu wane ne ṉaṉalia takisi ki; tha Jemesi kaluwane tha Alafiasi, ma tha Lebeasi, na kera alaṉia atha Thadeasi;

Si do Aposela ki kera ilidaki 1:13

Ma lalae kera fula naa, kera tae uria kadee biu laṉi eri, si kula na kera to mai iei; tha Pita bia tha Jemesi lau boo ma tha Jone ma tha Adaru, tha Filifi ma tha Tomasi, tha Batholomiu ma tha Mathiu, tha Jemesi kaluwane tha Alafeasi, ma tha Saimona wane Selota, ma tha Judasi doorana tha Jemesi.

Luke 6:14

Tha Saimona na nia alaṉia lau boo atha Pita, bia doorana na tha Adaru, ma tha Jemesi bia tha Jone, ma tha Filifi bia tha Batholomiu,

Jone 1:43

Fa boṉi iburiana nia thathamii lae kau uri Galili, ka fulatoona tha Filifi: ma tha Jesus ka soree isana, Oko lae mai iburiaku.

Jone 1:45

Tha Filifi ka fulatoona tha Nathaniala, ma ka soree isana, Kamilia mili fulatoona wane eri, na tha Mosesi ana ṉa lo, ma porofeta ba ki, kera kekeda sulia, nia na tha Jesus wane i Nasaretha, kaluwane tha Josefa.

Jone 1:46

Ma tha Nathaniala ka soree isana, Ta si do lea kai lae mai i Nasaretha? Tha Filifi e soree isana, Lae mai, oki rikia.

Jone 1:48

Tha Nathaniala ka soree isana, Nifana ade lana oko thaitoomaku? Tha Jesus e luua, ka soree isana, Si maṉa na tha Filifi e ai si aili oe u mai, si maṉa bo to i aena thakwari, nau ku riki oe.

Jone 6:5

Mania tha Jesus e tafoa maana, kai rikia malului wane baita na kera fula isana, ka soree isatha Filifi, Ifei na kuki usia berede iei, fasi toa nei ki keki faṉa?

Jone 6:7

Tha Filifi e luua, ka una eri, Berede na keki usia ana ro taleṉee peni e ai si talaada, fasi kera sui keki ania ta kasi do.

Jone 12:22

Tha Filifi e lae mai ka faaroṉoa tha Adaru: tha Adaru ka lae mai bia tha Filifi, keko faaroṉoa tha Jesus.