Jone 1:4 - Ṉa Alaofua Falu 1923 1949

⁴ Marukia ni ani nia; ma marukia eri na ṉa lalaa la na ka laafia imole ki.

Jone 1:4 Referans Kwoze

Jone 8:12

Mania tha Jesus e ṉata lau isada, ka una eri, Ni nau ṉa lalaa la i fanua nei iano: imole na kai lae iburiaku ka ai si lae i la maerodo, ṉa lalaa la ana marukia kai ni isana.

Jone 12:46

Nau ku lae mai ṉa lalaa la i la fanua nei iano, fasi ni tei bana na kai fitooku ka ai si to i la maerodo.

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia:

Jone 9:5

Si maṉa ku ni ana fanua nei iano, nau ṉa lalaa la i fanua nei iano.

Jone 11:25

Tha Jesus ka soree isana, Nau ṉa tatae la faisia maea, ma ṉa marukia: wane na kai fitooku, ka mae mena, do kai maruki:

I. Jone 5:11

Ma faamamane la eri neri, na tha God e falea marukia tatha ifakulua, ma marukia eri ni ana Kaluwane nia.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 12:35

Mania tha Jesus e soree isada, Ta kasi maṉa lau ṉa lalaa la kai to isamulua. Lae asi maṉa na ṉa lalaa la ni isamulua, fasi maerodo e ai si rodo faisi kamulua: ma wane na ka galo i la maerodo e ai si thaitoomana si kula na kai lae uria.

Efesasi 5:14

Mania nia sorea, Oki tharai, wane no biṉa liu, ma oki tatae faisia toa mae ki, ma tha Christ kai laa fafi oe.

Mathui 4:16

Toa na kera oono i la maerodo Keka rikia lalaa la baita, Ma toa na kera oono i la fanua ana nuna maea, Lalaa la ka laa mai ifada.

Kolose 3:4

Lalae asi maṉa na keki fatai nia tha Christ, na ṉa marukia kulu, keki fatai kamulua lau boo bi nia ana inotoa.

Si do Aposela ki kera ilidaki 26:23

Na ṉa Christ kai to ana taa la e ai si ei boo, ma nia Wane totonao na kai tatae faisia toa mae ki, ma kai fatai nia lalaa la isana toa nai ma isana Jenetaele ki lau boo.

Luke 2:32

Ṉa laafa na kai fula fatai ifana Jenetaele ki, Ma inotoa toa oe Isirela.

I. Jone 1:2

(Uria na kera fatai nia ṉa marukia, ma mili rikia, ma mika faamamanea si do na mili thaitoomana sulia, ma mika faaroṉo kamulua ana ṉa marukia tatha, ne toto isana ṉa Maka, sui keka fatai nia isamilia);

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

Si do na kera fatai nia 22:16

Nau, tha Jesus, ku arasia angel nau fasi kai faamamanea si do nia thaitoomana sulia si do eki isamulua ifana figua ba ki. Nau na ṉa lalina tha Defeta ma kwalafana, kwakwali‐dani na ku iriroa.

Fa Ṉu Abu ki 84:11

Uria na tha Jihova God na ṉa thato ma ṉa talo: tha Jihova kai tona falea kwaiofei la ma inotoa baita: kei e’i si lufia ta si do lea faisia toa eki na abula lade oolo.

I. Korinitha 15:45

’Uria lau boo na kera keda, Tha Adam totolenao na ṉa do maruki. Tha Adam, Wane buri, na ṉa Spirit na kai kwaifaamaruki.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Fa Ṉu Abu ki 49:6

Toa eki na kera fitoona si do na kera rikidaki, ma kera faabaita kera ana ogogonia kera ki ne oro faamau;

Jone 3:19

Ma kwae lada nania, na ṉa lalaa la e fula naa i fanua nei iano, ma wane ki kesi thathamia lalaa la eri, keka thathamia ada maerodo ni ana; uria na abula lade taa.

I. Jone 1:1

Si do ne to bana ita ana thafali la mai, si do na mili roṉoa, si do na mili rikia ana maamilia, si do na mili lio sulaania, ma ro aba kamilia ki e suana, sulia ṉa Baea ana marukia