Jone 1:29 - Ṉa Alaofua Falu 1923 1949

²⁹ Fa boṉi iburiana tha Jone ka rikia tha Jesus kai lae na mai isana, ma ka sorea, Rikia fasi, ṉa Lama tha God, na kai ṉalia abula taa lana toa na fanua nei iano!

Jone 1:29 Referans Kwoze

I. Jone 2:2

Ma nia Wane na ka dianalio faisi kulu uria abula taa la kulu ki; ma talitoona abula taa la kulu ki e ai, abula taa la toa na fanua nei iano ka sui bana.

I. Jone 3:5

Ma mulu thaitoomana na kera fatai nia fasi ka ṉalia abula taa la kulu ki; me ai ta abula taa la si ni ani nia.

I. Pita 1:19

Kera tae fasi kamulua ana ’abu inoto tha Christ, ’uria lau boo ṉa lama seena ka dodoloa me ai ta si karu si ni seena.

II. Korinitha 5:21

Uria na Wane eri ne ai si thaitoomana abula taa la, nia e ilia ka lioe abula taa la uri kulu; fasi ni kulu kuki lioe kokoto la tha God ani nia.

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Si do na kera fatai nia 6:1

Ma nau ku lio si maṉa ṉa Lama e dekwea tee do ana do ni faaṉado la eki, ma nau ku roṉoa ṉa do e ’uria kukururua, ṉata lana tee do ana fai do maruki eki neri, e sorea. Lae mai, oki rikia.

Si do na kera fatai nia 12:11

Ma si kera e tatha iana uria abuna ṉa Lama, ma uria si baea ana faamamane la kera; ma kesi liothau ana maṉoda i talaada ka fula ana maea ni mena.

Galesia 3:13

Tha Christ e tae faisi kulu faisia taa la eri ne toto fafi kulu sulia ṉa lo, sulaania taa la e toto fafi nia uri kulu: uria na kera keda, Taa la kai to fafia ni tei na kai taru sulia rebee ’ai:

Jone 1:36

Ma nia e lio uria tha Jesus maṉa nia kai lae, ka sorea, Moki rikia ṉa Lama tha God!

Si do na kera fatai nia 7:17

Uria ṉa Lama na ni la do ni ono la ana inotoa eri kai fono toi kakali kera, ma kai talai kera uria ruka‐mauri eki asi kafo ana marukia: ma tha God kai usua kafona maada ka sui bana ka ai naa faisia maada.

Si do Aposela ki kera ilidaki 8:32

Si kula ana kekeda la abu eri ne teemai nia nai nia, Kera talai nia ’uria sifi ana thauṉi lana la; Ma ’uria lau boo lama ne bona bana inaofana toa na kera sufia ifuna, Una eri lau boo Wane eri e ai si ifinia fokona:

Si do na kera fatai nia 17:14

Toa eki kikui firu bia ṉa Lama, ma ṉa Lama si nia kai tatha iadalua, uria nia Lord inoto ka tatha ana lord ki, ma Kiṉa inoto ka tatha ana kiṉa ki; ma toa eki lau boo na kiku lae bi nia, na kera ailida mai ma kera filida ma kiku mamana.

Si do na kera fatai nia 15:3

Ma keka ṉulia fa ṉu tha Mosesi na wane ni ra tha God, ma fa ṉu ṉa Lama, keka una eri, Si ra oe ki e baita ma do ni kwele la ania, Lord God, no Sukwai ka tatha; tala oe ki e kokoto me mamana, Kiṉa toa abu ki.

Si do na kera fatai nia 14:1

Ma nau ku lio, ma rikia fasi, ṉa Lama ka takwe i gwauna gwa tolo i Saeono, ma kudui wane ma fai molee wane ma fai tooni wane bi nia, fafia thatana Maka nia, na kera keda i maa darada.

Si do na kera fatai nia 7:14

Ma nau kwa soree isana, Wane inoto ae, o thaitoomana. Ma nia ka soree isaku, Toa na kera toto ana unii taa la baita eri nai nida, ma kera taua tooni kera ki, ma keka faakwakwaoa ana abuna ṉa Lama.

I. Pita 3:18

Uria na tha Christ lau boo ana tee fa to la ana taa la uria abula taa la ki, Wane kokoto uria toa na kesi kokoto, fasi nia kai tole kulu isatha God; uria na kera thauṉia seena, ma sui kera faamaruki nia atha Spirit;

Si do na kera fatai nia 19:9

Ma nia ka soree isaku, Oki keda, Lea iada, toa na kera laefidaki isana fafaṉa ana lumaa ṉa Lama. Ma nia ka soree isaku, Si ṉata mamana tha God ki neri.

Si do na kera fatai nia 14:10

Wane eri lau boo kai kuu ana waene eri na ṉa rakeiria tha God, na kera thathaia ma kesi dola i la titiu ana rakeiria nia; ma keki thau fifi iana ana era ma do thasune makwafifi inaofana angel abu eki, ma inaofana ṉa Lama:

Si do na kera fatai nia 13:8

Ma toa eki sui boo nai fanua nei iano keki faabaita nia, toa eki na kesi keda thatadalua i la buka ana marukia ṉa Lama na kera thauṉia ka too mai ana boa lana fanua nei iano.

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Si do na kera fatai nia 19:7

Kuki seethathala ma kuki thalume baita ka tatha, ma kuki fare inoto ani nia: sulaania lumaa ṉa Lama e fula naa, ma kwaina e thathai maakwalia.

Si do na kera fatai nia 14:4

Toa ne a kesi faasuada ana kini ki neri; sulaania kera wane dara ki. Toa na keki lae buriana ṉa Lama atona bana si kula ne lae uria. Toa na kera usida faisia i maalutana wane ki neri, kera foee do totonao ki ifatha God ma ifana ṉa Lama.

Si do na kera fatai nia 5:8

Me ṉalia buka eri e sui, fai do maruki eki ma ro akwala ma fai ulunao eki keka asi kera iano inaofana ṉa Lama, ma kera sui kera rau ana kwadili ki, ma ana labeṉa na kera thauwanidaki ana goloda ne fuṉu asi do thasune makwa lea, foa la toa abu ki neri.

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

Si do na kera fatai nia 21:9

Ma tee angel ana fiu angel ba ki fafia fiu labeṉa ba ki, na kera ṉalia fiu unii taa la iisi na ba, ka lae mai; ma nia ka ṉata isaku, ka una eri, Oki lae mai, nau kwai fatai nia kini seelea eri, kwaina ṉa Lama, isamu.

Si do na kera fatai nia 6:16

Ma keka soree isana gwa tolo ki ma isana fau baita ki, Muki aru fafi kamilia, ma muki agwafai kamilia faisia maana ni nia ne ono ana do ni ono la ana inotoa eri, ma faisia rakeiria ṉa Lama:

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Si do na kera fatai nia 21:27

Ma ta si do ne taa sa ka kotho iei e ai dodoloa, mado wane na kai ilia do ni mamagu la ania mado kai lole: talitoona bana toa na kera keda thatadalua i la buka ana marukia ṉa Lama.

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

I. Timothi 2:6

Ne fale nia ana tae la faisia toa ni sui; si do na toa na kera thaitoomana keki ṉata sulia asi maṉa nia bonaa;

I. Korinitha 15:3

Uria nau ku falea kau iamulua totonao si do ni nau ku ṉalia lau boo, na tha Christ e mae uria abula taa laka ki sulia kekeda la abu eki;

Mathui 20:28

Ka ’uria boo Kaluwane imole ne ai si fula fasi keki ra iana e ai, e fula uria ra la ifana imole, ma fale lana maṉona ana tae la faisia toa oro.

Si do na kera fatai nia 5:6

Ma nau ku rikia, ma lio fasi, i maalutana do ni ono la ana inotoa eri ma fai do maruki eki, ma i maalutana ulunao eki, tee Lama e takwe, riki lane ’uria sa kera thathauṉia, ana fiu susukee do ki i maa darana, ma fiu maa nia ki, fiu Spirit tha God ki neri, na kera arasida keki lae i la fanua nei iano ni sui bana.

Hibaru ki 9:28

Alafana lau boo tha Christ, na kera falea naa ana tee si maṉa fasi kai tae faisia abula taa la eki na toa oro kera abula taa ania, ruana kai maṉo lau mai, abula taa la ka ai faisia, isana toa na keki maakwali nia, ana faamaruki lada.

Galesia 1:4

Ne alamatai nia uria abula taa la kulu ki, fasi kai faamaruki kulu faisia si maṉa eri ne taa, sulia si do nia e thathamia ne God kulu ma Maka kulu:

Si do Aposela ki kera ilidaki 13:39

Ma ani nia ni tei na kai fitoo kera ala fafia kokoto lana asi do ki sui bana, na ṉa lo tha Mosesi e ai si sukwai fasi kai ala fafia kokoto lamulua ania.

Mathui 1:21

Ma nia toto kai tharea ta kaluwane; ma oki alaṉia atha JESUS; sulia ni nia ana na kai faamarukia toa nia ki faisia abula taa la kera ki.

Si do na kera fatai nia 21:14

Ma sulufau toaa susu eri ka takwe fafia tee tafulu gwa fau totonao ki ma ro gwa fau, ma fafona gwa fau eki tee tafulu thata ma ro thata, thatana tee akwala ma ro aposela ṉa Lama ki neri.

Hibaru ki 2:17

Mania do ne farana, e ai si ei boo, na kera ilia kai ’uria doorana kera asi do ki sui boo, fasi kai aofia ni foa asi lio ni kwaitatakomi la, ne mamana asi do uria tha God ki, fasi kai tae faisia abula taa la toa eki.

Jone 1:35

Ma fa boṉi iburiana lau tha Jone kai takwe, ma ro nonii wane ana toa nia ne toleda:

Jone 1:43

Fa boṉi iburiana nia thathamii lae kau uri Galili, ka fulatoona tha Filifi: ma tha Jesus ka soree isana, Oko lae mai iburiaku.

Jone 2:1

Ma ula fa boṉi tee nonii wane e tolekini i Kena, fanua i Galili; ma thainana tha Jesus e ni kula eri:

Jone 4:42

Ma keka soree isana kini eri, Si maṉa eri miki fitoona sui, sulaania bae lamu e ai: uria ni kamilia mili roṉoa bae lana i talaamilia, mika thaitoomana na nia Christ ba mamana boo, Wane na kai faamarukia toa na fanua nei iano.

Jone 6:51

Nau na berede maruki na ku sifo mai faisia thalo: mada sa ta wane kai ania ta si ana berede nei, nia kai maruki toto si sui: ma berede na nau kwai falea na ṉa seeku, na nau kwai falea ifana marukia toa na fanua nei iano.