Jone 1:21 - Ṉa Alaofua Falu 1923 1949

²¹ Ma kera soetoona, Ṉa ta ni ana? Ni oe tha Elaeja? Ma nia sorea, Ni nau e ai. Oe porofeta ba? Me luuda, ka una eri, E ai.

Jone 1:21 Referans Kwoze

Mathui 11:14

Ma mada sa mulu thathamii ala fafia si kula eri, nia tha Elaeja, na kai lae mai.

Jone 1:25

Ma kera soetoona, keka soree isana, Sui uria ta noki babataesi, mada sa ni oe Christ ba e ai, ma tha Elaeja e ai, ma porofeta ba ka ai?

Mathui 16:14

Ma keka sorea, Tei toa keka sorea nia wane ni babataesi ba na tha Jone; ma tei toa keka sorea, tha Elaeja: ma tei toa lau keka sorea, tha Jeremaia ana, mado ta porofeta ana porofeta ba ki.

Jone 7:40

Mania tei toa ana malului wane eki, kera roṉoa si baea eki, keka sorea, Porofeta ba mamana boo nai nia.

Luke 1:17

Ma nia kai lae inaona ana spirit ma sukwaia tha Elaeja, fasi kai oli fafia ruruuna wane kera welaa ki isana kala wela ki, ma toa na kera ade faisia si do ki fasi keki abula ana liotooa imole na kera kokoto; kai beta ta toa na keki thathai maakwalia tha Lord.

Mathui 21:11

Ma malului wane eki keka sorea, Porofeta ba na tha Jesus nai nia, ne toto i Nasaretha fanua i Galili.

Jone 1:22

Mania kera soree isana, Ma ni oe ni tei? fasi miki luua toa na kera arasi kamilia mai. Ta noki sorea suli oe i talaamu?

Jone 6:14

Mania si maṉa na toa eki kera rikia bala si do eri na tha Jesus e ilia, keka sorea, Porofeta ba mamana boo nai nia na kai lae mai uria fanua nei iano.