Jone 1:14 - Ṉa Alaofua Falu 1923 1949

¹⁴ Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Jone 1:14 Referans Kwoze

I. Jone 4:9

Asi kula eri kera fatai nia liothau la tha God uri kulu, na tha God e arasia mai tee fa Kaluwane nia uria fanua nei iano, fasi kuka maruki ani nia.

I. Timothi 3:16

Me ai ta wane si tofea na do eri ne toto thaufuni asi lio ni fare baita la atha God e baita; kera fatai nia tha God ana seena imole, kera ala fafia kokoto lana atha Spirit, angel ki kera rikia, kera ṉata sulia isana Jenetaele ki, kera fitoona i fanua nei iano, kera tataea ana inotoa.

Jone 1:1

Ana thafali la mai ṉa Baea eri e to bana, ma ṉa Baea eri e to isatha God, ma ṉa Baea eri na ṉa God.

Galesia 4:4

Ma sui buriana na si maṉa nia eri e fula bonaa, tha God e bii arasia mai Kaluwane nia, ne futa ana wela kini, futa sulia ṉa lo,

Hibaru ki 1:3

Ma ni nia, uria ne iriroa ana inotoa tha God, ma alafana bonaa na ni nia, ma uria na ka raufaaṉado asi do ki sui bana asi ṉata ana sukwaia nia, buriana ne faafalu kulu faisia abula taa la ki, ka bii ono i aba aola ni Nia ne Inoto ka tatha ia mai;

Jone 6:51

Nau na berede maruki na ku sifo mai faisia thalo: mada sa ta wane kai ania ta si ana berede nei, nia kai maruki toto si sui: ma berede na nau kwai falea na ṉa seeku, na nau kwai falea ifana marukia toa na fanua nei iano.

Kolose 1:19

Sulaania ṉa Maka e thathamia na nia kai fuṉu asi do lea ki sui bana;

I. Korinitha 15:47

Wane totonao ita mai i theegano, do ana gano nania: Wane iburi na ṉa Lord ne ita mai ana ṉa thalo.

Roma 8:3

Uria si do na ṉa lo e dora ania ili lana, uria ne feda sulia see imole, tha God, uria ne arasia mai Kaluwane nia i talaana sulia nuna see imole ne abula taa ṉado, ma ana do ni foa la uria abula taa la, e sorea kwae lana abula taa la i see imole:

Fa Ṉu Abu ki 2:7

Nau kwai faataloa si ṉataa fifi eri: tha Jihova e una eri isaku, Ni oe ṉa Kaluwane nau; afa boṉi eri ku kwalafi oe.

I. Jone 4:14

Ma kulu rikia naa ma kuka faamamanea si do kulu thaitoomana na ṉa Maka e arasia mai ṉa Kaluwane na Wane ana faamaruki lana fanua nei iano.

Kolose 2:9

Sulaania si do eki sui bana na ni atha God e to ana seena Wane eri,

II. Jone 1:7

Sulaania toa oro na keki malaoea imole kera lae mai uri la fanua nei iano, toa na kesi faamamanea na tha Jesus Christ e fula i seena imole. Wane ba kai malaoea imole neri ma maalimae ba tha Christ.

Si do na kera fatai nia 21:3

Ma nau ku roṉoa liṉana si ṉata la baita ne maṉo mai i thalo ne una eri, Rikia fasi, biui maku tha God ni sana imole ki, ma nia kai to bi kera, ma keki ina lana toa nia ki, ma tha God, God kera talani nia, kai to bida:

Hibaru ki 5:5

Mania tha Christ lau boo e ai si faainoto nia i talaana fasi kai tala alu nia ana aofia ni foa, ni nia ana ne soree isana, Kaluwane nau ni oe, Afa boṉi eri ku kwalafi oe:

Hibaru ki 10:5

Mania si maṉa ne lae mai uria fanua nei iano, e sorea, Do ni foa la ma si do na kera tona falea o lalakwa ania, O thauwai nia ta see maakwali nau;

Jone 11:40

Tha Jesus ka soree isana, Ta na ba ku soree isamu, na mada sa oko fitoo, do oki rikia inotoa tha God?

Jone 3:16

Uria na tha God e liothau una eri ana fanua nei iano, nia ka falea mai tee fa Kaluwane nia, fasia ni tei bana na kai fitoona ka ai si sui, ma kai to ana marukia tatha.

Jone 2:11

Do nei, thafali lana bala si do nia ki, tha Jesus e ilia i Kena, fanua i Galili, ka fatai nia inotoa nia; ma toa ni ne toleda keka fitoona.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Hibaru ki 1:5

Sulaania ni tei ana aini angel eki na nia e soree isana ana ta si maṉa, Kaluwane nau ni oe, Afa boṉi eri ku kwalafi oe? ma ta si lau, Nau kwai Maka iana, Ma ni nia kai Kaluwane nau?

Jone 14:9

Tha Jesus ka soree isana, Nau ku toto isamulua ka tau naa, osi thaitoomaku u Filifi? Wane ne riki nau e rikia ṉa Maka; nifana ade lana noko sorea, Oko fatai nia ṉa Maka isamilia?

Luke 9:32

Ma tha Pita ma ro wane na kero ni bi nia keka kulua ana biṉa la: ma lalae kera tharai lea naa, keka rikia inotoa nia, ma ro wane na keko takwe bi nia.

Jone 17:22

Ma inotoa ba no falea ifaku ni nau ku falea ifada; fasi ni kera tee do boo, ka ’uri koro;

Jone 3:18

Wane ne fitoona, e ai kesi ṉata una eri suli nia: wane ne ai si fitoona, wane ni kotu e ṉata naa sulia, sulaania nia e ai si fitoona thatana tee fa Kaluwane tha God.

Luke 2:11

Uria amulua tee Wane ni Faamaruki la e futa ibare i la toaa susu tha Defeta, nia ṉa Christ na Lord.

Fa Ṉu Abu ki 45:2

Riki lamu e lea ka tatha ana wela imole ki: kera lulaa si ṉataa ni kwaiofei la ka kotho mai i ṉidumu: uria si kula eri tha God ka falea lea la iamu toto si sui.

Hibaru ki 2:11

Uria na Wane eri na ka faaabuda ma toa eki na kera faaabuda kera tee baree wela: mania maana si asia uri kera si maṉa ne alaṉida ana doorana kera,

II. Korinitha 12:9

Ma nia e soree isaku, Lea la nau e faramu: uria na sukwaia nau kai ra faamau i maalutana feda la. Mania kwai seethathala faamau lau maṉa kwai faabaita nau fafia feda la nau, fasi sukwaia tha Christ kai to fafi nau.

Mathui 1:16

Ma tha Jekofo e tharea tha Josefa kwaina ni Meri, kini na tha Jesus e futa ania, wane na keki alaṉia ana ṉa Christ.

Kolose 2:3

Wane na kera alua ogogonia eri sui bana ana liotooa ma manata lea la ka to thaufuni ani nia.

Efesasi 3:8

Ni nau, wane nai buri bonaa buriana wane nai buri ana toa abu eki sui bana, kera falea lea la eri iaku, kwai ṉata isana Jenetaele ki sulia si do lea tha Christ ki na kesi talaana rofe lana maalutana;

Roma 9:5

Na maka ba inao ki na ṉa maka kera ki, ma Wane iada ana see imole na tha Christ, ne inoto fafia si do ki sui bana, na God na keka taṉoa toto si sui. Emeni.

Luke 2:7

Ma nia ka tharea kaluwane inao nia; ma nia ka kokofia asi maku, ma ka alua ka teo i la do ni faṉa buloka, uria ne ai ta si kula ifada i la biu toa kwaita ki.

Si do Aposela ki kera ilidaki 13:33

Na tha God e faamamanea alaṉaia eri ifana wela kera ki, ni kulu neri, ana tatae la eri ne tataea atha Jesus; ’uria lau boo na kera keda ana ruana fa ṉu na ba, Kaluwane nau ni oe, itaraena boo ku thare oe.

Fa Ṉu Abu ki 85:9

Marukia na nia kai faamaruki kera mania ka to mamana boo karaṉia toa eki na kera faare baita iana; fasi inotoa baita kai to bana i fanua kulu.

Jone 8:32

Ma muki thaitoomana mamana la, ma mamana la eri kai adea na muki tonee to.

Jone 17:24

Maka ae, toa no falea ifaku, nau ku thathamia, si kula na nau kwai to iei, ni kera lau boo keki to bi nau; fasi keki rikia inotoa nau, no falea ifaku: uria no liothau ani nau si maṉa na kesi boa u fanua nei iano.

Jone 18:37

Mania tha Paelate e soree isana, Oe na kiṉa nania? Tha Jesus e luua, ka una eri, Oi sorea na nau ṉa kiṉa. Si do eri kera kwalafi nau uria, ma si do eri nau ku lae mai uria ana fanua nei iano, fasi kwa faamamanea si do nau ku thaitoomana sulia mamana la eri. Ni tei ne mamana kai roṉoa liṉana ṉata laku.

Si do na kera fatai nia 19:13

Ma nia tooni ana tooni na kera thuthumai nia i la ’abu: ma thatana na kera alaṉi nia ania na Ṉa Baea tha God.