Jone 1:13 - Ṉa Alaofua Falu 1923 1949

¹³ Na kera futa ana abu e ai, mado uria na seena imole ka thathamia, mado uria na imole ka thathamia e ai, atha God bana.

Jone 1:13 Referans Kwoze

I. Jone 3:9

Ni tei bana ne futa atha God e ai si abubula taa lau, sulaania si lio ana Maka nia e to ani nia: ma nia dora ania abula taa la, sulaania nia futa atha God.

Jemesi 1:18

Asi do nia tala thathamia e kwalafi kulu asi baea ana mamana la, fasi kuki ’uria foee do totonao ki asi do ne thauwanidaki.

I. Pita 1:23

Sulaania kera kwalafi kamulua lau iburi, asi migee do na toto kai fufuraa e ai, asi migee do na toto si fufuraa, bae lana tha God ana, do maruki na kai to ladoa.

I. Pita 1:3

Taṉo nia ne God na Lord kulu tha Jesus Christ ma Maka nia, na sulia tatakomia baita nia e kwalafi kulu lau uria manatatoo ṉado la ne maruki, ana tatae lana tha Jesus Christ faisia toa mae ki,

I. Jone 5:4

Uria atona bana ta do ne futa atha God si nia kai tatha ana fanua nei iano: ma si do na si nia kai tatha ana fanua nei iano, na fitooa kulu.

I. Jone 4:7

Toa liliothaua nau ki, kuki liothau kwailiu ani kulu: uria na liothau la do tha God; ma ni tei na kai liothau e futa atha God, ma ka thaitoomana tha God.

Taetasi 3:5

Asi ra ana kokoto la na kulu tala ilia e ai, ana tatakomia nia, e faamaruki kulu, ana do ni sisiu la ana thauwai falu la ma ana to lea la lau atha Spirit Abu,

Filifae 2:13

Sulaania tha God ana ne ra ani kamulua muka thathamii ra ma muka ra lau boo, uria si do ni nia e thathamia.

I. Korinitha 3:6

Ni nau ku fasia foee do ki, tha Apolosi e kikia ana kafo; ma tha God ana e falea unii do.

I. Jone 5:1

Ni tei bana na ka fitoo na tha Jesus na ṉa Christ e futa atha God: ma ni tei na ka liothau ana ṉa Maka kai liothau ana wela nia lau boo.

I. Jone 5:18

Kulu thaitoomana ni tei bana ne futa atha God e ai si abubula taa lau; ma wane eri ne futa atha God kai beta suli nia, ma tha Taa e ai si sua nia.

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

Mathui 3:9

Ma musi laloma una eri i manatamulua, Amilia tha Aberahamo ana maka kamilia: sulia ku soree isamulua, tha God e thaitoomana tharasi lana wela ki ana fau nei ki ifatha Aberahamo.

Fa Ṉu Abu ki 110:3

Toa oe ki keka tala thathamii fale kera italaada afa boṉi eri ana sukwaia oe: asi lio eki ni faaabu lada na rikia lane lea asia naa, faisia rakena fanua ne bii dani, amua si oru ana faekwa lamu.

GENESIS 25:22

Ma ro wela eki keko kwaikwairaui la rakena; ma nia ka sorea, So e una eri, nau kwai to bakua uria ta? Ma nia ka lae nana fasi kai soetoona atha Jihova.

I. Pita 2:2

Mala kala wela aabu ki, muki thathamia faamau susu na lole la e ai si ni ania, si baea eri neri, fasi ka thare kamulua muka tae uria marukia;

GENESIS 27:33

Ma tha Aesiki ka leleba ana leleba la baita, ka una eri, Ni tei? nifei nia wane eri ne basia mai do i masuu, me ṉalia mai ifaku, ma nau ku ania naa siina do eri sui bana si maṉa osi fula u mai, ku alua naa lea la fafi nia? iu, ma lea la kai to mamana boo fafi nia.

GENESIS 25:28

Ma tha Aesiki ka liothau atha Iso, uria ne ania siina do ne basidaki: ni Ribeka ka liothau atha Jekofo.

GENESIS 27:4

Oko naarea si faṉa na ani lana ka lea, si do ku thathamia neri; ṉalia mai, kwai ania; sui ruruuku kai bii alua lea la fafi oe si maṉa kwai to bakua kwasi mae u.