Jemesi 5:9 - Ṉa Alaofua Falu 1923 1949

⁹ Musi uubulu taa kwailiu, doora kera, sulikamulua, ada Wane ni Kotu kai ṉata suli kamulua: rikia fasi, Wane ni Kotu ka takwe i maana maa.

Jemesi 5:9 Referans Kwoze

I. Korinitha 4:5

Mania musi ṉata mala wane ni kotu sulia atona bana ta si do, si maṉa ana ili lana e ai u; to si amulua maakwalia ṉa Lord kai fula, na kai fatai lalaa asi do thaufuni ki ana maerodo, ma kai fatai nia si manata la ne toto i rurui imole ki; ma asi maṉa eri tha God kai taṉo kulu, ta wane, sui ta wane.

Jemesi 4:11

Musi ṉata taa kwailiu i seemulua, doora kera. Wane na ka ṉata taa i seena doorana, mado ka ṉata mala wane ni kotu sulia doorana, ka ṉata taa sulia ṉa lo, ma ka ṉata mala wane ni kotu ana ṉa lo: ma sui mada sa oki ṉata mala wane ni kotu ana ṉa lo, oe wane osi ade sulia ṉa lo, oe wane ni kotu ania.

Mathui 24:33

Una eri lau boo ni kamulua, lalae mulu rikia si do oro eki, muki thaitoomana nia to karaṉi naa, isana maana olofolo ki.

I. Pita 4:9

Muki thathagoni kamulua mai ana thare lamulua la kwailiu, musi uubulu taa fafia:

GENESIS 4:7

Mado so abula lea, keki ala fafi oe, mado? mada sa abula lamu e a’i si lea, do ifana abula taa la ka teo bana i maana olofolo. Ma do eri kai thathami oe, ma oki inoto iana.

Galesia 5:26

Kusi uuunao kulu, kusi faaome kulu kwailiu, kusi uugali kulu kwailiu.

I. Pita 4:5

Toa na ni nia toto kai soetooda uria, na kai fifarao fasi kai Wane ni Kotu ifana toa maruki ma toa mae ki.

Galesia 5:14

Uria kera ade sulia ṉa lo eri laulau ana tee si baea boo, nai nia; Oki liothau ana wane oe ’uria oki liothau ani oe i talaamu.

I. Korinitha 10:11

Ma si do eki sui boo e fulatooda fasi ka thau ani kulu; ma kera keda sulia si do eki uria faamanatai lakulua la, ni kulu na gwauna si maṉa eki e fula naa fafi kulu.

Mako 13:29

Una eri lau boo ni kamulua, lalae mulu rikia si do eki kai mamana, muki thaitoomana nia to karaṉi naa, isana maana olofolo ki.

II. Korinitha 9:7

Ni tei na kai ilia kai ilia si do ne tooa ana manatana; si do nia lalakwa e ai, mado si do keki suuwai nia uria ka ai: uria na tha God kai liothau ana wane na kai seethathala asi do nia tona falea.

Mako 6:19

Mania ni Herodiasi manatana e teo isana, e thathamia kai thauṉi nia; sui ka afetai;

Fa Ṉu Abu ki 59:15

Keki liliu olili ada ana rofe la uria si faṉa; mada sa kesi abusu ania, keki toto fanua ka dani.

Si do na kera fatai nia 3:20

Rikia fasi, nau ku takwe i maa, ku kikidi: mada sa ta wane kai roṉoa ṉata laku ma kai ifinia maa, nau kwai kotho isana, ma kwai faṉa aku bi nia i thaulafi, ma ni nia kai faṉa ana bi nau.

Jemesi 4:12

Tee nia boo ka alua ṉa lo ma ka Wane ni Kotu, ni nia ne sukwai fasi kai kwaifaamaruki ma ka kwailabatai: ma ni oe ni tei fasi oki ṉata mala wane ni kotu sulia wane oe?

Jemesi 5:7

Mania liomulua kai susuu, doora kera, maakwalia fula lana ṉa Lord. Rikia fasi, wane ni ra ana oole e maakwalia foee do inoto ki ana theegano, ma liona ka susuu maasia, maasia si maṉa na kai aruṉia ana unii dani totonao ma unii dani buri.

Jemesi 5:10

Muki lio, doora kera, uria porofeta ba ki na kera ṉata ana thatana tha Lord, na kera to ana taa la ma kera susuu ania, fasi muki ade ’uria ade lada.