Jemesi 5:19 - Ṉa Alaofua Falu 1923 1949

¹⁹ Doora kera, mada sa ta wane iamulua kai garo faisia mamana la eri, ma ta wane kai oli fafi nia,

Jemesi 5:19 Referans Kwoze

Galesia 6:1

Doora kera, mada sa kera fulatoona mena ta wane ana abula garo la, kamulua na toa tha Spirit ki, muki oli fafia wane una eri ana si lio ana abula marabibi la; si maṉa noki lio uri oe i talaamu, ada keka bae aliṉamu lau boo.

Mathui 18:15

Ma mada sa dooramu e abula taa iamu, lae, oki faaroṉo ana garo la nia asi maṉa na tee kamaroa boo: mada sa nia roṉoa ṉata lamu, dooramu do e ade naa sulia manatamu neri.

Jemesi 5:20

Kai thaitoomana, na wane na kai bulasia wane ne abula taa faisia tala kekeo ne garo ania, kai faamarukia maṉona imole faisia maea, ma kai thu fafia abula taa la oro ki.

Luke 22:32

Sui nau ku foa uri oe, fasi fitooa oe si sui: ma lalae o akele lau mai, oko faaṉadoa dooramu kera.

II. Pita 3:17

Mania ni kamulua, toa liliothaua nau ki, uria na mulu thaitoomana si do eki totonao, muki fia ada mado e ai keki tole garo ani kamulua ana ade garo la toa taa eki, ma muki asi kamulua faisia si lio ni takwe ṉado la kamulua.

I. Timothi 6:10

Sulaania thathami lana malefo na ṉa laila si do ki sui bana ne taa: na tei toa na keka tekwasia abada sa keki ra uria kera tala faisia si do eki na kulu fitoona, ma keki tala thaukwadaṉia seeda i talaada ana taa la oro ki.

I. Timothi 6:21

Ma tei toa na kera sorea manatade lea una eri keka garo naa faisia si do eki na kulu fitoona. Lea la kai to bi kamulua. Emeni.

Fa Ṉu Abu ki 119:118

O uru ifafona toa eki sui boo na kera lae garo faisia si ade la no gwaludaki; uria na kaura lada na si lole la.

Fa Ṉu Abu ki 119:21

O sorea wane eki na kera fafakao kera italaada, na taa la ka to fafida, na keka liliu garo faisia si nataa oe ki.

Jude 1:11

Taa la kai thauṉi kera! uria na kera lae sulia tala tha Kena, ma kera fita fofoa uria ade garo la na tha Balama e ade garo ania uria malefo ni foli la, ma kera sui teefau ana oli susuu la ’uria tha Kora.

Jemesi 3:14

Ma mada sa uga la baita ma si lio ana firua ni ruruumulua, musi fafaabaita kamulua ma musi susuusia mamana la eri ana lole la.

II. Timothi 2:18

Ro nonii wane na kero tala faisia mamana la eri, kera sorea na tatae la faisia maea e mamana sui naa, kera tole garo ana tei wane faisia fitooa.

Hibaru ki 5:2

Wane na kai talaana mamasoro lana toa na kesi thaitoomana maalutana si do ki ma toa na kera ade garo, uria ni nia feda la e thu lau boo fafi nia;

Jemesi 1:16

Kesi lole kamulua, doora liliothaua nau ki.

Jemesi 1:19

Mania, doora liliothaua nau ki, ni kamulua sui, ta wane si ei, muki thathai uria roṉo la, ka tau bana muka bii ṉata, ka tau bana muka bii rakeiri: