Jemesi 5:16 - Ṉa Alaofua Falu 1923 1949

¹⁶ Muki faaroṉo kamulua kwailiu ana abula garo lamulua ki, ma muki foa kwailiu uri kamulua, fasi keki faamaruki kamulua. Wane kokoto, ṉata fifi la nia ana foa la, na nia kai ra ania, kai sukwai faamau.

Jemesi 5:16 Referans Kwoze

Mathui 21:22

Ma si do ki sui bana, ana atona bana si do na muki gania i la foa la, muki fitoo, do muki ṉalia boo.

Jone 9:31

Kulu thaitoomana tha God e ai si roṉoa ṉata lana toa na kera abula taa: sui mada sa ta wane kai faabaita tha God, ma kai ilia si do nia thathamia, wane eri nia kai roṉoa.

Fa Ṉu Abu ki 34:15

Maana tha Jihova ka lio uria toa kokoto ki, ma aliṉana ka fafuroṉo uria ’ai la kera.

I. Pita 2:24

Ne ṉalia abula taa lakulua ki i talaana i seena i talaana sulia ’ai ba, fasi ni kulu, uria na kulu mae naa ana abula taa la ki, kuka maruki ana kokoto la; ma aliliboa nia ki e faamaruki kamulua.

I. Jone 3:22

Ma si do ki sui bana na kuki gania, kuki ṉalia ani nia, uria na kulu ade sulia si ṉata fifi nia ki, ma kuka ilia si do nia rikia ka lea ki.

Si do Aposela ki kera ilidaki 19:18

Ma toa oro ana toa na kera fitoo sui naa keka lae mai, keka faaroṉo lalaa ana abula taa lada, ma keka fatai nia.

I. Thesalonika 5:17

Muki foa ta si maṉa si ei;

GENESIS 20:17

Mania tha Aberahamo ka foa i thatana tha God: ma tha God ka faamarukia tha Abimileka, ma kwaina, ma kini ni ra nia ki; ma keka thare wela.

Hibaru ki 12:13

Ma muki thauwai nia tala kokoto ki ifana aaemulua, fasi ni tei na aene katu kesi faagaro nia, keki faamarukia.

I. Thesalonika 5:25

Doora kera, muki foa uri kamilia.

Mathui 3:6

Ma nia e babataesi kera i la kafo i Jodana, keka faaroṉo ana abula taa la kera ki.

Hibaru ki 13:18

Muki foa uri kamilia: uria na mili thaitoomana boo amilia si lio ne lea, mili thathamia to lamilia kai dodoloa asi do ki sui bana.

Hibaru ki 11:7

Ana fitooa tha Noa, uria na tha God e faaroṉo nia totonao sulia si do ne ai si rikidaki u, sulaania mau la ne mau ania, ka thauwai nia ṉa aka ana faamaruki lana toa nai maafera nia; ma asi do eri e sorea toa na fanua nei iano kera abula taa boo, ma ka fulatoona kokoto la eri na ka fula mai uria fitooa.

Roma 5:19

Sulaania talafana ana ade lana tee nonii wane ne ade faisia si ṉata kera ilia na toa oro eki kera toa ana abula taa la, alafana lau boo ana ade lana tee nonii wane ne ade sulia si ṉata keki ilia na toa oro eki keki kokoto.

Roma 3:10

’Uria si do na kera keda, F ai ta wane si kokoto, e ai ta tee nonii wane mena;

Hibaru ki 11:4

Ana fitooa tha Ebela e falea do ni foa la lea ka tatha ana do tha Kena ifatha God, do ne adea na kera faamamanea si do kera thaitoomana suli nia na nia e kokoto, uria na tha God e faamamanea si do ne thaitoomana sulia si do nia tona faledaki: ma asi do eri wane eri kai ṉata boro sa ka mae mena.

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

GENESIS 19:29

Ma lalae mai, si maṉa ba na tha God e faafunuia toaa susu eki ana fanua dedema eri, tha God ka onotoona tha Aberahamo, ka arasia tha Lota ka lae faisia imaalutana si do eki na kera thau labatania neri, si maṉa ba ne thau labatania toaa susu eki na tha Lota e toto mai iei.

GENESIS 32:28

Ma wane eri ka sorea, Kesi alaṉia lau thatamu atha Jekofo, keki alaṉia atha Isirela: sulaania o firu bia tha God ma bia imole ki, ma sii oe e tatha naa.

GENESIS 20:7

Mania si maṉa eri oki oli fafia kwaina isana wane eri; uria ni nia ṉa porofeta; sui nia kai foa faisi oe, ma oki bii maruki: ma sui mada sa osi oli fafia, oko thaitoomana fasi si kula nei, oki maelia mamana boo, ni oe, bia toa oe ki sui bana.

I. Thesalonika 5:23

Ma ṉa God ana enenoa talani nia kai faaabu teefau ani kamulua; ma keki beta sulia spirit kamulua ma maṉomulua ma seemulua kai laulau, ma kai dodoloa, ana fula lana Lord kulu tha Jesus Christ.

Kolose 1:9

Sulia si kula eri ni kamilia lau boo, ita mai afa boṉi na mili bii roṉoa si do eri, mili foa uri kamulua ta si maṉa si ei ma mili gani, fasi keki faafuṉu kamulua asi lio ana thaitoomana lana si do ne thathamia ana liotooa ni sui bana ma manata lea la atha Spirit,

Luke 9:6

Ma keka lae nada, ma keka tatha i la toaa faekwa ki, keka ṉata sulia si faaroṉoa lea, ma keka kwaifaamaruki asi kula eki sui boo.

Mako 1:5

Ma toa na fanua i Judia sui boo kera lae isana, bia toa i Jerusalema; ma nia ka babataesida ka sui boo i la kafo i Jodana, keka faaroṉo ana abula taa la kera ki.

Si do Aposela ki kera ilidaki 8:24

Ma tha Saimona e luua, ka sorea, Moki foa atha Lord uri nau, fasi e ai ta si do asi do eki na moro ṉata sulia si fulatooku.