Jemesi 5:11 - Ṉa Alaofua Falu 1923 1949

¹¹ Rikia fasi, kulu sorea kai lea iada, toa eki na kera susuu asi do ki: mulu roṉoa si lio ni susuu la tha Joba, ma mulu rikia gwauna tha Lord, na tha Lord ka fuṉu asi lio ni mamasoro la, ma ka kwaitatakomi.

Jemesi 5:11 Referans Kwoze

Jemesi 1:12

Lea iana, wane na kai susuu ana ilitooa: uria na lalae kera thaitoomana naa kokoto lana, nia kai bii ṉalia do ni eregwau la ana marukia, na ṉa Lord e alaṉai nia ana toa na keka liothau ani nia.

Mathui 10:22

Ma toto toa ni sui bana keki riki kamulua ka taa inunufana thataku: ma wane na kai susuu ka fula ana ṉa susui la, wane eri keki faamaruki nia.

II. Pita 2:9

Toa na kera fare baita atha God, tha Lord e thaitoomana rau la iada ana bae aliṉa la, ma ka suusia toa na kesi kokoto ki la lokafu ana kwae la maakwalia fa boṉi ana kotu baita;

Fa Ṉu Abu ki 86:15

Ma sui ni oe, Arai Lo, na ṉa God asi lio baita ni tatakomi la, mo kwaiofei, osi rakeiri fofoa, o ade lea ka tatha mo mamana asia naa.

I. Pita 1:13

Mania muki alia manatamulua, muki inoto ana seemulua ma muki manatatoo ṉado sukwai uria lea la eri na toto keki ṉalia mai ifamulua ana fatai lana tha Jesus Christ;

Luke 6:36

Mania muki tatakomi, ka ’uria Maka kamulua kai tatakomi.

Fa Ṉu Abu ki 103:8

Tha Jihova ka kwaitatakomi ṉado me kwaiofei, e a’i si rakeiri fofoa, ma tatakomia nia e baita ka tatha.

Hibaru ki 10:39

Sui ni kulu do ana toa na keki dua falaburi ana faaaana lana maṉoda e ai; do ana toa ada fitooa ana faamaruki lana.

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Efesasi 2:4

Ma tha God, uria tatakomia nia ne inoto, sulaania liothau la baita nia ne liothau ani kulu,

Hibaru ki 3:6

Tha Christ molo mala kaluwane, ne inoto ana biu nia; ma biu eri ni kulu, mada sa kuki rau ṉado ana seeraa la kulu ma faabaita lakulua la asi do na kulu manatatoo ṉado uria, kai ṉado maakwalia ṉa susui la.

Efesasi 1:6

Ana taṉo lana inotoa lea la nia, ne ala fafi kulu ania ana Wane liliothaua nia:

Roma 2:4

Mado o fare faekwa ana lea la nia ne baita asia naa ma mamasoro la ma si lio ni doanita tatha la nia, uria nosi thaitoomana sulia lea la tha God eri ne tole oe mai uria manata akele la?

Luke 1:50

Ma tatakomia nia kai to bana fafia toa na kera mau ani nia Too ata unii wane lae ka fula ata unii wane.

Fa Ṉu Abu ki 119:132

Akele fasi uri nau, oko tatakomi nau, sulia ade lamu noki ililia ifana toa eki na keka liothau ana thatamu.

Fa Ṉu Abu ki 116:5

Tha Jihova e kwaiofei, ma ka abula kokoto; iu, God kulu ka kwaitatakomi ṉado.

Fa Ṉu Abu ki 103:13

Talafana wane welaa na ka mamasoroa wela nia ki, alafana lau boo tha Jihova ka mamasoroa toa eki na kera faare baita iana.

Fa Ṉu Abu ki 94:12

Lea iana, wane eri no kwaea, Jihova ae, no kwaifamanatai isana ana lo oe;

Fa Ṉu Abu ki 86:5

Sulia na ni oe, Arai Lo ae, o ade lea, si lio oe ana manata lube la, tatakomia oe ka baita asia naa ifana toa eki sui boo na kera ’ai thatamu.

Fa Ṉu Abu ki 78:38

Ma ni nia, uria na si lio ni tatakomi la e fuṉu ani nia, e manata‐lubea abula lada asi do ne lufia, me a’i si faafunuida: iu, asi maṉa oro ki bana nia ka bulasia kau rakeiria nia, ka a’i si tharasi teefau ana rakeaṉoṉoa nia.

Fa Ṉu Abu ki 37:37

Lio teiṉei uria wane abula lane oolo teefau, rikia fasi wane kokoto: uria na gwauna tala wane eri na ṉa enenoa.

Nehemiah 9:17

Kera lalakwee ade sulia bae lamu, ma kesi onotoona si do baita ba ki no ilia imaalutada, ma keka adea luada ka gaga ’ai kesi gwau toli, ma asi lio kera ni ade la faisia bae lamu, kera alua wane sa kai tatha inaoda, sa keki oli lau uria si ra na kilu suuwanida kera tona ulafu ania na ba: una ena mena, ni oe God no thathai uria manata lube la, si lio oe ni kwaiofei la ma tatakomia, osi rakeiri fofoa, ma ade lea lamu e baita; mania e a’i osi luka faekwa ani kera.

Fa Ṉu Abu ki 145:8

Tha Jihova ka lio ni kwaiofei la, ma tatakomia nia ki ka oro faamau; e a’i si rakeiri fofoa, ma tatakomia nia e baita.

Fa Ṉu Abu ki 51:1

Oko tatakomi nau, God ae, sulia ade lea lamu; sulia biranamu asi maṉa ooro ka oro asi lio oe ni kwaitatakomi la, oko usua kau abula garo la nau ki.

Nehemiah 9:31

Una ena mena, inunufana si lio oe ana tatakomi la baita ki, e a’i osi faafunuida sa keka funu teefau, me a’i osi luka faekwa ani kera; sulaania God ana kwaiofei la ma tatakomi la na ni oe.

Jemesi 1:2

Manatamulua na do muki seethathala faamau ania, doora kera, si maṉa na muki tatha ana ilitooa oro ki;

I. Pita 3:14

Ma mada sa muka to ana taa la uria kokoto la, kai lea iamulua: ma musi mamau ana mau lada, mado i la ruruumulua si tataa;

Luke 11:10

Sulia ni tei na kai gani kai ṉali; ma wane na kai rofe kai rikia; ma wane na kai kikidi keki ifi uri nia.