Jemesi 3:17 - Ṉa Alaofua Falu 1923 1949

¹⁷ Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Jemesi 3:17 Referans Kwoze

Jemesi 3:15

Liotooa eri do ne sifo mai ia e ai, do fanua nei iano ni bana, do seena imole, do mala spirit taa ki.

Roma 12:9

Olodola la kei ei faisia liothau la kamulua. Muki mamagu ania si do ne taa; muki rau ṉado asi do ne lea.

Jemesi 1:17

Si do lea ki sui bana na keka tona falea, ma si do ki sui bana na keka falea ne sukwai ka tatha, ka too mai ia, ma ka sifo mai ana ṉa Maka ana laafa ki, ne ai dodoloa si tatala, me ai ta nunui do si thu fafi nia uria bulasi lana.

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

I. Jone 3:18

Kala wela ki, kusi liothau ana toa ana bae lakulua, mado ana meakulua; ana abula lakulua bana ma ana mamana la.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua:

Mathui 5:8

Lea iada, toa ruruude thathaulia: uria na toto keki rikia tha God.

I. Jone 3:3

Ma ni tei na ka manatatoo ṉado uria si do eri ani nia kai faafalu nia i talaana, ’uria lau boo ni nia e falu.

Luke 21:15

Uria nau kwai falea ta fokee imole bia liotooa ifamulua, na maalimae kamulua ki sui boo toto keki dora ana luu lana ma suusi lana.

Luke 6:36

Mania muki tatakomi, ka ’uria Maka kamulua kai tatakomi.

Hibaru ki 12:14

Muki rofe iburiana enenoa bia wane ki sui bana, ma si lio ne abu, na mada sa si lio eri ka ai faisia, ta wane sa ka rikia ṉa Lord e ai:

II. Timothi 2:24

Ma ṉa wane ni ra ṉa Lord kera lufia si firu boo, ma kai abula thathaore uria imole ni sui, liona kai too uria kwaifamanatai la, kai to seeeno si maṉa do faarakeiri ki kai fula,

I. Pita 2:1

Mania muki luka ana abula taa la ni sui bana, ma lole la ni sui bana, ma olodola la ni sui bana, ma uga la ki, ma ṉata taa la ki sui boo,

Jemesi 2:4

Musi rikia imole ki ’uria sa kesi totoo, ma musi wane ni kotu ki manatamulua ka taa?

Hibaru ki 12:11

Kwae la ni sui uria faaoolo la, do kesi seetha thala ania si maṉa eri boo, e taa iada uria: una ena mena, kai fuṉu iburi asi foee do ana enenoa ma kokoto la, ifana toa na kera faamanatai kera ania.

Kolose 1:10

Fasi muki abula ana abula la ne farana ṉa Lord asi do ki sui bana na kai faalea nia, muki fuṉu ana foee do asi ra ki sui bana ne lea, ma muki baita alaa ana thaitoomana lana tha God;

Roma 15:14

Ma ni nau lau boo ku thaitoomana boo suli kamulua, doora kera, ni kamulua mulu fuṉu ana lea la, mulu thaitoomana lea maalutana si do ki sui bana, mulu talaana lau boo faamanatai lamulua la kwailiu.

I. Korinitha 12:8

Uria ana tee nonii wane kera falea atha Spirit si ṉata ana liotooa; ma ata wane lau si ṉata ana thaitoomana la, ana tee Spirit eri boo:

Jemesi 4:8

Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

I. Timothi 5:21

Nau ku faaroṉo oe inaofatha God, ma tha Lord Jesus Christ, ma angel eki na kera filida oki ade sulia si do eki, si do na manatamu e toea i talaamu ka ai faisia, osi ilia boo ta si do uria bana o rikia ta wane ka lea.

Si do Aposela ki kera ilidaki 11:24

Sulaania nia wane abula lane lea, ma ka fuṉu atha Spirit Abu ma ana fitooa: ma toa na kera lae mai isana ṉa Lord kera oro.

Mathui 23:28

’Uria lau boo ni kamulua riki lamulua e kokoto ana maana imole, ma i la ruruumulua e fuṉu ana olodola la ma si do na kera lufia.

I. Thesalonika 2:7

Ma mili abula thathaore i maalutamulua, mala kini ni nanai wela na kai beta sulia wela nia ki i talaana:

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

Filifae 1:11

Ma muki fuṉu asi foee do ana kokoto la, na kai fula mai atha Jesus Christ, ana inotoa tha God ma taṉo lana.

Si do Aposela ki kera ilidaki 9:36

Sui tee kini na tha Jesus e tole nia e ni Jopa, thatana ni Tabitha, ma toolaṉai lana thata eri ni Dokasi: kin, eri e seemabe ṉado asi ra lea ki ma ana fale la ne fale ana toa na kera to ana rofe la.

Jone 1:47

Ma Jesus e rikia tha Nathaniala kai lae mai isana, ma ka sorea suli nia, Rikia fasi, tee wane Isirela mamana boo, ne ai ta lole la ania!

Jone 1:14

Ma ṉa Baea eri ka imole, ma ka to i maalutamilia (ma mili rikia inotoa nia mala inotoa tee fa Kaluwane ṉa Maka, na nia e arasia mai), e fuṉu ana lea la ma mamana la.

Taetasi 3:2

Kesi ṉaṉata taa seena ta wane, kesi thathathamii oli susuu, keki abula thathaore, keki abula marabibi uria wane ki sui boo.

Taetasi 1:15

Ifana toa liode thathaulia si do ki sui bana e thathaulia: ma ifana toa na liode taa ma kera fitala e ai ta do si thathaulia; manatada ma lioda lau boo e taa naa.

Roma 12:18

Mada sa ta si do imole kai talaana, sulia si do na ni ani kamulua, muki to ana enenoa bia wane ki sui bana.

Efesasi 5:9

(Uria foana lalaa la eri ni ana abula lea la ni sui bana ma kokoto la ma mamana la),

II. Korinitha 10:1

Ma ni nau tha Polo ku ṉata kwaitakoi, ku soree isamulua sulaania abula marabibi la ma abula thathaore la tha Christ, ni nau wane na riki laku si inoto inaofamulua, ma si maṉa nau ku to mai i thara faisi kamulua kwai seeraa uri kamulua:

II. Korinitha 9:10

Ma nia ne falea foee do ki ana wane ni afusi lana, kai falea berede ana faṉa la kamulua, ma kai faafuṉua foee do na muki afusia, ma kai safua foana kokoto la kamulua:

Mathui 5:9

Lea iada, toa na keki fofolo: uria na toto keki alaṉida ana kaluwane tha God ki.

II. Korinitha 6:6

Asi lio ne thathaulia, ana thaitoomana la, asi lio ni doanita tatha la, ana adelea, atha Spirit Abu, ana liothau la na kesi lole ania,

II. Korinitha 7:11

Uria rikia fasi, si do eri boo, na kera faaliodila kamulua ana liodila na tha God e falea, e ilia na mulu aṉasi faamau, iu, mulu sorea mulu dodoloa, iu, e taa faamau iamulua sulia do eri, iu, mulu mau faamau, iu, mulu thathamia faamau do lea ki, iu, mulu seemabe faamau, iu, mulu duua do eri! Asi do ki sui bana mulu fatai kamulua mulu dodoloa asi do eri.

Jemesi 2:13

Sulaania Wane ni Kotu kai ei si tatakomia wane eri ne ai ana ta si lio ni kwaitatakomi la: tatakomi la kai lea iana na si nia e tatha fafia sore lana kwae lana imole.

I. Pita 2:18

Toa ni ra ki, muki roo sulia wane inoto kamulua ki ana mau la baita; talitoona bana sulia toa na kera ade lea ma keka abula thathaore e ai, sulia toa eki lau boo na keka abula kekeo.