Jemesi 3:14 - Ṉa Alaofua Falu 1923 1949

¹⁴ Ma mada sa uga la baita ma si lio ana firua ni ruruumulua, musi fafaabaita kamulua ma musi susuusia mamana la eri ana lole la.

Jemesi 3:14 Referans Kwoze

Jemesi 3:16

Uria na ifei na uga la ma si lio ana firua ni iei, si kula ana bataruta la neri ma asi ade la ne taa ki sui bana.

I. Korinitha 13:4

Liothau la e doanita ka tau, ma ka ade lea; liothau la e ai si uga; liothau la e ai si uunaona e ai si tala faabaita nia i talaana,

Filifae 2:3

Musi ilia ta si do ana firu la mado ana faabaita lamulua la i talaamulua, asi lio ni abula kelawanea la, kamulua sui, ta wane u boo i talaana ma ta wane u boo i talaana, manatana kai sorea na doorana e lea ka tatha ani nia;

I. Korinitha 3:3

Uria na mulu ’uria toa nei iano ki ka fula asi maṉa eri: sulaania si maṉa na uga la ma firu la ma oli susuu la ka ni u i maalutamulua, musi ’uria toa nei iano ki, ma musi abula asi abula la imole ki?

Roma 13:13

Kuki abula kokoto, ’uria i la thato; ana malasaole la ma si bula la na kafo bubula kai buloa imole e ai, ana moosuiluma ma daidei la e ai, ana firu la ma uga la ka ai lau boo.

II. Korinitha 12:20

Uria nau ku mau, ada mado e ai, lalae ku fula, kwai fulatoomulua fafia abula lamulua na nau kwasi thathamia, ma ni kamulua muki fulatooku fafia abula laku na ni kamulua musi thathamia; ada firu la kai fula mai, uga la, rakeiria, tafulu si lio, ṉata buri la ki, ṉata faekwa la ki, nau‐ni‐baita la ki, ṉalu la ki;

Filifae 1:15

Tei toa fetei kera ṉata sulia tha Christ ana uga la ma firu la; ma tei toa lau boo asi lio ne lea:

Jemesi 5:19

Doora kera, mada sa ta wane iamulua kai garo faisia mamana la eri, ma ta wane kai oli fafi nia,

Si do Aposela ki kera ilidaki 5:17

Sui aofia ni foa e tae mai, bia toa eki sui bana na kera to bi nia (toa na kera faamamanea kwaifamanatai lana Sadiusi ki neri), kera fuṉu ana uga la,

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

I. Timothi 6:4

Wane eri e tala faabaita nia i talaana, e ai si thaitoomana boo ta do, kai matai ana soetoona la ki ma oli susuua ki, si do ne ṉalia mai uga la, firu la, ṉata taa la ki, si lio ne taa ki,

I. Korinitha 5:2

Ma mulu faabaita kamulua, e ai musi liodila ania, fasi keka arasia wane ne abula taa una eri ka lae faisi kamulua e ai.

Roma 2:8

Ma ifana toa eki na kera thathamii firu, ma kesi ade sulia mamana la eri, kera ade bada sulia ade la ne ai si kokoto, kai falea rakeiria ma rakeaṉoṉoa,

Galesia 6:13

Sulaania toa eki mena na kera kwai kakali anida e ai kesi roo sulia ṉa lo; sui kera thathamii kwai kakali ani kamulua, fasi keki faabaita kera ana seemulua.

Galesia 5:26

Kusi uuunao kulu, kusi faaome kulu kwailiu, kusi uugali kulu kwailiu.

Galesia 5:21

Gwaudila la, thauwanea, si bula la na kafo bubula kai buloa imole, malasaole la, bia si do una eki: ma asi do eki kwai faaroṉo kamulua totonao, ’uria lau boo ku fafaaroṉo kamulua na ba, toa na keki ilia si do una eki toto kesi fulatoona tooa tha God.

Galesia 5:15

Ma mada sa muki ale kamulua kwailiu ma muki dudumeme ani kamulua, muka fia ada muka faaai kamulua kwailiu.

I. Korinitha 5:6

Faabaita lamulua i talaamulua e ai si lea. Musi thaitoomana na ta kasi lefena faekwa kai dolana sui bana kumu eri?

Roma 2:17

Rikia fasi, kera alaṉi oe ana thatana Ju, mo kwaitakofale ana ṉa lo, mo faabaita oe atha God,

Roma 1:29

Uria na kera faafuṉu kera asi abula la ni sui bana ne ai si kokoto, oe la, taa la, thathami lana si do kera ki, si lio ne taa; kera fuṉu ana uga la, thauwane la, firu la, lole la, manata taa la; kera toa ana fuaro la,

Si do Aposela ki kera ilidaki 26:9

E mamana ni nau manataku i talaaku ne kokoto kwa ilia si do oro ki ne maalimae ana thatana tha Jesus. Wane i Nasaretha.

Si do Aposela ki kera ilidaki 13:45

Ma si maṉa na Ju ki kera rikia malului wane eki, keka fuṉu ana uga la, keka aea si do na tha Polo kai soredaki, keka bae asi baea ni faretoliṉi lana tha God.

Jone 16:2

Keki arasi kamulua muka lae faisia biu ni ofu la ki: iu, si kadee maṉa lalae kai fula, na ni tei bana na kai thauṉi kamulua manatana do sa kai ra ifatha God.

Mathui 27:18

Uria ne thaitoomana do uria bana manatade uga isana na keka fale nia.

GENESIS 37:11

Ma thoona kera kera ugalia; maka nia molo ka lalomatoona si ṉataa eri i ruruuna.

Si do Aposela ki kera ilidaki 7:9

Ma maka ba ki, uria na kera gwaudila uria inotoa tha Josefa, kera usi ani nia ka lae uri Ijifita: ma tha God e to bi nia,

Galesia 5:20

Foa la ana god eeta ki, ra la ana sukwaia spirit taa ki, rakeaṉoṉoa, firu la, uga la ki, rakeiria, tafulu si lio, oli susuu la, kwaifamanataia eeta ki,

I. Timothi 2:4

Sulia nia thathamia sa imole ni sui keki maruki, ma keki fulatoona thaitoomana lana mamana la eri.

Jemesi 1:18

Asi do nia tala thathamia e kwalafi kulu asi baea ana mamana la, fasi kuki ’uria foee do totonao ki asi do ne thauwanidaki.

GENESIS 38:9

Ma tha Onana e thaitoomana sulia wela sa keki tharea, na wela nia u boo ka a’i neri; ma lalae mai, si maṉa ne kotho mai sana kwaina thoona, ka kikia i theegano do sa kai kwalafia wela ania, ada ka alua wela ifana thoona.