Jemesi 3:13 - Ṉa Alaofua Falu 1923 1949

¹³ Ni tei i maalutamulua lione too ma manatane lea? kai fatai nia ana abula lea lana si ra nia ki ana abula marabibi lana liotooa eri.

Jemesi 3:13 Referans Kwoze

Galesia 5:23

Abula marabibi la, inoto la ana seemulua: e ai ta lo si to ana lufi lana si do una eki.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Mathui 5:5

Lea iada, toa na kera abula marabibi: uria na toto keki ṉalia fanua nei iano ifada.

Kolose 3:12

Mania toa na tha God e fili kamulua, na mulu abu ma kera liothau ani kamulua, muka tooni asi do nai ki, si lio ni tatakomi la, ade lea la, abula seseka la, abula marabibi la, si lio ni doanita tatha la;

I. Pita 2:12

Abula lamulua kai faramulua i maalutana Jenetaele ki; fasi, asi do eri boo na kera ṉata taa suli kamulua ania mala sulia toa na kera abula taa, asi ra lea kamulua ki na keki rikia neri, keki faainotoa tha God afa boṉi ana makele lada la.

Taetasi 3:2

Kesi ṉaṉata taa seena ta wane, kesi thathathamii oli susuu, keki abula thathaore, keki abula marabibi uria wane ki sui boo.

II. Timothi 2:25

Kai abula marabibi si maṉa na kai faakokotoa toa na kera maalimae ani nia; fasi mado e ai tha God kai falea manata akele la ifada uria thaitoomana lana mamana la eri,

Filifae 1:27

Tee si do boo, abula lamulua kai farana si faaroṉoa lea tha Christ: fasi, mada sa kwa fula kwa riki kamulua mado kwa to mai i thara faisi kamulua, kwai roṉoa to lamulua, na muki takwe ṉado ana tee spirit, ma ana tee si manata muki aṉasi ana ra ofu la ifana si do eki na kulu fitoona na si faaroṉoa lea;

I. Timothi 6:11

Ma ni oe, no wane tha God, oko thaka faisia do eki; ma oko tari buriana kokoto la, si lio ni fare baita la atha God, fitooa, liothau la, si lio ni susuu la, abula marabibi la.

Jemesi 2:18

Iu, ta wane kai sorea, Amua fitooa, ni nau molo akua si ra ki: oki fatai nia fitooa oe isaku na si ra ki ka ai faisia, ma ni nau ana si ra nau ki kwai fatai nia fitooa nau isamu.

I. Pita 2:9

Ma ni kamulua ina lana toa na kera filidaki, kiṉa ki na muka toa ni foa la, kulee toa abu, toa ifatha God i talaana, fasi muki fatai nia lea lana ni nia ne aili kamulua mai faisia maerodo ana lalaa lana na kera kwele ania:

Jemesi 1:21

Mania muki tanusia si do ki sui na ka faataali kamulua ma si do ki sui bana ne taa, ma muki ṉalia ana abula marabibi la si baea eri na kera fasia, na ka talaana faamaruki lana maṉomulua.

Fa Ṉu Abu ki 107:43

Ni tei bana na liode too ma keka manatatoona si ade la eki, toa unei keki thaitoomana ade lea lana tha Jihova.

I. Timothi 4:12

Osi alamatania ta wane si fare faekwa iamu uria no wane o bii baita; abula lamu kai dodoloa fasi toa na kera fitoo keki lio uria, ana ṉata lamu, ana abula lamu, ana liothau la, atha Spirit, ana fitoo lamu, ana manatamu kai thathaulia.

II. Korinitha 10:1

Ma ni nau tha Polo ku ṉata kwaitakoi, ku soree isamulua sulaania abula marabibi la ma abula thathaore la tha Christ, ni nau wane na riki laku si inoto inaofamulua, ma si maṉa nau ku to mai i thara faisi kamulua kwai seeraa uri kamulua:

Mathui 11:29

Kwaua ioke nau, alua fafi kamulua, ma muka ili uria si do kwai tooa; uria nau ku abula marabibi ma ku kelawanea i ruruuku: ma muki fulatoona mamaloa uria maṉomulua.

Jemesi 3:1

Toa oro iamulua musi thathamii kwaifamanatai, doora kera, uria na muki thaitoomana kwae lakulua kai baita ka tatha.

Efesasi 4:2

Ana abula seseka la faamau ma abula marabibi la, asi lio ni doanita tatha la, muki mamasoro kamulua kwailiu ana liothau la;

Galesia 6:4

Wane kai ilitoona si ra nia i talaana, ma sui kai faabaita nia fafi nia, ma fafia wane nia ka ai.

Galesia 6:1

Doora kera, mada sa kera fulatoona mena ta wane ana abula garo la, kamulua na toa tha Spirit ki, muki oli fafia wane una eri ana si lio ana abula marabibi la; si maṉa noki lio uri oe i talaamu, ada keka bae aliṉamu lau boo.

II. Korinitha 8:24

Mania muki fatai nia mamana lana liothau la kamulua isada inaofana ofu la eki, ma mamana lana si do eri mili faabaita kamilia ania suli kamulua.

Mathui 21:5

Muki faaroṉoa thari Saeono, Rikia fasi, Kiṉa oe kai lae mai isamu, E abula marabibi, kai ono fafona ase kai lae mai, Fafona kalee ase ṉa kaela ase.

Fa Ṉu Abu ki 149:4

Uria ne lea atha Jihova uria toa nia ki: nia kai lauṉia ana marukia na nia kai faamaruki kera mania, toa eki na keka abula marabibi.

I. Pita 3:4

Wane ne to thaufuni ana i ruruumulua na muki lauṉia, ana lauṉia na toto si fufuraa na ṉa spirit kamulua ne abula marabibi ma ka eno, si do na kera usi baita ania inaofatha God.

I. Korinitha 6:5

Nau ku ṉata una eri fasi kwa faaseenoni kamulua. Una eri too, na kera dora ana rofetoona lana i maalutamulua ta tee nonii wane mena na lione too, na kai talaana ṉata la mala wane ni kotu i maalutana doorana kera,

Mathui 7:24

Mania ni tei na kai roṉoa bae laku neri, ma kai ilia, keki toolaṉania ana wane lione too, ne kasia biu nia fafona fau:

Fa Ṉu Abu ki 45:4

Ma ana inotoa oe eri oko ono i suila hosi oki lae ni lea la sulia mamana lamu ma abula marabibi la ma kokoto la; ma aba aola oe kai to’oa do kwaifamaui ki isamu.

Fa Ṉu Abu ki 25:9

Toa na kera abula marabibi, nia kai talaida asi nataa fifi ne oolo: ma toa eki na kera abula marabibi, nia kai to’oa tala nia isada.

Hibaru ki 13:5

Thathami lana malefo kai ei naa faisia abula lamulua; muki seeeno asi do na muka rikidaki: uria ni nia e sorea, Sa kwa akwasi oe e ai dodoloa, me ai dodoloa sa kwa luka faekwa ani oe.

I. Pita 1:15

Ma ’uria lau boo ni nia ne aili kamulua mai e abu, ni kamulua lau boo muki abu ana abula lamulua ni sui bana;

Fa Ṉu Abu ki 122:8

Inunufana dooraku kera ma toa na mili ado, nau kwai sorea si maṉa eri, Enenoa kai to bana ani oe.