Jemesi 2:19 - Ṉa Alaofua Falu 1923 1949

¹⁹ O faamamanea na tee God boo e to bana; o abula lea: spirit taa ki kera faamamanea lau boo, ma keka leleba.

Jemesi 2:19 Referans Kwoze

Luke 4:34

Ka una eri, To ana! ta si ta fetei na miki kwaimani bi oe fafia, Jesus, wane i Nasaretha? o lae mai fasi oki labatai kamilia? nau ku thaitoomamu, oe Wane Abu tha God.

Mako 1:24

Ka una eri, To ana; ta si ta fetei miki kwaimani bi oe fafia, oe tha Jesus, wane i Nasaretha? o lae mai fasi oki labatai kamilia? Nau ku thaitoomamu, oe Wane Abu tha God.

Mathui 8:29

Ma rikia fasi, kero ’ai faamau, keko una eri, Ta si ta fetei na meki kwaimani bi oe fafia, oe Kaluwane tha God? o lae mai kunei fasi oki kwae fifi iamilia asi maṉa ne ai u bana neri?

Si do Aposela ki kera ilidaki 16:17

Thari eri ka lae iburiatha Polo fai kamilia, ka’ai faamau, ka una eri, Wane nai ki na toa ni ra la ifana ṉa God ne Inoto ka tatha, na kera faaroṉo kulu ana tala ana marukia.

Galesia 3:20

Ma wane ni fofolo la do uria ta tee nonii wane e ai; sui tee tha God naa.

Si do Aposela ki kera ilidaki 19:15

Ma spirit taa eri ka luuda, ka sorea, Tha Jesus ku thaitoomana, ma tha Polo ku thaitoomana; ma ni kamulua ni tei?

Mako 5:7

Ma ka ’ai ana ’ai la baita, ka sorea, Si ta na kwai kwaimani bi oe fafia, Jesus, Kaluwane tha God ne Inoto ka tatha? Nau ku ṉata fifi isamu atha God, osi kwae fifi iaku.

I. Timothi 2:5

Sulaania tee God, ma tee wane lau boo ni fofolo la i maalutana God ma ṉa imole, tha Christ Jesus, ne imole boo,

Mako 12:29

Ma tha Jesus e luua, Si ṉata fifi totonao nai nia, Toa Isirela, muki roṉoa fasi; Tha Lord God kia, tee Lord boo:

I. Korinitha 8:6

Sui ifakulua tee God boo, ṉa Maka, ne futaṉai nia si do ki sui bana, ma ni kulu kuka to ifana; ma tee Lord boo, na tha Jesus Christ, na si do ki sui bana ka ita mai ani nia, ma ni kulu ita lau bomai ani nia.

Roma 3:30

Uria na tee tha God boo, ma nia kai ala fafia kokoto lana toa ana kwai kakali la ana fitooa, ma toa na kesi kwai kalida uria fitooa.

Jone 17:3

Ma marukia tatha eri nai nia, na keki thaitoomamu God na talitoomu o mamana, bia keki thaitoomana tha Jesus Christ, no arasi nia mai.

Jude 1:6

Ma angel ki na kesi to sulia to lada mai inao, na kera akwasia fanua kera i talaada, e kani fafia ana nailii thalo na kai to ladoa ki la maerodo maakwalia kotu baita afa boṉi baita eri.

Jemesi 2:8

Mada sa mulu ade sulia ṉa lo ne inoto ka tatha, sulia kekeda la abu eri, Oki liothau ana wane oe ’uria oko liothau ani oe i talaamu, muki abula lea neri:

I. Korinitha 8:4

Mania sulia ani lana si do ni foa la na kera faledaki naa ana god eeta ki, kulu thaitoomana ne ai ta god eeta si to ana fanua nei iano, me ai lau ta god, talitoona tee God boo.

Si do na kera fatai nia 20:10

Ma kera naṉa atha devil ne loleda asi kula ne ’uria gwa kafo ne baita, me fuṉu ana era ma do thasune makwa fifi, si kula na do maruki eri ne kwasi ni iei ma porofeta eri ne ai si mamana; ma keki thau fifi iada afa thato ma afa rodo toto si sui.

Jude 1:4

Sulaania tei wane kera maladala mai, toa na kera kekeda sulida dini u mai inao na keki kwaeda boo fafia si do eri, wane na kera fare faekwa atha God, na kera bulasi garo ana lea la tha God ana daidei la, ma kera sorea kera dora bada atha Lord God na tee nia boo, ma tha Jesus Christ na Lord kulu.

Mako 7:9

Ma nia ka soree isada, Muka lalakwatania mamana boo si ṉata fifi tha God, fasi muki roo sulia ṉata lana toa kamulua inao.

Si do Aposela ki kera ilidaki 24:25

Ma si maṉa nia kwaifamanatai sulia kokoto la, ma inoto la ana seekulua, ma fa boṉi ana kotu baita na toto kai lae mai, tha Felikasi e aanu, ma ka luua, Oki lae amua si maṉa eri; si maṉa nau ku rikia ne farana, nau kwai aili oe mai.