Jemesi 1:22 - Ṉa Alaofua Falu 1923 1949

²² Ma kamulua toa na muki ade sulia si baea eri, ma talitoona toa na muki roṉoa ma muki tala lole kamulua ka ai.

Jemesi 1:22 Referans Kwoze

Roma 2:13

Sulaania toa na kera roṉoa ṉa lo e ai na kera ala fafia kokoto lada inaofatha God, keki ala boo fafia toa na kera ade sulia ṉa lo:

Jone 13:17

Mada sa mulu thaitoomana si do eki, kai lea iamulua mada sa muki ilia.

Jemesi 4:17

Mania wane na ka thaitoomana ili lana lea la, ma sui ka ai si ilia, abula taa la nia ni bana.

I. Jone 2:3

Ma asi kula eri kuki thaitoomana suli kulu na kuki thaitoomana ni nia, mada sa kuki ade sulia si ṉata fifi nia ki.

Luke 11:28

Ma nia ka sorea, Iu, ma si do ne lea ka tatha nania, lea iada, toa na kera roṉoa bae lana tha God, ma keka ade sulia.

Mathui 12:50

Sulia ni tei bana na kai ilia si do na Maka nau ne ni mei thalo e thathamia, nia na dooraku, ma waiwaena nau, ma thainaku.

Kolose 3:17

Ma atona bana ta si do na muki ilia, ana bae la mado abula la, muka ilia ka sui ana thatana tha Lord Jesus, muki sore lea talea tha God na Maka ani nia.

Si do na kera fatai nia 22:7

Rikia fasi, nau kwai makee lae kau isamulua. Lea iana, wane na kai ade sulia si baea asi do na porofeta e sorea ana buka nei.

I. Jone 3:7

Kala wela ki, musi alamatania ta wane si tole garo ani kamulua: wane na ka ilia kokoto la e kokoto, ’uria lau boo ni nia e kokoto:

Jemesi 1:26

Mada sa ta wane manataia na nia manata baita atha God, si maṉa ne ai si rau fafia meana ma ka tala lolea ruruuna, manata baita la wane eri na ṉa tonee do.

Galesia 6:7

Musi lolole kamulua; tha God e ai si alamatania keki malaoe nia: uria atona bana ta si do wane kai fasia, do eri boo nia kai kasia.

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

Galesia 6:3

Sulaania mada sa ta wane manatana na nia baita, si maṉa ne tonee do, wane eri ka tala lole nia i talaana.

I. Korinitha 6:9

Mado musi thaitoomana na toa na kesi kokoto ki e ai kesi fulatoona tooa tha God? Musi tala lole kamulua i talaamulua: toa na kera oe, mado toa na kera foa ana god eeta ki, mado toa na kera oe fafia kwaida, mado wane ki na kera ’uria kini keka faaalamai kera ifana wane, mado wane ki na kera oe lau bada uri kera i talaada,

Mathui 28:20

Muki faamanatai kera keki manatatoona si do ki sui bana asi do eki ku fafaaroṉo kamulua ania: ma lio fasi, nau ku to bi kamulua sulia boṉi, lalae ka fula ana susui lana kada nei. Emeni.

I. Jone 1:8

Mada sa kuka sorea e ai akulua ta abula taa la, kuki lole kulu i talaakulua, ma mamana la eri e ai si to ani kulu.

Filifae 4:8

Si do iisi, doora kera, si do ki sui bana ne mamana, si do ki sui bana ne teiṉei, si do ki sui bana ne kokoto, si do ki sui bana ne thathaulia, si do ki sui bana ne lea, si do ki sui bana ana ṉata lea la; mada sa ta si do ne oolo e to bana, mado ta si do na kera taṉoa, muki manatatoona si do eki.

I. Korinitha 15:33

Musi lolole kamulua: Ado la bia toa taa ki toto kai faataalia wane to lana e kokoto.

Si do na kera fatai nia 12:9

Ma kera naṉa ana baekwa baita eri, wa aala eri na ita u ka to, nia na kera alaṉia atha Devil ma Satan, na ka lolea toa na fanua nei iano sui boo; keka naṉa ani nia kai sifo uri fanua nei iano, ma keka naṉa ana angel nia ki bi nia.

II. Pita 2:13

Keki to ana taa la na foli lana abula lada ne ai si kokoto; sa manatada do na sa kai faalea kera bonaa na malasaole la afa thato, ’uria see do ne lea sui ka karua ma ka boboloa, kera malasaole ana fafaṉa kera ki ana liothau la si maṉa na kera ania fafaṉa eki bi kamulua;

Taetasi 3:3

Uria ni kulu lau boo inao mai kulu oewanea, kulu adede faisia si ṉata, kera lole kulu, kulu ra ifana si thathami la taa tataka ki ma si do oro ki ne faalea kulu, kulu toto asi lio ne taa ma ana uga la, kulu do kera mamagu ania, kulu riki kulu kwailiu ka taa.

I. Korinitha 3:18

Ta wane si tala lole nia i talaana. Mada sa ta wane e manatatoona i talaana na lione too i maalutamulua i kada nei, wane eri kai oewanea, fasi liona kai too mamana boo.

II. Timothi 3:13

Ma wane taa ki ma toa ni lole la keki taa ka lae tatha, keki lole ma kera loleda lau boo.

Jemesi 4:11

Musi ṉata taa kwailiu i seemulua, doora kera. Wane na ka ṉata taa i seena doorana, mado ka ṉata mala wane ni kotu sulia doorana, ka ṉata taa sulia ṉa lo, ma ka ṉata mala wane ni kotu ana ṉa lo: ma sui mada sa oki ṉata mala wane ni kotu ana ṉa lo, oe wane osi ade sulia ṉa lo, oe wane ni kotu ania.