Jemesi 1:21 - Ṉa Alaofua Falu 1923 1949

²¹ Mania muki tanusia si do ki sui na ka faataali kamulua ma si do ki sui bana ne taa, ma muki ṉalia ana abula marabibi la si baea eri na kera fasia, na ka talaana faamaruki lana maṉomulua.

Jemesi 1:21 Referans Kwoze

Efesasi 4:22

Ma do eki nai nia, mulu tanusia naa, sulia abula lamulua mai inao, wane nai nao, na kai fufuraa uria si thathami la taa ana kaura lana;

Efesasi 1:13

Nia na ni kamulua lau boo, buriana na mulu roṉoa si baea ana mamana la eri, si faaroṉoa lea ana marukia kamulua, — nia na, si maṉa na mulu fitoona, kera faaṉado kamulua lau boo ani nia atha Spirit Abu ana alaṉaia eri,

I. Pita 2:11

Toa liliothaua nau ki, ku ṉata kwaitakoi, ku soree isamulua mala toa na muka makafa to bamulua ma toa kwaita ki, muki to faisia si thathami la taa ki seena imole, na ka firu bia maṉoka;

Jone 6:63

Na spirit ana kai faamarukia ta do; seena e ai si ilia boo ta do ania: si baea ba ki na ku soree isamulua, kera na spirit, ma marukia.

Fa Ṉu Abu ki 25:9

Toa na kera abula marabibi, nia kai talaida asi nataa fifi ne oolo: ma toa eki na kera abula marabibi, nia kai to’oa tala nia isada.

I. Pita 2:1

Mania muki luka ana abula taa la ni sui bana, ma lole la ni sui bana, ma olodola la ni sui bana, ma uga la ki, ma ṉata taa la ki sui boo,

Hibaru ki 12:1

Mania ni kulu lau boo, uria na toa eri ooro ka oro na kera bubu ka to kakali kulu ’uria si datha, kuki tanusia si do ki sui bana ne kulua, ma abula taa la eri ne ai si afetai sa ka faakatu kulu, ma kuki fita ana fifita la eri na kera alua inaofakulua asi lio ni susuu la,

Jemesi 4:8

Muki idu karaṉia tha God, ma ni nia kai idu karaṉi kamulua. Faafalua ro aba kamulua ki, toa na mulu abula taa; ma faathathaulia ruruumulua, kamulua toa amulua ro si lio.

Taetasi 2:11

Uria na lea la tha God, ne ṉalia mai marukia, e maṉo mai ifana imole ki sui,

Roma 1:16

Sulaania e ai kwasi seenoni asi faaroṉoa lea tha Christ: uria sukwaia tha God ana marukia neri fani tei na kai fitoo; ṉa Ju totonao, ma ṉa wane i Girisi ni lau boo.

Hibaru ki 4:2

Uria ni kulu lau boo kera ṉata sulia si faaroṉoa lea isakulua, ’uria lau boo isana toa eri: ma si ṉata na kera faaroṉoda ania e ai si faalea kera, sulaania kesi kwaimani ana fitooa bia toa na kera roṉoa mamana boo.

Hibaru ki 2:3

Nifana ade lana ni kulu kuki thaka faisia kwae la, mada sa kuki luka faekwa ana marukia ne baita una eri? na kera ṉata sulia totonao ana ṉa Lord, ma kera faaṉadoa ifakulua ana toa eki na kera ronoa;

I. Korinitha 15:2

Si do na kera faamaruki kamulua lau boo ania, mada sa muki rau ṉado asi ṉata eri na nau ku faaroṉo kamulua ania, mada se ai musi tonee fitoo.

Roma 6:17

Ma sore lea la ifatha God uri kamulua, ni kamulua toa ni ra la ana abula taa la, sui ruruumulua e thathamii ade sulia si do na mulu lio uria ana kwaifamanatai la na kera fale kamulua ania;

Jone 6:68

Tha Saimona Pita e luua, ka una eri, Lord, miki lae sani tei lau? oe si baea ni marukia tatha ni isamu.

I. Thesalonika 2:13

Ma uria si kula eri mili sore lea atha God ta si maṉa si ei, uria na, si maṉa na mulu ṉalia bae lana tha God ani kamilia, mulu ala fafia mala bae lana imole ki e ai, mala bae lana tha God, ma do eri boo nania, do ne ra lau boo ani kamulua na mulu fitoo.

II. Korinitha 7:1

Mania uria na alaṉaia eki ifakulua, toa liliothaua nau ki, kuki faafalu kulu faisia si do ki sui bana na kai faataalia seekulua ma spirit kulu, kuki faaabu teefau ani kulu ana mau la atha God.

Si do Aposela ki kera ilidaki 13:26

Doora kera, wela ana kwalafa tha Aberahamo ki, ma toa iamulua na kera mau atha God, ni kamulua toa na kera falea mai si baea ana marukia nai ifamulua.

I. Pita 1:9

Si maṉa na mulu ṉalia gwauna fitooa kamulua, na ṉa faamaruki lana maṉomulua.

Roma 11:17

Ma mada sa kera oea tei tharee ’ai ana ’ai eri, ma ni oe, no olife kwasi, kera raofai oe oki ni ana ’ai eri i maalutada, mo ṉalia ofu bi kera ta si ana lalii olife ma sula;

Si do Aposela ki kera ilidaki 10:33

Nia na ba kwa kwaiarasi kau uri oe si maṉa eri u boo na ba; mo abula lea no fula naa. Mania si maṉa eri kamilia sui boo mili ni kunei inaofatha God, fasi miki roṉoa si do eki sui boo na tha God e soree isamu.

Mathui 5:5

Lea iada, toa na kera abula marabibi: uria na toto keki ṉalia fanua nei iano ifada.

I. Thesalonika 1:5

Uria na si faaroṉoa lea kamilia e ai si fula isamulua ana talitoona si baea, ana sukwaia ni lau boo, ma atha Spirit Abu, ma asi do ne fatai lalaa ana mamana lana; talafana na mulu thaitoomana to lamilia i maalutamulua na mili toto ania uri kamulua.

Efesasi 5:4

Mado si do faaseenoni, mado ṉata oewanea la, mado waela la sulia si do taa ki, si do ne ai si faramulua ki neri: muki ṉata asi sore lea la.

Efesasi 4:25

Mania, uria na mulu tanusia lole la, muki ṉata mamana kwailiu isamulua: sulaania kulu si do ki na ana seekulua kwailiu.

Jemesi 5:20

Kai thaitoomana, na wane na kai bulasia wane ne abula taa faisia tala kekeo ne garo ania, kai faamarukia maṉona imole faisia maea, ma kai thu fafia abula taa la oro ki.

I. Pita 1:22

Uria na mulu faafalua maṉomulua si maṉa na mulu ade sulia mamana la eri atha Spirit ana liothau la na kesi lole ania uria baree wai doorana eki, ruruumulua kai seemabe ana liothau kwailiu la iamulua: