Jemesi 1:17 - Ṉa Alaofua Falu 1923 1949

¹⁷ Si do lea ki sui bana na keka tona falea, ma si do ki sui bana na keka falea ne sukwai ka tatha, ka too mai ia, ma ka sifo mai ana ṉa Maka ana laafa ki, ne ai dodoloa si tatala, me ai ta nunui do si thu fafi nia uria bulasi lana.

Jemesi 1:17 Referans Kwoze

Jone 3:27

Tha Jone e luuda, ka sorea, Ta wane sa ka ṉalia ta si do e ai, mada se ai kesi falea iana i thalo mai.

Mathui 7:11

Mania mada sa ni kamulua, toa na mulu taa, muki thaitoomana fale lana si do lea ki na keki tona falea ifana wela kamulua ki, fale la si tatha Maka kamulua ne ni mei thalo kai fale asi do lea ki ifana toa na keki gani nia?

Hibaru ki 13:8

Tha Jesus Christ e ’uria lau boo i roo, mai taraena, ma toto si sui.

Jone 8:12

Mania tha Jesus e ṉata lau isada, ka una eri, Ni nau ṉa lalaa la i fanua nei iano: imole na kai lae iburiaku ka ai si lae i la maerodo, ṉa lalaa la ana marukia kai ni isana.

I. Jone 1:5

Ma si ṉata eri na mili roṉoa ani nia, ma mika faaroṉo kamulua ania nai nia, na tha God na ṉa lalaa la, ma ani nia e ai dodoloa ta maerodo.

Fa Ṉu Abu ki 84:11

Uria na tha Jihova God na ṉa thato ma ṉa talo: tha Jihova kai tona falea kwaiofei la ma inotoa baita: kei e’i si lufia ta si do lea faisia toa eki na abula lade oolo.

Jemesi 3:17

Ma liotooa eri ne ita mai ia kai thathaulia totonao, sui kai eno, kai abula thathaore, kai thathamii falea si do na keki gania, kai fuṉu ana tatakomia ma asi foee do lea ki, oli susuua ka ai faisia, olodola la ka ai faisia.

Efesasi 2:8

Sulaania ana lea la kera faamaruki kamulua uria fitooa; ma fitooa eri do ita mai ani kamulua e ai: si do na tha God e tona falea neri:

Luke 11:13

Mania mada sa ni kamulua, toa na mulu taa, muki thaitoomana fale lana si do lea ki na keki tona falea ifana wela kamulua ki, ta na sa fale la ne tatha na Maka kamulua kai fale ana Spirit Abu ifana toa na keki gani nia, mado?

I. Korinitha 4:7

Sulaania ni tei ne faabaita oe lau ana tei wane? ma ṉa ta asi do no rikidaki na kesi falea iamu? sui mada sa kera falea iamu, uria ta no faabaita oe i talaamu, uria sa kesi falea?

I. Jone 4:10

Liothau la ka to fatai asi kula eri, na ni kulu kulu liothau atha God e ai, ni nia e liothau ani kulu, me arasia mai Kaluwane nia, wane na ka dianalio uria abula taa la kulu ki.

Efesasi 1:18

Keki ifinia maana wane nai ruruumulua, fasi muki thaitoomana si do eri ne manatatoo ṉado uria si maṉa ne aili kulu mai, ma si do eki na nia kai rikii do ania uria faainoto lana la na nia kai fulatoona ana toa abu eki,

Jone 1:9

Lalaa la mamana eri, ne laafia wane ki sui bana, kai lae mai uria fanua nei iano.

Si do na kera fatai nia 21:23

Ma toaa susu eri e ai si rofea ṉa thato, mado ṉa madami, na sa kai laa fafia: sulaania inotoa tha God e laafia, ma ṉa Lama na ṉa laafa nia.

II. Korinitha 4:6

Uria na tha God neri, nia ne sorea, Lalaa la kai laa i la maerodo, ne laa i ruruumilia, fasi kai falea lalaa la na ṉa thaitoomana lana inotoa tha God ana maana tha Jesus Christ.

GENESIS 41:16

Ma tha Josefa e luua tha Fero, ka una eri, Si ade la eri e a’i si ni ani nau italaaku: tha God aṉa kai falea ifatha Fero si baea ni luu lana ana enenoa.

Si do na kera fatai nia 22:5

Ma fanua sa ka rodo lau ta si maṉa e ai; ma kesi rofea ada laa lana ta laeta, mado laa lana thato; uria na tha Lord God kai laafida: ma keki inoto ka tatha toto si sui.

Jemesi 1:5

Mada sa ta wane iamulua manata lea la ka ai faisi nia, kai gania atha God, na ka fale baita ifana imole ki sui bana ma ka ai si soreda; ma keki falea ifana.

Roma 6:23

Sulaania na foli lana abula taa la ṉa maea; ma si do na tha God e tona falea bana na ṉa marukia tatha ni atha Christ Jesus na Lord kulu.

Jemesi 3:15

Liotooa eri do ne sifo mai ia e ai, do fanua nei iano ni bana, do seena imole, do mala spirit taa ki.

Filifae 1:29

Sulaania kera falea si kula eri iamulua inunufatha Christ, talitoona na muki fitoona e ai, na muki to ana taa la lau boo inunufana:

Si do Aposela ki kera ilidaki 11:18

Ma si maṉa na kera roṉoa si do eki, keka bona bada, sui kera taṉoa tha God, keka una eri, O ma Jenetaele ki lau boo tha God e falea manata akele la ifada uria marukia.

Si do Aposela ki kera ilidaki 5:31

Ni nia tha God e faabaita ana aba aola nia, Wane Inoto ma Wane ni Kwaifaamaruki, fasi kai falea manata akele la ana Isirela, ma manata lube la ana abula taa la ki.

Fa Ṉu Abu ki 122:6

Muka foa fasi uria enenoa i Jerusalema: kai lea iada, toa eki na kera liothau iamu.

Fa Ṉu Abu ki 85:12

Iu, tha Jihova kai falea boo si do na ka lea; ma fanua kulu kai falea mai unii do rafo nia.

Fa Ṉu Abu ki 102:27

Ma ni oe oki to bonaa, osi tatala, ma fa ṉali oe ki sa ka sui e a’i.

Fa Ṉu Abu ki 136:7

Ani nia ne thauwai nia ro laafa baita ki: uria na tatakomia nia ka toto si sui:

Jone 3:3

Tha Jesus e luua, ka soree isana, Mamana, mamana, ku soree isamu, Mada sa ta wane si futa lau iburi, nia sa ka rikia tooa tha God e ai.

I. Timothi 6:16

Na tee nia ṉa marukia tatha ka ni ania, kai to ana lalaa la na kesi talaana idu la karaṉia; nia ne ai ta wane si rikia u, me ai ta wane si talaana riki lana: keki fare baita ani nia ma keki taṉoa sukwaia nia toto si sui. Emeni.