I. Timothi 6:4 - Ṉa Alaofua Falu 1923 1949

⁴ Wane eri e tala faabaita nia i talaana, e ai si thaitoomana boo ta do, kai matai ana soetoona la ki ma oli susuua ki, si do ne ṉalia mai uga la, firu la, ṉata taa la ki, si lio ne taa ki,

I. Timothi 6:4 Referans Kwoze

II. Timothi 2:23

Ma oli susuua toa na kera ṉata oewanea ma keka dora asi do na kera ṉata sulia, oko keto faisia, uria no thaitoomana kai futaṉai nia firua ki.

II. Timothi 3:4

Toa ni faaalamai la, seeraraa, keki tala faabaita kera i talaada, keki liothau ana nau‐ni‐lea la, kesi liothau boo atha God;

I. Timothi 3:6

Wane ne bii fitoo e ai, ada kai tala faabaita nia i talaana, ka tatha ana kwae la na kera kwaea atha devil.

Jude 1:10

Ma toa eki kera ṉata taa uria si do ki sui bana na kesi thaitoomana: ma si do na kera tala thaitoomadaki, ’uria lau boo do maruki kwasi ki na kesi manata, kera labatai kera asi do eki.

II. Pita 2:12

Ma imole eki, ’uria do ne ai si manata, ’uria sa talitoona do kwasi ki ne maruki, ne to bana uria ṉali lada ma thauṉi lada la, kera ṉata taa sulia si do eki na kesi thaitoomana maalutana, ma toto keki fufuraa, keki labatai teefau bonaa ani kera,

II. Timothi 2:14

Oki faaroṉo kera lau asi do eki fasi keka onotoona, oki faaroṉoda inaofana ṉa Lord, kesi firu bi kera i talaada sulia si baea ki, firu la ne ai si kwaiadomi, kai faataofai nia toa na kera roṉoa.

Jude 1:16

Wane na kera uubulu taa ki neri, wane na kera kanabaebae, kera abula sulia si thathami la taa kera ki (ma kera sorea si do roṉo lana ka baita faamau ana fokoda), ma uria na kera thathamia todado la, kera rikia imole ki e ai kesi totoo.

II. Pita 2:18

Sulaania, ana bae lada roṉo lana ka baita faamau me fakoka, uria si do na seena imole e thathamidaki, ma ana daidei la, kera gafoa imole eki na keki thaka na mai faisia toa ana ade garo la;

I. Timothi 1:7

Kera thathamia sa ni kera toa ni kwaifamanatai ana ṉa lo, boro sa kesi thaitoomana mena si do eri na keki sorea, mado si do na keki ṉata seeraraa sulia.

I. Timothi 1:4

Bia fasi e ai kesi fale kera uria manatatoona lana uunu ki ma talisibara ladoa la ki, na kai faaṉata kera keki oli susuu, e ai si faasukwai kera atha God ana fitooa; si do eki kwai sorea lau.

Jemesi 1:19

Mania, doora liliothaua nau ki, ni kamulua sui, ta wane si ei, muki thathai uria roṉo la, ka tau bana muka bii ṉata, ka tau bana muka bii rakeiri:

Taetasi 3:9

Ma oko keto faisia soetoona la ki toa na kera ṉata oewanea, ma talisibara ki, ma oli susuua ki, ma firu la ki sulia ṉa lo, uria na do eki sa ka kwaiadomi e ai, tonee do ki bana.

Si do Aposela ki kera ilidaki 15:2

Ma si maṉa na tha Polo ma tha Banabasi kero ṉata ni firua faamau ma keko oli susuu bia toa eki, manatana baree wai doorana na tha Polo ma tha Banabasi, bia tei wane iada lau boo, keki tae uri Jerusalema isana aposela ki ma ulunao ki uria si do eri na kera oli susuu fafia.

Si do na kera fatai nia 3:17

Sulaania o sorea, Nau ku rikii do, ma ku fulatoona inotoa, me ai kwasi rofea ta si do; ma osi thaitoomana ne taa iamu, oe do ni tatakomi lana mo fakoka ma maamu e rodo mo talu:

II. Thesalonika 2:4

Wane na kai suusia ma kai faabaita nia fafia si do ki sui bana na kera alaṉia ana God mado na kera faabaita; adedea kai ono i la biu baita tha God, kai fatai nia i talaana ’uria sa nia tha God.

Kolose 2:18

Musi alamatania ta wane si laua kwaiara kamulua faisi kamulua ana ili lana si do nia tala thathamia ana abula seseka la ma faabaita lana angel ki, uria ne onotoona si do ne ai si rikia, ma manatana i talaana ka tona faabaita nia,

Filifae 2:14

Muki ilia si do ki sui boo uubulu taa la ki ma oli susuua ki ka ai faisia;

Filifae 2:3

Musi ilia ta si do ana firu la mado ana faabaita lamulua la i talaamulua, asi lio ni abula kelawanea la, kamulua sui, ta wane u boo i talaana ma ta wane u boo i talaana, manatana kai sorea na doorana e lea ka tatha ani nia;

Filifae 1:15

Tei toa fetei kera ṉata sulia tha Christ ana uga la ma firu la; ma tei toa lau boo asi lio ne lea:

Galesia 6:3

Sulaania mada sa ta wane manatana na nia baita, si maṉa ne tonee do, wane eri ka tala lole nia i talaana.

Galesia 5:26

Kusi uuunao kulu, kusi faaome kulu kwailiu, kusi uugali kulu kwailiu.

Galesia 5:15

Ma mada sa muki ale kamulua kwailiu ma muki dudumeme ani kamulua, muka fia ada muka faaai kamulua kwailiu.

II. Korinitha 11:20

Uria na mulu doanita ata wane, mada sa nia suuwai kamulua muka tona ra, mada sa nia lagua si do kamulua ki, mada sa nia abula dodora iamulua, mada sa nia tala faabaita nia i talaana, mada sa nia kwae faisia maamulua.

I. Korinitha 11:18

Uria na si do totonao, si maṉa na mulu figu mai ana figua eri, nau ku roṉoa na mulu to ana tafulu si lio; ma si do nau ku suka faamamanea neri.

I. Korinitha 11:16

Ma mada sa ta wane thathamii oli susuu fafia si do eri, biraṉamilia e ai dodoloa, ma biraṉana figua tha God ki ka ai lau boo.

I. Korinitha 3:18

Ta wane si tala lole nia i talaana. Mada sa ta wane e manatatoona i talaana na lione too i maalutamulua i kada nei, wane eri kai oewanea, fasi liona kai too mamana boo.

I. Korinitha 3:3

Uria na mulu ’uria toa nei iano ki ka fula asi maṉa eri: sulaania si maṉa na uga la ma firu la ma oli susuu la ka ni u i maalutamulua, musi ’uria toa nei iano ki, ma musi abula asi abula la imole ki?

Roma 14:1

Wane na fitooa nia e feda muka thathagonia isamulua, una ena mena, e ai kesi olili susuu fafia si do na kesi thaitoomana lea.

Roma 13:13

Kuki abula kokoto, ’uria i la thato; ana malasaole la ma si bula la na kafo bubula kai buloa imole e ai, ana moosuiluma ma daidei la e ai, ana firu la ma uga la ka ai lau boo.

Roma 12:16

Muki to kwailiu ana tee si lio. Manatamulua si toto ana si do ana inotoa ki, kai oli uria si do ana thafee to faekwa la ki. Musi ala fafia liotooa kamulua i talaamulua.

Roma 2:8

Ma ifana toa eki na kera thathamii firu, ma kesi ade sulia mamana la eri, kera ade bada sulia ade la ne ai si kokoto, kai falea rakeiria ma rakeaṉoṉoa,

Si do Aposela ki kera ilidaki 18:15

Ma mada sa oli susuu la sulia si baea ki ma thata ki ma lo kamulua i talaamulua, mamana lana ni kamulua; nau ku lalakwee kotu sulia si do eki.

Si do Aposela ki kera ilidaki 8:9

Sui tee nonii wane kai to, thatana tha Saimona, ne ra ana sukwaia spirit taa ki ana toaa susu eri, ka fula asi maṉa eri, ka alu fatona lana toa ana fanua i Sameria, ka tala alaṉi nia i talaana ana wane baita: