I. Timothi 6:2 - Ṉa Alaofua Falu 1923 1949

² Ma toa na wane inoto kera ki keka fitoo, kesi fare faekwa iada, sulaania kera tee baree wai doorana; ra la ana keki ra ifada, uria na toa na keka faalea ana ra kera keki fitoo lau boo ma toa liliothaua kera ki. Si do eki oki tooa ma oki faaroṉo kera ania.

I. Timothi 6:2 Referans Kwoze

Kolose 4:1

Wane inoto ki, muki falea si do ne kokoto me oolo ifana toa ni ra kamulua ki; uria na mulu thaitoomana Wane Inoto kamulua lau boo ni mai thalo.

I. Timothi 4:11

Si do eki oko faaroṉoda ania ma oki kwaifamanatai sulia.

Jude 1:8

Una ena mena, wane eki lau boo ana moosubole la kera ki kera faataalia seena imole, ma keka fare faekwa ana toa gwauwai ki, ma keka ṉata taa uria toa inoto faamau.

II. Pita 2:10

Ma imole eki u boo na kera abula sulia seena imole asi thathami la ne faataali kera, ma keka fare faekwa ana toa gwauwai ki. Kera seeraraa, keka naunibaita, kesi leleba si maṉa na keki ṉata taa i seena toa inoto faamau ki:

I. Pita 5:1

Wane ulunao ki i maalutamulua ku soree isada, ni nau wane ana ulunao la ni lau boo bi kera, na ku faamamanea si do nau ku rikia naa ana taa la tha Christ e toto ania, ma kwai ṉalia lau boo ta si ana inotoa eri na toto keki fatai nia:

Hibaru ki 3:14

Uria na akulua ta si asi do tha Christ ki, mada sa kuki rau ṉado ana seeraa la na kulu seeraa ania totonao, kai ṉado maakwalia ṉa susui la:

Hibaru ki 3:1

Mania, doora abu ke ra, na amulua si aili la ita mai i thalo, muki lio uria Aposela ma Aofia ni Foa na kulu faamamanea, tha Christ Jesus neri;

Taetasi 3:8

Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki:

Taetasi 2:15

Si do eki oki ṉata sulia ma oki sorea isada ma oki ṉata fifi isada asi lio ne baita ni gwauwai la. Osi alamatania ta wane si fare faekwa iamu.

Taetasi 2:1

Ma ni oe oki sorea si do ki ne farana si kwaifa manataia taliṉei:

I. Timothi 5:1

Osi sosorea ta wane ulunao, oki ṉata isana ’uria sa nia maka oe; kala wane ki ’uria dooramu kera:

II. Thesalonika 1:3

Mika sore lea ṉado atha God, e ai si ei boo, uri kamulua, doora kera, ma do kokoto neri, uria na fitooa kamulua ka tae ka baita alaa, ma liothau la kamulua uri kamulua kwailiu sui boo ka oro ka tatha;

Kolose 1:4

Uria na mili roṉoa fitooa kamulua uria tha Christ Jesus, ma liothau la eri na ni ruruumulua uria toa abu eki sui boo,

Kolose 1:2

Isana toa abu eki ma baree wai doorana mamana eki atha Christ nai Kolose: Lea la iamulua ma enenoa ita atha God na Maka kulu ma tha Lord Jesus Christ.

Efesasi 3:6

Ma si do eri nai nia, Jenetaele ki keki fulatoona si do lea ki ofu bi kamilia, ma kera lau boo si do ki na ana seedo eri, ma keki ṉalia ofu bi kamilia ta si ana alaṉaia eri atha Christ sulia si faaroṉoa lea,

Efesasi 1:15

Mania ni nau lau boo, buriana na nau ku roṉoa fitooa eri na mulu fitoona tha Lord Jesus, ma liothau la na mulu liothau ana toa abu eki sui boo,

Efesasi 1:1

Polo, aposela tha Jesus Christ sulia si do na tha God e thathamia, isana toa abu eki nai Efesasi, ma toa mamana eki atha Christ Jesus:

Galesia 5:6

Uria atha Jesus Christ kwai kakali la e ai si kwaiadomi, ma mada sa kesi kwai kakali ata wane do eri ka ai si kwaiadomi lau boo; talitoona bana fitooa na kai ra ana liothau la.

Roma 11:17

Ma mada sa kera oea tei tharee ’ai ana ’ai eri, ma ni oe, no olife kwasi, kera raofai oe oki ni ana ’ai eri i maalutada, mo ṉalia ofu bi kera ta si ana lalii olife ma sula;

Roma 8:29

Sulaania toa ne thaitoomana totonao si do na keki ilia, toa eki manatana e sorea lau boo totonao keki ’uria nuna Kaluwane nia, fasi nia kai ulunao ana baree wai doorana oro ki:

Mathui 25:40

Ma Kiṉa eri kai luuda, kai soree isada, Mamana ku soree isamulua, Uria na mulu ilia ata wane ne faekwa asia ana dooraku nei ki, do mulu ilia ani nau.

Mathui 23:8

Ma ni kamulua muki lufia kesi alaṉi kamulua ana Rabae: uria na amulua tee wane ni kwaifamanatai, ṉa Christ, ma ni kamulua sui na baree wai doorana.

Mathui 6:24

Ta wane sa ka ra ata ro wane inoto e ai: uria na mado e ai nia ka rikia ta wane ka taa bana, ma ka liothau ana ruana wane; mado nia kai roo ata wane, ma kai fare faekwa ata wane. Kamulua sa muki ra ifatha God ma inotoa e ai.

Si do Aposela ki kera ilidaki 1:15

Ma afa boṉi eki tha Pita e takwe ia i maalutana baree wai doorana eki, ka sorea (ma malului wane kera figu mai, fuliṉana tee taleṉee imole ma ro akwala).