I. Timothi 6:18 - Ṉa Alaofua Falu 1923 1949

¹⁸ Oki faaroṉoda keki ilia si do ne lea, keki rikii do asi ra lea ki, keki thathai ana ukali lana si do kera ki, keki thathamii tona fale la;

I. Timothi 6:18 Referans Kwoze

Hibaru ki 13:16

Ma ili lana lea la ma fale tataka la, do musi lilio dora ania: uria na ka lea faamau atha God uria do ni foa la una eki.

I. Jone 3:17

Ma ni tei bana ne rikii do asi do ana fanua nei iano ki, ma ka rikia doorana ka to ana rofe la, ma ka fonoa tatakomia nia faisia, nifana ade lana na liothau la tha God ka to ana wane eri?

Roma 12:8

Mado wane na kai kwaifamanatai, ana kwaifamanatai la nia: wane na kai tona falea si do ki, liona na kai ilia; wane na kai tatha inao, kai seemabe ania; wane na kai tatakomia ta imole, kai ilia ana seethathala la.

Fa Ṉu Abu ki 37:3

Oko fitoona tha Jihova; ilia fasi si ra ne lea; to amua ii la fanua, ma oko lae buriana si ade la ne mamana.

Taetasi 3:8

Si ṉata eri e mamana, ma nau ku thathamia oki ṉata seeraa sulia si do eki fasi toa na kera fitoona tha God keki beta suli kera fasi keki seemabe asi ra lea ki. Si do lea ki neri na kai adomia imole ki:

Taetasi 2:14

Ne fale nia uri kulu, fasi ka tae faisi kulu faisia si do eki sui bana na kera lufia, ma ka faafalua ta toa abu nia ifana, na keka seemabe asi ra lea ki.

Luke 12:21

To lana lau boo wane ne taiṉei nia ogogonia ifana i talaana, me ai si rikii do atha God.

Galesia 6:10

Mania, asi maṉa ne to u ifakulua, kuki ilia si do ne lea uria wane ki sui boo, ma uria toa eki u boo ana baree wela eri asi do na kulu fitoona.

Roma 12:13

Muki falea si do na kai adomia toa abu eki ana rofe la kera; muki beta ṉado sulia toa kwaita ki.

I. Timothi 5:10

Keki ala fafi nia sulia si ra lea ki; mada sa nia e thai sulia wela ki, mada sa nia e beta toa kwaita ki, mada sa nia e taua aaena toa abu ki, mada sa nia e adomia toa ne taa iada ki, mada sa nia e seemabe asi ra ki sui bana ne lea.

II. Korinitha 8:9

Sulaania mulu thaitoomana lea la Lord kulu tha Jesus Christ, na, boro sa nia ka rikii do mena, e toto ana rofe la uri kamulua, fasi ana rofe la nia eri ni kamulua muki rikii do.

II. Korinitha 8:12

Sulaania mada sa ta wane e fifarao, kera ala fafia asi do nia rikidaki, ma asi do ne ai si rikidaki ka ai.

I. Korinitha 16:2

Sulia fa boṉi totonao ana uiki kamulua sui, ta wane u boo i talaana, ma ta wane u boo i talaana, kai alua si ana ana wai malefo, sulia todado lana, fasi e ai ta ofumalefo la si maṉa ni nau kwai fula.

Fa Ṉu Abu ki 112:9

E ukalia si do ki, e tona falea ifana toa ana rofe la; kokoto la nia ka toto si sui: keki tafoa susukee do nia uri iaa ana faabaita lana.

III. Jone 1:11

Wane liliothaua nau, osi adede ’uria si ade la no rikia ne taa, oki ade ’uria ade la no rikia ne lea. Wane na ka abula lea, do tha God nania: wane na ka abula taa e ai si rikia boo tha God.

Jemesi 2:5

Muki roṉoa fasi, doora liliothaua nau ki; ta na sa tha God e filia toa na kesi rikii do i fanua nei iano, keki rikii do ana fitooa, ma keki fulatoona tooa eri ne alaṉai nia ana toa na keki liothau ani nia, mado?

Si do Aposela ki kera ilidaki 9:36

Sui tee kini na tha Jesus e tole nia e ni Jopa, thatana ni Tabitha, ma toolaṉai lana thata eri ni Dokasi: kin, eri e seemabe ṉado asi ra lea ki ma ana fale la ne fale ana toa na kera to ana rofe la.

I. Pita 3:11

Ma kia akele faisia si do taa, kai ilia si do ne lea; Kai rofe uria enenoa, ma kai tari buriana.

Si do Aposela ki kera ilidaki 11:29

Ma toa na tha Jesus e toleda, ta wane u boo i talaana ma ta wane u boo i talaana sulia si do ne rikidaki, kera sorea keki falea e ai si ei boo si do ana adomi lana baree wai doorana nai Judia:

Si do Aposela ki kera ilidaki 10:38

Sulia tha Jesus, Wane i Nasaretha, na tha God e kiki nia ana gwai, ma gwai eri tha Spirit Abu ma sukwaia: ne liu fafia ili lana si do lea ki, ma ka faamarukia toa eki sui boo na tha devil e malataa anida; uria na tha God e to bi nia.

Mathui 5:42

Oko fale ana wane na kai gani oe, ma wane na kai gania do na toto kai duua, osi falaburi ani nia.

Luke 3:11

Nia luuda, ka soree isada, Wane ne ana ta ro tooni lalo, kai fale ani nia ne ai ana ta do; ma wane ne ana faṉa, kai ade una eri.

Efesasi 4:28

Wane ne bibili sa ka bili lau e ai: kai ulafu boo, kai ra ana abana asi do ne lea, fasi kai rikii do uria fale la ifana wane ne to ana rofe la.