I. Timothi 6:13 - Ṉa Alaofua Falu 1923 1949

¹³ Nau ku soree isamu inaofatha God, ne faamarukia si do ki sui bana, ma inaofatha Christ Jesus, ne faamamanea lea isatha Podiasi Paelate si do nia thaitoomana e mamana;

I. Timothi 6:13 Referans Kwoze

Mathui 27:11

Ma tha Jesus ka takwe inaofana wane ni kotu: ma wane ni kotu ka soetoona, ka una eri, Oe ṉa Kiṉa Ju ki? Ma tha Jesus ka soree isana, Oi sorea.

I. Timothi 5:21

Nau ku faaroṉo oe inaofatha God, ma tha Lord Jesus Christ, ma angel eki na kera filida oki ade sulia si do eki, si do na manatamu e toea i talaamu ka ai faisia, osi ilia boo ta si do uria bana o rikia ta wane ka lea.

Si do na kera fatai nia 3:14

Ma oki keda isana angel ana figua nai Laodisia; Si do eki ṉa Emeni e sorea, nia ne fitoo ma mamana ana faamamane lana si do ne thaitoomana, nia na si do na tha God e thauwanidaki sui bana ita mai ani nia:

Si do na kera fatai nia 1:5

Ma atha Jesus Christ, Wane fitoo ni faamamane lana si do ne thaitoomana, ulunao faisia toa mae ki, ma Wane Gwauwai ne tatha ana kiṉa fanua nei iano ki. Nia na ka liothau ani kulu, me lube kulu faisia abula taa la kulu ki ana abuna i talaana:

Jone 5:21

Uria talafana ṉa Maka ka tataea toa mae ki ma ka faamarukida, alafana lau boo ṉa Kaluwane ka faamarukia ni tei bana ne thathamia.

Si do na kera fatai nia 22:1

Ma nia fatai nia tee kafo isaku asi kafo ana marukia, ne thathaulia uria fau niniu, ne maṉo mai ana do ni ono la tha God ma ṉa Lama ana inotoa,

Si do na kera fatai nia 21:6

Ma nia ka soree isaku, Si baea eki e mamana naa. Nau ṉa Alafa ma ṉa Omega, ṉa thafali la ma ṉa susui la. Nau kwai tona falea ana ruka‐mauri asi kafo ana marukia ifana wane lione lalaṉa.

I. Timothi 6:12

Oko firu ana firua lea eri asi do eki na kulu fitoona, oki rau ana marukia tatha eri, do na kera aili oe uria, no faamamanea lea inaofana toa oro na kera riki oe.

I. Timothi 2:5

Sulaania tee God, ma tee wane lau boo ni fofolo la i maalutana God ma ṉa imole, tha Christ Jesus, ne imole boo,

Si do Aposela ki kera ilidaki 17:25

Ma kesi ra ani nia ana abee imole, ’uria sa nia rofea ta si do, uria ni nia ka falea marukia, ma si maṉo, ma si do ki sui bana, ani kia sui;

Jone 19:11

Tha Jesus e luua, ka una eri, Soki sukwai fafi nau e ai, mada se ai kesi falea sukwaia iamu ita mai ia: mania wane ne fale nau iamu, abula taa la nia e baita ka tatha.

Jone 14:6

Tha Jesus ka soree isana, Nau na ṉa tala, ma ṉa mamana la, ma ṉa marukia: e ai ta imole si lae mai isana ṉa Maka ata tala eeta, talitoona ani nau.

Jone 5:26

Sulaania talafana ṉa Maka marukia ni ani nia i talaana, alafana lau boo nia e falea si kula eri ana ṉa Kaluwane lau boo na marukia kai ni ani nia:

Mathui 27:2

Ma keka kania, keka tolea kau, keka fale nia ifatha Paelate ṉa wane ni kotu.

II. Korinitha 9:13

Uria na sulaania kera ilitoomulua asi ra eri, keki taṉoa tha God uria na muka ade sulia si do na mulu faamamanea sulia si faaroṉoa lea tha Christ, ma uria na muka tona fale baita ifada ma ifana toa eri sui;

Galesia 3:26

Uria ni kamulua sui boo kaluwane tha God ki, uria fitooa, atha Christ Jesus.

I. Timothi 1:12

Ma nau ku sore lea atha Christ Jesus na Lord kulu, ne faasukwai nau mai, uria nia e takofale nau ku mamana, me alu nau ana ra nia;

I. Timothi 1:15

Si ṉata mamana neri, me farana na keki faamamanea ṉado, na tha Christ Jesus e lae mai uria fanua nei iano uria faamaruki lana toa na kera abula taa; ma ni nau wane ku abula taa ka tatha ani kera sui: