I. Timothi 5:17 - Ṉa Alaofua Falu 1923 1949

¹⁷ Muki fare baita faamau ana toa ulunao na kera ana lea ana ra tha God, ma toa eki u boo na kera ra asi baea eri ma ana kwaifamanataia.

I. Timothi 5:17 Referans Kwoze

Hibaru ki 13:17

Muki ade sulia ṉata lana toa na kera tatha inaomulua, ma muki roo sulida: sulaania keka fono toi kakalia maṉomulua, mala toa na keki soetoomulua ani kera, e ai si ei boo; fasi keki luua soetoona la eri ana seethathala la, ma ana liodila ka ai: uria na do e ai si adomi kamulua neri.

Galesia 6:6

Wane na kera tooa si do ki isana asi baea eri kai adomia wane ne tooa si do eki isana asi do lea ki sui bana.

Luke 10:7

Ma muki to i la tee biu eri, muki ania ma muki kuufia si do eki na keki falea: uria na wane ni ra eri e farana keki folia. Musi totoo na biu oro ki.

Hibaru ki 13:7

Muki onotoona toa eki na kera tatatha inaomulua, na kera ṉata sulia bae lana tha God isamulua; ma muki lio uria fitooa kera muki ade ’uria, uria na muki manatatoona gwauna abula lada.

II. Timothi 2:6

Wane ni ra ana oolee do, nia na kai ani totonao ana foee do eki.

Filifae 2:29

Mania muki thathagoni nia ana ṉa Lord ana seethathala la faamau; ma muki fare baita ana wane una eki:

Roma 12:8

Mado wane na kai kwaifamanatai, ana kwaifamanatai la nia: wane na kai tona falea si do ki, liona na kai ilia; wane na kai tatha inao, kai seemabe ania; wane na kai tatakomia ta imole, kai ilia ana seethathala la.

Si do Aposela ki kera ilidaki 28:10

Toa na keka fare baita lau boo ani kamilia asi do oro ki; ma si maṉa na mika lae, keka falea si do na mili rofedaki, mika ṉalia.

II. Korinitha 6:1

Ma mika ra ofu bi nia, mika ṉata kwaitakoi lau boo, mika sorea musi maruṉee ṉalia lea la tha God.

Roma 16:12

Muki ṉata una eri sani Taefina ma Taefosa, na kero ulafu ana ṉa Lord. Muki ṉata isani Pasisi, ai na kera liothau ani nia, ne ulafu faamau ana ṉa Lord.

Roma 15:27

Iu, kera thathamia boo; ma lea na keki faledo maana si do na kera ṉalia. Sulaania mada sa Jenetaele ki kera ṉalia tei si asi do tha Spirit ki i abana toa eri, e kokoto na keki ra ifana toa eri asi do fanua nei iano ki.

Filifae 4:3

Ma nau ku ṉata kwaitakoi isamu lau boo, wane mamana no ra ofu bi nau, fasi oki adomia ro kini eki, uria na kera ululafu ana ra la bi nau asi faaroṉoa lea, bia tha Kelemeni lau boo, ma tei toa lau na kera ra bi nau, na thatada ni la buka ana marukia.

I. Korinitha 16:16

Muki roo sulia toa una eki, ma sulia ni tei na kai kwaiadomi ana ra eri ma kai ulafu ania.

Si do Aposela ki kera ilidaki 11:30

Si do na kera ilia boo, keka falea kau isana toa ulunao ki ana abana tha Banabasi ma tha Solo.

II. Timothi 4:2

Oko ṉata sulia si baea eri; oki fifarao uria asi maṉa na kera maakwalia, ma asi maṉa na kesi maakwalia lau boo: oki faaseenoni kera, oki soreda, oki ṉata isada, asi lio ni doanita tatha la ma ana kwaifamanataia.

I. Timothi 4:16

Oki beta suli oe, ma sulia kwaifamanatai lamu. Oki ra ṉado asi do eki; uria na si maṉa oki ade una eri oki faamaruki oe i talaamu bia toa na kera roṉoa ṉata lamu lau boo.

I. Timothi 3:5

(Uria mada sa ta wane ka dora ania ana la ana maa fera nia i talaana, kai beta ufita sulia figua tha God?)

Filifae 2:16

Na muki rau lalaa asi baea ana marukia; fasi nau kwai seethathala afa boṉi tha Christ, uria ni nau e ai kwasi tona fifita ma kwasi tona ululafu.

Mathui 24:25

Rikia fasi, nau ku faaroṉo kamulua inao neri.

Hibaru ki 13:24

Muki ṉata isana toa eki sui boo na kera tatha inaomulua ’uria sa ni nau ku ṉata, ma isana toa abu eki sui bana. Toa i Itali mai kera thathamia kwai ṉata isamulua ’uria sa ni kera keki ṉata.

I. Timothi 4:10

Kulu ulafu ma kuki aṉasi, uria na kuki manatatoo ṉado uria ṉa God maruki, nia na ka faamarukia toa na fanua ni sui, ma toa na kera fitoo e faamarukida mamana boo.

I. Korinitha 15:10

Sui ana lea la tha God nau ku fula asi do nau ku fulatoona: ma lea la nia ne falea mai iaku na ṉa tonee do e ai; nau ku ulafu ana ra ne oro ka tatha ani kera sui boo: ni nau e ai neri, lea la tha God bana na ni isaku.

Si do Aposela ki kera ilidaki 20:35

Asi do ki sui bana abula laku e dodoloa, fasi muki lio sulia, muki thaitoomana e kokoto na muki ulafu una eri, muki rausualia toa na kera feda ki, ma muki onotoona bae lana tha Lord Jesus, na talani nia e sorea, Imole na kai faledo, kai lea iana ka tatha ana imole na kai ṉalia.

Jone 4:38

Nau ku arasi kamulua mulu kasia unii do ki na musi ulafu ania: toa eeta kere ululafu, ma kamulua mulu ṉalia si do na kera ulafu ania.

Luke 12:42

Ma ṉa Lord ka sorea, Mania nifenia wane eri na kera takofalea asi do ki, ne mamana ma liona ka too, na wane inoto nia kai alu nia kai gwauwai ana toa na biu nia, fasi kai falea moriṉa kera asi maṉa ni fale lana?

I. Timothi 5:3

Fare baita ana gwa oru ki na kera oru mamana boo.

I. Timothi 4:6

Mada so faaroṉoa doorakulua ki lau fasi keki onotoona si do eki, oki wane ni ra lea tha Jesus Christ, na kera thare oe asi baea ba ki asi do eki na kulu fitoona, ma ana kwaifamanataia lea eri no ade ṉado sulia:

I. Korinitha 3:9

Uria ni kamarea toa ni ra ofu la bia tha God: kamulua ṉa oolee do tha God, ma biu tha God.

I. Timothi 4:14

Osi seedadaola asi do ba na ni ruruumu, na kera tona falea iamu na ba ana ṉata lana porofeta ki, si maṉa na toa ulunao eki kera alua abada fafi oe.

I. Timothi 5:19

Mada sa kera alaṉia wane ulunao ana ta si do iamu, osi roṉoa si maṉa na ta ro imole mado ta ulu ei kesi faamamanea u.